Gujarat Weather Forecast: વરસાદ આગાહી, ગુજરાત હવામાન વિભાગ, વરસાદ આગાહી ચોમાસું ૨૦૨૪ અંબાલાલ પટેલ ambalal patel agahi
Gujarat Weather Forecast: ગઈ કાલે અમરેલી જિલ્લાના મોટાભાગમાં વિસ્તારોમાં વરસાદી માહોલ જામ્યો હતો. જેમાં ભારે પવન સાથે ધોધમાર વરસાદ તૂટી પડ્યો હતો. જેના કારણે અનેક ઠેકાણે વૃક્ષો ધારાશાયી થઈ ગયા હતા. જ્યારે ધોધમાર વરસાદના પગલે અનેક ગામડાઓના રસ્તાઓ પર પાણીની નદીઓ વહેવા લાગી હતી.
ગઈ કાલ વહેલી સવારે 6થી રાતના 8 વાગ્યા સુધીના 15 કલાકના ગાળામાં રાજ્યના 35 તાલુકામાં નોંધપાત્ર વરસાદ વરસ્યો છે. જે પૈકી સાંજે 6થી 8ના બે કલાકના ગાળામાં અમરેલી જિલ્લાના બાબરા તાલુકામાં 70 મિમી એટલે કે પોણા 3 ઈંચ વરસાદ નોંધાયો છે.
આ સિવાય છોટા ઉદેપુર જિલ્લાના ક્વાંટમાં પણ બે કલાકમાં પોણા 2 ઈંચ વરસાદ વરસ્યો છે. તેમજ રાજ્યના 5 તાલુકામાં 1 ઈંચ કરતાં વધુ વરસાદ ખાબક્યો છે.
ગુજરાતમાં રવિવારે સાંજથી અચાનક વાતાવરણમાં પલટો આવ્યો હતો અને અનેક વિસ્તારોમાં વીજળી અને ગાજવીજ સાથે વરસાદ ખાબક્યો હતો. જેના કારણે ગુજરાતીઓને કાળઝાળ ગરમી અને બફારામાં આંશિક રાહત મળી છે. હાલ ગુજરાતમાં પ્રિ મોન્સૂન એક્ટિવિટી થઇ રહી છે જેના કારણે અનેક વિસ્તારોમાં વરસાદ વરસી રહ્યો છે.
હવામાન વિભાગના અમદાવાદ કેન્દ્ર દ્વારા આપવામાં આવેલી માહિતી પ્રમાણે, આજે પણ અનેક વિસ્તારોમાં વીજળીના કડાકા ભડાકા અને પવનના સૂસવાટા સાથે વરસાદ વરસી શકે છે.
આજે અમદાવાદ, બોટાદ, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, દમણમાં વલસાડ, દાદરા નગર હવેલી, ઉત્તર ગુજરાત પ્રદેશના જિલ્લાઓમાં એટલે કે ખેડા, આણંદ, પંચમહાલ, દાહોદ અને મહિસાગરના છૂટાછવાયા સ્થળોએ સામાન્ય વરસાદ પડી શકે છે.
આ સિવાય સૌરાષ્ટ્ર વિસ્તારના જિલ્લાઓમાં એટલે કે અમરેલી, ભાવનગર, ગીર સોમનાથ અને દીવમાં ગાજવીજ અને વીજળીના ચમકારા સાથે છૂટાછવાયા સ્થળો પર સામાન્ય વરસાદ વરસી શકે છે.
તો આવતીકાલે એટલે મંગળવારે વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલીમાં ગાજવીજ અને વીજળીના ચમકારા સાથે છૂટાછવાયા સ્થળો પર સામાન્ય વરસાદ વરસી શકે છે.
ઉત્તર ગુજરાતના જિલ્લાઓમાં એટલે કે પંચમહાલ અને દાહોદમાં તથા સૌરાષ્ટ્ર વિસ્તારના જિલ્લાઓમાં એટલે કે અમરેલી, ભાવનગર, ગીર સોમનાથ અને દીવમાં ગાજવીજ અને વીજળીના ચમકારા સાથે છૂટાછવાયા સ્થળો પર સામાન્ય વરસાદ વરસી શકે છે.
હવામાન વિભાગના જણાવ્યા અનુસાર, આજથી 13 જૂન સુધી સૌરાષ્ટ્ર, મધ્ય ગુજરાત અને દક્ષિણ ગુજરાતમાં વરસાદ પડશે. થન્ડરસ્ટોર્મ એક્ટિવિટીના કારણે 30થી 40 કિમીની ઝડપે પવન ફુંકાવવાની આગાહી હવામાન વિભાગ દ્વારા કરવામાં આવી છે.
ખાસ નોંધ: વરસાદ અને વાવાઝોડાં સંબંધિત તમામ માહિતી માટે હંમેશા હવામાન વિભાગની આગાહીને અનુસરવી.
ગોંડલ Gondal Apmc Rate 07-09-2024 ગોંડલ માર્કેટ યાર્ડ (Gondal APMC Market Yard) ના તા. 07-09-2024, શનિવારના બજાર…
22 કેરેટ સોનાના ભાવ:- આજના સોનાના ભાવની વાત કરીએ તો આજે 22 કેરેટની ગુણવત્તાવાળા 1…
રાજકોટ Rajkot Apmc Rate 07-09-2024 રાજકોટ માર્કેટ યાર્ડ (Rajkot APMC Market Yard) ના તા. 07-09-2024, શનિવારના બજાર…
ચણા Chana Price 07-09-2024 ચણાના બજાર ભાવની વાત કરીએ તો, ગઈ કાલે તા. 06-09-2024, શુક્રવારના રોજ રાજકોટ માર્કેટ યાર્ડમાં…
રાયડા Rayda Price 07-09-2024 રાયડાના બજાર ભાવની વાત કરીએ તો, ગઈ કાલે તા. 06-09-2024, શુક્રવારના રોજ રાજકોટ માર્કેટ યાર્ડમાં…
ધાણા Dhana Price 07-09-2024 ધાણાના બજાર ભાવની વાત કરીએ તો, ગઈ કાલે તા. 06-09-2024, શુક્રવારના રોજ જેતપુર માર્કેટ યાર્ડમાં…