1 એપ્રિલથી વધુ 2 બેંકોનું થશે મર્જર, રિઝર્વ બેંકે આપી મંજૂરી

દેશમાં ફરી એકવાર બેંકોનું મર્જર થવા જઈ રહ્યું છે. રિઝર્વ બેંક ઓફ ઈન્ડિયાએ કહ્યું છે કે 1 એપ્રિલ, 2024થી વધુ બે બેંકોનું મર્જર થવાનું છે, જેને RBIની મંજૂરી મળી ગઈ છે. આ વખતે Fincare Small Finance Bank Ltd એ AU Small Finance Bank Ltd સાથે મર્જ થવા જઈ રહી છે. આ બંને બેંકો 1 એપ્રિલથી એક થઈ જશે.

ફિનકેર સ્મોલ ફાઇનાન્સ બેંક લિમિટેડની તમામ શાખાઓ એપ્રિલ 01, 2024થી AU સ્મોલ ફાઇનાન્સ બેંક લિમિટેડની શાખાઓ તરીકે કાર્ય કરશે. 23 જાન્યુઆરીના રોજ, કોમ્પિટિશન કમિશન ઓફ ઈન્ડિયા (CCI) એ AU Small Finance Bank અને Fincare Small Finance Bank વચ્ચે મર્જરને મંજૂરી આપી.

AU Small Finance Bank કઈ સુવિધાઓ પૂરી પાડે છે?

એયુ સ્મોલ ફાઇનાન્સ બેંક તેના ગ્રાહકોને વ્યક્તિગત અને વ્યાપારી બેંકિંગ સેવાઓ પૂરી પાડે છે. જેમાં ડિપોઝીટ, લોન, એડવાન્સ, ડેબિટ-ક્રેડિટ કાર્ડ તેમજ ડિજિટલ બેંકિંગ સેવાઓની સુવિધાઓ સામેલ છે.

આ ડીલ હેઠળ, અનલિસ્ટેડ ફિનકેરના શેરધારકોને તેમની પાસેના દરેક 2,000 શેર માટે બજારમાં લિસ્ટેડ AU SFBના 579 શેર મળશે.

AU સ્મોલ ફાઇનાન્સ બેંકે 30 ઓક્ટોબરે Fincare SFB સાથે મર્જર વિશે માહિતી આપી હતી. હાલમાં, બંનેના વિલીનીકરણને પૂર્ણ કરવામાં હજુ એક મહિનાનો સમય લાગશે. Fincare SFB અને AU SFB બંનેના શેરધારકોની મંજૂરી પણ જરૂરી હતી. આ સિવાય રિઝર્વ બેંક અને સીસીઆઈ તરફથી પણ નિયમનકારી મંજૂરીની જરૂર હતી.

બોર્ડમાં પણ ફેરફાર થશે

મર્જર પછી, Fincare SFB ના મેનેજિંગ ડિરેક્ટર અને CEO AU SFB ના ડેપ્યુટી CEO બનશે. આ સાથે, ફિનકેર SFB ના બોર્ડના ડિરેક્ટર દિવ્યા સેહગલ પણ AU સ્મોલ ફાઇનાન્સ બેન્કના બોર્ડમાં સામેલ થશે.