રોહિત શર્માએ દક્ષિણ આફ્રિકા સામે ટીમ ઈન્ડિયાને શાનદાર શરૂઆત અપાવી હતી. તેણે શરૂઆતથી જ આક્રમક બેટિંગ શરૂ કરી હતી, પરંતુ 40 રનના સ્કોર પર પેવેલિયન પરત ફર્યો હતો. આ મેચમાં તેને આઉટ કરનાર બોલર દક્ષિણ આફ્રિકાના સૌથી સફળ બોલરોમાંથી એક છે. હાલમાં તેની ગણતરી વિશ્વના ટોચના બોલરોમાં થાય છે. આ આઉટ સાથે રોહિતના નામે એક અનિચ્છનીય રેકોર્ડ પણ બની ગયો.
રોહિત શર્માએ આ મેચમાં ટીમ ઈન્ડિયાને શાનદાર શરૂઆત અપાવી હતી. આક્રમક બેટિંગ કરતી વખતે તેણે પહેલી જ ઓવરથી આફ્રિકન બોલરોના બોલ પર ચોગ્ગા અને છગ્ગા મારવાનું શરૂ કરી દીધું હતું.
જોકે, રોહિત 40 રનના સ્કોર પર કાગિસો રબાડાના બોલ પર ટેમ્બા બાવુમાના હાથે કેચ આઉટ થયો હતો. આ ઝડપી ઈનિંગમાં તેણે 6 ફોર અને 2 જબરદસ્ત સિક્સર ફટકારી હતી. રોહિત શર્મા અને શુભમન ગિલ વચ્ચે પ્રથમ વિકેટ માટે 62 રનની ભાગીદારી નોંધાઈ હતી.
રોહિત સૌથી વધુ વખત આઉટ થયો છે
કાગિસો રબાડા એવો બોલર બની ગયો છે જેણે આંતરરાષ્ટ્રીય ક્રિકેટમાં રોહિત શર્માને સૌથી વધુ વખત આઉટ કર્યો છે. રબાડાએ 12 વખત રોહિત શર્માને પેવેલિયનનો રસ્તો બતાવ્યો છે. આ પછી ટિમ સાઉથી તેને 11 વખત પેવેલિયન મોકલી ચૂક્યો છે. આ યાદીમાં ત્રીજા નંબર પર શ્રીલંકાના એન્જેલો મેથ્યુસ છે, જેણે રોહિતને 10 વખત આઉટ કર્યો છે.
આંતરરાષ્ટ્રીય ક્રિકેટમાં સૌથી વધુ વખત રોહિત શર્માને આઉટ કરનાર બોલર
12 કાગીસો રબાડા
11 ટિમ સાઉથી
10 એન્જેલો મેથ્યુઝ
9 નાથન લ્યોન
8 ટ્રેન્ટ બોલ્ટ
