સરકારે બુધવારે જણાવ્યું હતું કે ‘ઈ-દખિલ’ પોર્ટલ તમામ રાજ્યો અને કેન્દ્રશાસિત પ્રદેશોમાં ગ્રાહકોની ફરિયાદો દાખલ કરવા માટે સસ્તું, ત્વરિત અને મુશ્કેલી મુક્ત સિસ્ટમ તરીકે સફળતાપૂર્વક શરૂ કરવામાં આવ્યું છે. આ સાથે સરકાર ‘ઈ-જાગૃતિ’ પોર્ટલ શરૂ કરવા માટે પણ પ્રયાસો કરી રહી છે.
આ પોર્ટલ કેસ નોંધણી, પ્રોગ્રેસ મોનિટરિંગ અને મેનેજમેન્ટને સુવ્યવસ્થિત કરશે. આ ઉપભોક્તાઓ અને અન્ય હિસ્સેદારો માટે મુશ્કેલી મુક્ત અનુભવની ખાતરી કરશે.
ઉપભોક્તા બાબતોના મંત્રાલય દ્વારા જારી કરાયેલા એક નિવેદનમાં કહેવામાં આવ્યું છે કે લદ્દાખમાં ઈ-ફાઈલિંગ પોર્ટલના તાજેતરના પ્રારંભ સાથે, આ ઓનલાઈન ફરિયાદ પ્લેટફોર્મ હવે સમગ્ર ભારતમાં ગ્રાહકો માટે ઉપલબ્ધ થઈ ગયું છે.
ફરિયાદોનો ઝડપથી નિકાલ કરવામાં આવશે.
ઈ-ફાઈલિંગ પોર્ટલ, સૌપ્રથમ 7 સપ્ટેમ્બર, 2020 ના રોજ રજૂ કરવામાં આવ્યું હતું, જે ગ્રાહક ફરિયાદ નિવારણ પ્રક્રિયાને સુવ્યવસ્થિત કરવા માટે વિકસાવવામાં આવ્યું છે. તે ગ્રાહકોને સંબંધિત ગ્રાહક અદાલત સુધી પહોંચવા માટે એક કાર્યક્ષમ અને અનુકૂળ માર્ગ પૂરો પાડે છે.
હાલમાં ઈ-દાખિલ પોર્ટલ પર 2,81,024 વપરાશકર્તાઓ નોંધાયેલા છે અને કુલ 1,98,725 કેસ નોંધાયા છે. તેમાંથી 38,453 કેસોનો નિકાલ કરવામાં આવ્યો છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
મંત્રાલયે કહ્યું છે કે ઈ-દાખિલ પોર્ટલ તેની દેશવ્યાપી પહોંચ સાથે ભારતમાં ગ્રાહક અધિકારોના લેન્ડસ્કેપમાં ક્રાંતિ લાવવા માટે તૈયાર છે. આ સાથે, સરકારે કહ્યું કે તે ગ્રાહકોની વધતી જતી જરૂરિયાતોને પહોંચી વળવા આ પ્લેટફોર્મને સતત સુધારવા અને વિસ્તૃત કરવા માટે પ્રતિબદ્ધ છે.
નેશનલ કન્ઝ્યુમર હેલ્પલાઈન (NCH) એ તેના કન્વર્જન્સ પ્રોગ્રામ હેઠળ 1,000 થી વધુ કંપનીઓ સાથે ભાગીદારી કરી છે જેથી ગ્રાહકો દ્વારા નોંધાવવામાં આવેલી ફરિયાદોનું ઝડપી નિરાકરણ આવે.
આ કંપનીઓ ઈ-કોમર્સ, ટ્રાવેલ એન્ડ ટુરિઝમ, પ્રાઈવેટ એજ્યુકેશન, એફએમસીજી, કન્ઝ્યુમર ડ્યુરેબલ્સ, ઈલેક્ટ્રોનિક પ્રોડક્ટ્સ, રિટેલ આઉટલેટ્સ, ઓટોમોબાઈલ, ડીટીએચ, કેબલ સર્વિસીસ, બેન્કિંગ અને અન્ય મુખ્ય ક્ષેત્રોની છે.
