આજના સમયમાં આધાર કાર્ડ તમારી ઓળખનો સૌથી મહત્વપૂર્ણ દસ્તાવેજ બની ગયો છે. બેંક ખાતું ખોલાવવું હોય, બાળકનું એડમિશન કરાવવું હોય કે કોઈ સરકારી યોજનાનો લાભ લેવો હોય, આધાર કાર્ડ જરૂરી છે.
આવી સ્થિતિમાં, તે મહત્વપૂર્ણ છે કે તેમાં આપવામાં આવેલી દરેક માહિતી અપડેટ કરવામાં આવે અને UIDAI હજી પણ મફતમાં દસ્તાવેજો અપડેટ કરવાની સુવિધા આપી રહ્યું છે.
યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ મફત આધાર અપડેટિંગ સુવિધા માટે સમયમર્યાદા લંબાવી છે.
આધાર કાર્ડ અપડેટ માટે દસ્તાવેજો અપલોડ કરવાની છેલ્લી તારીખ 14મી ડિસેમ્બર સુધી લંબાવવાનો નિર્ણય લેવામાં આવ્યો છે.
જો કે નામ બદલવા માટે ગેઝેટ ફરજિયાત કરવામાં આવ્યું છે. મૂંઝવણ ટાળવા માટે આ પગલું લેવામાં આવ્યું છે. જન્મતારીખ સુધારવા માટે નજીકના આધાર કેન્દ્ર પર જવું પડશે.
UADAI એ પણ સલાહ આપી છે કે જો તમારું આધાર કાર્ડ 10 વર્ષથી વધુ જૂનું હોય તો તેને અપડેટ કરો. આ ઉપરાંત, જો આધાર કાર્ડની વિગતોમાં કોઈ ફેરફાર હોય જેમ કે સરનામું, નામ, જન્મદિવસ, હસ્તાક્ષર, મોબાઈલ નંબર, તો તમારે નવું આધાર કાર્ડ મેળવવું પડશે અને આ પ્રક્રિયા 14મી ડિસેમ્બર સુધી મફતમાં કરી શકાશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ સમયગાળા પછી, આધાર કાર્ડ અપડેટ કરવા માટે 50 રૂપિયાની ફી ચૂકવવી પડશે. ઉલ્લેખનીય છે કે શરૂઆતમાં, આધારમાં માહિતી અપડેટ કરવાની અંતિમ તારીખ 14 જૂન હતી. તેમાં હવે 14મી ડિસેમ્બર સુધી વધારો થઈ રહ્યો છે.
આધાર અપડેટ કરવું ફરજીયાત નથી. પરંતુ, તે એક મહત્વપૂર્ણ ઓળખ પત્ર છે. તેથી UIDAI તમને તેને નિયમિતપણે અપડેટ કરવા વિનંતી કરે છે.
તમે આ કાર્ડનો ઉપયોગ સરકારી લાભો મેળવવા, ઓળખ કાર્ડ તરીકે અને આવકવેરો ભરવા માટે પણ કરી શકો છો.
