જ્યારથી ઈન્ટરનેટ અને સ્માર્ટફોનનો ઉપયોગ વધ્યો છે ત્યારથી સ્કેમ, સાયબર ફ્રોડ, સ્પામ કોલ અને સ્પામ મેસેજ પણ ઝડપથી વધ્યા છે.
જો કે, હવે દેશભરના કરોડો મોબાઈલ યુઝર્સને સ્પામ મેસેજથી કાયમ માટે રાહત મળી છે. TRAI સમગ્ર દેશમાં કોમર્શિયલ મેસેજને ટ્રેક કરવા માટે મેસેજ ટ્રેસેબિલિટી નિયમ લાગુ થઈ ગયો છે.
નવા નિયમો 11 ડિસેમ્બરથી લાગુ થયા
મહત્વનું છે કે TRAI એ તમામ ટેલિકોમ ઓપરેટર્સને મેસેજ ટ્રેસેબિલિટી લાગુ કરવા માટે 30 નવેમ્બર 2024 સુધીનો સમય આપ્યો હતો. આ નિયમ 1 ડિસેમ્બરથી લાગુ થવાનો હતો, પરંતુ બાદમાં સર્વિસ પ્રોવાઈડરની માંગણી પર 10 દિવસનો વધારો આપવામાં આવ્યો હતો. ટ્રાઈના નિયમોને 11મીથી લાગુ થઈ ગયા છે.
ફેક મેસેજ પર અંકુશ આવશે
મેસેજ ટ્રેસેબિલિટીના અમલીકરણ પછી, કોમર્શિયલ મેસેજ અને OTP સંબંધિત મેસેજ સરળતાથી ટ્રેક કરી શકાય છે. તેનાથી ટેલિકોમ ઓપરેટરોને સ્પામ મેસેજ અને ફેક મેસેજને રોકવામાં પણ મદદ મળશે.
મેસેજ ટ્રેસિંગના અભાવનો ફાયદો ઉઠાવીને મોબાઈલ યુઝર્સને વિવિધ પ્રકારની છેતરપિંડી કરવામાં આવી રહી છે, પરંતુ હવે આ પર પણ અંકુશ આવશે.
OTP મેળવવામાં કોઈ વિલંબ થશે નહીં
ઉલ્લેખનીય છે કે જ્યારે TRAIને OT આધારિત મેસેજને ટ્રૅક કરવા માટે પહેલીવાર ટ્રેસેબિલિટી લાગુ કરવા માટે કહેવામાં આવ્યું હતું, ત્યારે એવું માનવામાં આવતું હતું કે આનાથી OTP મેળવવામાં વિલંબ થઈ શકે છે. પરંતુ બાદમાં ટ્રાઈએ આ વાતને સંપૂર્ણપણે ફગાવી દીધી હતી.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ વિશે માહિતી આપતા ટ્રાઈએ કહ્યું હતું કે, મોબાઈલ યુઝર્સની સુવિધા માટે OTP ટ્રેસેબિલિટી લાગુ કરવામાં આવી રહી છે. આ સાથે આ નવા નિયમથી પારદર્શિતા પણ આવશે. ટ્રાઈએ કહ્યું કે ટ્રેસિબિલિટી લાગુ થયા પછી પણ ઓટીપી સમયસર યુઝર્સને ડિલિવર કરવામાં આવશે.
