ડ્રાય ફ્રૂટ સ્વાસ્થ્ય માટે ગુણકારી છે. જે તમારા શરીરને પ્રોટીન, ફાયબર, વિટામિન્સ, મિનરલ્સ અને હેલ્ધી ફેટ્સ પુરા પાડે છે. અખરોટનું નિયમિત સેવન તમારા શરીર માટે ઘણી રીતે ફાયદાકારક છે. ખાસ કરીને જ્યારે તે યોગ્ય માત્રામાં ખાવામાં આવે છે.
જો તમે એક મહિના સુધી રોજ અખરોટ ખાશો તો તેના ફાયદા ધીરે ધીરે દેખાવા લાગશે. દરરોજ અખરોટ ખાવાથી તમારા હૃદયનું સ્વાસ્થ્ય, મગજ, રોગપ્રતિકારક શક્તિ અને ત્વચામાં સુધારો થઈ શકે છે.
એક મહિના સુધી સતત અખરોટ ખાવાથી તમારા સ્વાસ્થ્ય પર ઘણી મોટી અસર થઈ શકે છે. તો ચાલો જાણીએ દરરોજ કેટલા અખરોટ ખાવા જોઇએ.
હૃદય માટે ફાયદાકારક
અખરોટમાં ઓમેગા-3 ફેટી એસિડ હોય છે, જે હૃદય માટે ખૂબ જ સારું છે. તે કોલેસ્ટ્રોલને નિયંત્રિત કરવામાં મદદ કરે છે અને હાર્ટ એટેક અથવા સ્ટ્રોકનું જોખમ પણ ઘટાડે છે.
મગજ માટે ફાયદાકારક
અખરોટમાં હાજર ઓમેગા-3 ફેટી એસિડ અને એન્ટીઓક્સીડેન્ટ મગજના સ્વાસ્થ્યને પ્રોત્સાહન આપે છે. તે યાદશક્તિને સુધારવામાં મદદ કરે છે અને અલ્ઝાઈમર જેવી વૃદ્ધત્વ સાથે થતી માનસિક સમસ્યાઓને અટકાવી શકે છે. અખરોટમાં કેલ્શિયમ અને મેગ્નેશિયમ પણ સારી માત્રામાં હોય છે, જે હાડકાંને મજબૂત બનાવવામાં ફાયદાકારક છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
વજન ઘટાડવામાં મદદ
અખરોટમાં પ્રોટીન અને ફાઈબરની માત્રા વધુ હોય છે, જે પેટને લાંબા સમય સુધી ભરેલું રાખે છે. આ કારણે તે ભૂખને નિયંત્રિત કરે છે અને વજન ઘટાડવામાં મદદ કરી શકે છે. વધુમાં, અખરોટમાં ઝીંક, સેલેનિયમ અને એન્ટીઑકિસડન્ટ જેવા પોષક તત્વો હોય છે જે શરીરની રોગપ્રતિકારક શક્તિને મજબૂત બનાવે છે.
ત્વચા અને વાળ માટે ફાયદાકારક
અખરોટમાં હાજર વિટામીન E અને એન્ટીઓક્સીડેન્ટ ત્વચાને સ્વસ્થ રાખે છે અને વાળનું સ્વાસ્થ્ય પણ સુધારે છે. તે ત્વચાને કરચલીઓથી બચાવવામાં મદદ કરે છે અને વાળ ખરવાની સમસ્યાથી પણ રાહત આપે છે
