આપણે સવારે સૌથી પહેલા ઉઠીને દાંત સાફ કરતા હોઈએ છીએ. દાંત સાફ કરવાથી દાંતના નુકસાન અને શ્વાસની દુર્ગંધથી બચી શકાય છે. જો કે, ખૂબ સખત બ્રશ કરવાથી દાંતને નુકસાન થાય છે. સવારે તમારા દાંતને ખાસ રીતે બ્રશ કરો. સવારે બ્રશ કરવાથી બેક્ટેરિયા દૂર થાય છે તેનાથી મોઢામાંથી આવતી શ્વાસની દુર્ગંધથી રાહત મળી શકે છે.
બ્રશ કરવાથી દાંત પર એક રક્ષણાત્મક સ્તર બને છે જે ખોરાકમાં રહેલા એસિડ સામે રક્ષણ કરવામાં મદદ કરે છે. સવારે બ્રશ કરવાથી લાળનું ઉત્પાદન વધે છે, જે ખોરાકને તોડતા બેક્ટેરિયાને મારવામાં મદદ કરે છે.
દાંત સાફ કરવા માટે, યોગ્ય રીતે બ્રશ કરવું જરૂરી છે. ઘણી વખત, બ્રશ કરતી વખતે નાની ભૂલો પણ પાછળથી દાંતના દુઃખાવા, પેઢામાં સોજો, પોલાણ અને દાંત પડી જવાનું કારણ બની જાય છે. આવી સ્થિતિમાં કેટલીક બાબતોનું ધ્યાન રાખીને દાંતને નુકસાનથી બચાવી શકાય છે.
કોફી પીધા પછી ક્યારેય પણ દાંત સાફ ન કરો
ડેન્ટિસ્ટના મતે જો તમે કોફી પીવાના શોખીન છો તો કોફી પીધા પછી ક્યારેય પણ દાંત સાફ ન કરો. આમ કરવાથી દાંતને ગંભીર નુકસાન થઈ શકે છે. ખરેખર, કોફીની પ્રકૃતિ એસિડિક છે. જ્યારે આપણે કોફી પીધા પછી બ્રશ કરીએ છીએ ત્યારે એસિડ દાંત પર ઘસાય છે અને દાંતને નુકસાન થઈ શકે છે.
નિષ્ણાતોના મતે, આપણા દાંત દંતવલ્ક(ઈનેમલ), ડેન્ટિંગ અને રૂટ સિમેન્ટ જેવી વસ્તુઓમાંથી બને છે. જ્યારે તમે સવારે ઉઠો છો, ત્યારે બેક્ટેરિયાથી આપણું મોઢું ભરાય ગયું હોય છે. ત્યારે સવારે જ તેમને ગટાવી દેવા વધુ મહત્વના છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
જો આને દૂર કરવામાં ન આવે, તો પછી દાંતમાં રહેલું રાતનું ખાવાનું કોફીની એસિડિક પ્રકૃતિ સાથે મળીને ઈનેમલને નબળું બનાવે છે, જેના કારણે દાંત પડી શકે છે.
કોફી પીધા પછી ક્યારે બ્રશ કરવું?
ડેન્ટિસ્ટ કહે છે કે, જો તમે સવારે ઉઠ્યા પછી કોફી પીવાની આદત છોડી શકતા નથી, તો તેને પીધા પછી તરત જ તમારા દાંત સાફ ન કરો. ઓછામાં ઓછા અડધા અથવા 1 કલાક પછી જ બ્રશ કરો. જો તમે ઈચ્છો તો, તમે કોફી પછી માઉથવોશથી કોગળા કરી શકો છો અથવા પાણી પી શકો છો.
ઉલ્ટી થયા પછી તરત જ બ્રશ ન કરો.
ડેન્ટિસ્ટના જણાવ્યા મુજબ, જો કોઈ કારણસર ઉલ્ટી થાય છે, તો પછી તરત જ બ્રશ કરવાનું ટાળવું જોઈએ. વાસ્તવમાં, પેટમાં જે પણ હોય છે તે એસિડિક હોય છે, જ્યારે આપણા દાંત ખનિજોથી બનેલા હોય છે. જ્યારે પેટની સામગ્રી મોંમાં આવે છે, ત્યારે મોંની પ્રકૃતિ પણ એસિડિક બની જાય છે. આવી સ્થિતિમાં બ્રશ કરવાથી દાંત સુધી એસિડ પહોંચે છે.
એસિડ દાંતને શું નુકસાન કરે છે?
1. એસિડના સંપર્કમાં આવવાથી ઉંમર પહેલા દાંત નબળા પડી શકે છે.
2. દાંત પર એસિડ પીડા અને ચેપનું કારણ બની શકે છે.
3. એસિડના સંપર્કમાં આવવાથી દાંત પડી શકે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
