ટ્રાન્સપરન્સી ઈન્ટરનેશનલે મંગળવારે કરપ્શન પર્સેપ્શન ઈન્ડેક્સ (CPI) 2024નું રેન્કિંગ બહાર પાડ્યું છે. ભ્રષ્ટાચાર પર્સેપ્શન ઈન્ડેક્સ વિશ્વભરના સૌથી ભ્રષ્ટ અને સૌથી પ્રમાણિક દેશોને સ્થાન આપે છે.
યાદી બહાર પાડવા માટે, CPI જાહેર ક્ષેત્રમાં ભ્રષ્ટાચારના કથિત સ્તરોના આધારે 180 દેશો અને પ્રદેશોને રેન્ક આપે છે. દેશોને 0 અને 100 ની વચ્ચેનો સ્કોર આપવામાં આવે છે, જેમાં સૌથી વધુ સ્કોર મેળવનારને સૌથી સ્વચ્છ દેશ અને સૌથી ઓછો સ્કોર સૌથી ભ્રષ્ટ દેશ જાહેર કરવામાં આવે છે.
આ રિપોર્ટ ટ્રાન્સપરન્સી ઈન્ટરનેશનલ બર્લિન દ્વારા બહાર પાડવામાં આવ્યો છે. CPI રિપોર્ટ અનુસાર વૈશ્વિક ભ્રષ્ટાચારનું સ્તર ચિંતાજનક રીતે ઊંચા સ્તરે છે. રિપોર્ટમાં દુનિયાભરમાં ભ્રષ્ટાચારનો ગંભીર ઘટસ્ફોટ થયો છે.
બે તૃતીયાંશથી વધુ દેશોના સ્કોર 100માંથી 50થી નીચે છે. લગભગ 6.8 બિલિયન લોકો એવા દેશોમાં રહે છે જેમનો CPI સ્કોર 50 કરતા ઓછો છે, જે વિશ્વની કુલ વસ્તીના 85 ટકા જેટલો છે.
આ યાદીમાં સૌથી વધુ પ્રામાણિક દેશો સામેલ છે
ડેનમાર્ક 90 પોઈન્ટ સાથે સતત 7મા વર્ષે સૌથી ઓછા ભ્રષ્ટાચારવાળા દેશોની યાદીમાં ટોચ પર છે. તે પછી ફિનલેન્ડ (88) અને સિંગાપોર (84) છે. આ પછી ન્યુઝીલેન્ડ (83) અને લક્ઝમબર્ગ (81) છે. ટોપ રેન્કિંગ દેશોમાં નોર્વે અને સ્વિટ્ઝર્લેન્ડને પણ 81 પોઈન્ટ મળ્યા છે. જ્યારે સ્વીડનને 80 પોઈન્ટ મળ્યા છે.
આ દેશો સૌથી ભ્રષ્ટની યાદીમાં સામેલ છે
વિશ્વના સૌથી ભ્રષ્ટ દેશોની યાદીમાં દક્ષિણ સુદાન ટોચ પર છે. ઈન્ડેક્સ મુજબ, તેણે 8 પોઈન્ટ મેળવ્યા છે અને તેને સૌથી નીચો 180મો રેન્ક આપવામાં આવ્યો છે, જે તે સૌથી ભ્રષ્ટ દેશ હોવાનો પુરાવો છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ પછી સોમાલિયા 179માં અને વેનેઝુએલા 178માં ક્રમે છે. આ યાદીમાં સીરિયા 177મા સ્થાને છે અને યમન, લિબિયા, ઈરીટ્રિયા, ઈક્વેટોરિયલ ગિની 13 પોઈન્ટ સાથે 173મા સ્થાને છે. નિકારાગુઆ 14 પોઈન્ટ સાથે 172મા ક્રમે છે.
ભારત અને પાકિસ્તાનનો ક્રમ
કંગાલ પાકિસ્તાન રેન્કિંગમાં 135મા ક્રમે છે, જે વર્ષ 2023ની સરખામણીમાં બે પોઈન્ટનો ઘટાડો છે. 27 પોઈન્ટ મેળવનાર પાકિસ્તાન રેન્કિંગમાં માલી, લાઈબેરિયા અને ગેબોન જેવા દેશો સાથે છે.
ભ્રષ્ટાચાર સૂચકાંકમાં ભારતનું રેન્કિંગ પાકિસ્તાન કરતાં ઘણું ઊંચું છે. જોકે, 2023ની સરખામણીમાં 1 પોઈન્ટનો ઘટાડો થયો છે, જેના પરિણામે રેન્કિંગમાં 3 પોઈન્ટનો તફાવત જોવા મળ્યો છે. વર્ષ 2024ની રેન્કિંગમાં ભારત 38 પોઈન્ટ સાથે 96માં સ્થાને છે. ભારતનો અન્ય પાડોશી દેશ ચીન 42 પોઈન્ટ સાથે રેન્કિંગમાં 76મા સ્થાને છે.
