આજના સમયમાં વાળ ખરવા અને ટાલ પડવાની સમસ્યા સામાન્ય બની રહી છે. ખરાબ લાઇફસ્ટાઇલ, સ્ટ્રેસ અને બીજા ઘણા કારણોસર અત્યારે ખાસ કરીને પુરુષ સમય પહેલા ટાલ પડવાની સમસ્યાનો સામનો કરી રહ્યા છે. આ સમસ્યા માત્ર યુવાનોમાં જ નહીં પરંતુ બાળકોમાં પણ જોવા મળી રહી છે. આવી સ્થિતિમાં પ્રશ્ન એ થાયઆ કે ટાલના માથા પર ફરીથી વાળ કેવી રીતે ઉગાડવા?
વાળ ખરતા કેવી રીતે અટકાવવા અને નવા વાળ ઉગાડવાની રીત શું છે આવા પ્રશ્નો ખૂબ જ સામાન્ય છે. પરંતુ, શું તમે જાણો છો કે 5 ઉપાયોથી ટાલ પડી ગયેલી માથાની ચામડી પર પણ નવા વાળ ઉગી શકે છે.
ડુંગળીનો રસ અને નારિયેળ તેલ વાળના વિકાસમાં ખૂબ જ અસરકારક માનવામાં આવે છે. ડુંગળીના રસમાં સલ્ફર હોય છે, જે વાળના મૂળને મજબૂત બનાવે છે અને નવા વાળ ઉગાડવામાં મદદ કરે છે. તે જ સમયે, નાળિયેર તેલ વાળને ઊંડે પોષણ આપે છે.
હવે પ્રશ્ન એ કે તેનો ઉપયોગ કેવી રીતે ઉપયોગ કરવો?
એક ડુંગળી લો અને તેનો રસ કાઢો. 2-3 ચમચી નારિયેળ તેલમાં ડુંગળીનો રસ મિક્સ કરો. આ મિશ્રણને માથાની ચામડી પર હળવા હાથે મસાજ કરો. તેને 30 મિનિટ માટે રહેવા દો અને પછી હળવા શેમ્પૂથી ધોઈ લો. આ પ્રક્રિયાને અઠવાડિયામાં 3-4 વખત રિપીટ કરો.
બીજું છે આમળા અને મેથીના દાણાની પેસ્ટ
આમળા વાળ માટે વરદાન છે. તે વિટામિન સી અને એન્ટીઑકિસડન્ટોથી સમૃદ્ધ છે, જે વાળના વિકાસને પ્રોત્સાહન આપે છે. મેથીના દાણામાં પ્રોટીન અને નિકોટિનિક એસિડ હોય છે, જે ટાલ દૂર કરવામાં મદદરૂપ છે.
કેવી રીતે ઉપયોગ કરવો?
2 ચમચી આમળા પાવડર અને 1 ચમચી મેથીના દાણાને આખી રાત પાણીમાં પલાળી રાખો. બીજા દિવસે તેની પેસ્ટ બનાવી લો. આ પેસ્ટને વાળના મૂળમાં લગાવો અને 1 કલાક માટે છોડી દો. ઠંડા પાણીથી ધોઈ લો. અઠવાડિયામાં બે વાર તેનો ઉપયોગ કરો.
ત્રીજું છે એલોવેરા અને લીમડાની પેસ્ટ
એલોવેરા વાળને કન્ડીશનીંગ આપે છે અને વાળના મૂળમાં બ્લડ સર્ક્યુલેશન વધારે છે. લીમડો એન્ટી-બેક્ટેરિયલ ગુણોથી ભરપૂર છે, જે ખોપરી ઉપરની ચામડીને ચેપથી બચાવે છે અને વાળના વિકાસને વેગ આપે છે. એલોવેરા જેલ અને લીમડાના પાંદડાની પેસ્ટ બનાવો. તેને માથાની ચામડી પર લગાવો અને હળવા હાથે મસાજ કરો. 30 મિનિટ પછી તેને ધોઈ લો. આને અઠવાડિયામાં 2-3 વાર રિપીટ કરો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ચોથું છે આમળા અને નાળિયેર તેલનું મિશ્રણ
આમળામાં વિટામિન સી અને એન્ટીઑકિસડન્ટ હોય છે, જે વાળને ખરતા અટકાવે છે અને નવા વાળ ઉગાડે છે. નાળિયેર તેલમાં આમળા પાવડર મિક્સ કરો અને તેને ગરમ કરો. આ તેલને ઠંડુ કરીને સ્કેલ્પ પર માલિશ કરો. આખી રાત રહેવા દો અને સવારે ધોઈ લો. આવું અઠવાડિયામાં બે વાર કરો.
પાંચમું છે ગ્રીન ટીનો ઉપયોગ
ગ્રીન ટીમાં એન્ટીઓક્સીડેન્ટ હોય છે, જે વાળના ગ્રોથને ઝડપી બનાવવામાં મદદરૂપ થાય છે. ગ્રીન ટી ઉકાળો અને તેને ઠંડી કરો. તેને સ્કેલ્પ પર લગાવો અને 1 કલાક પછી ધોઈ લો. આ અઠવાડિયામાં 2-3 વખત કરો.
આ સિવાય તમારી ખાવાપીવાની આડતોને સુધારી લો અને આખા દિવસમાં 8 ગ્લાસ પાણી તો ઓછામાં ઓછા પીવો સાથે જ બહારનું જંક ફૂડ ઓછું કરી નાખો અને વાળને પોષણ મળે એવી ડાઈટ શરૂ કરી દો..
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
