સરકાર EPFOના કરોડો સભ્યોને મોટો ઝટકો આપી શકે છે. શુક્રવારે સરકાર EPFO પરના વ્યાજની જાહેરાત કરી શકે છે. આવી સ્થિતિમાં એવું માનવામાં આવે છે કે, EPFOનું સેન્ટ્રલ બોર્ડ ઓફ ટ્રસ્ટીઝ PFમાં જમા કરાયેલા પૈસા પર મળતી રકમ ઘટાડી શકે છે.
શેરબજારમાં ઘટાડો અને બોન્ડ યીલ્ડ અને ઊંચા દાવાના સમાધાનને ધ્યાનમાં રાખીને EPFOનું સેન્ટ્રલ બોર્ડ ઓફ ટ્રસ્ટીઝ નાણાકીય વર્ષ 2024-25 માટે વ્યાજ દર ઘટાડી શકે છે. આનાથી ૩૦ કરોડ સભ્યોની નિવૃત્તિ બચત પરના વ્યાજ દરો પર અસર પડશે.
મહત્વનું છે કે, 2024-25 માટે EPF વ્યાજ દર નક્કી કરવા માટે આવતીકાલે એટલે કે શુક્રવાર, 28 ફેબ્રુઆરીએ એક બેઠક યોજાવાની છે.
આ બેઠકમાં PFમાં જમા થયેલા પૈસા પર મળતા વ્યાજ પર મોટો નિર્ણય લેવામાં આવી શકે છે જેની સીધી અસર કરોડો EPFO સભ્યોની રકમ પર પડશે. ગયા વર્ષે સરકારે EFPનો વ્યાજ દર 8.15 ટકાથી વધારીને 8.25 ટકા કર્યો હતો. હવે એવું માનવામાં આવે છે કે, તેમાં ઘટાડો થઈ શકે છે.
વ્યાજ કેમ ઘટાડવામાં આવશે?
એક અહેવાલ મુજબ બોર્ડની રોકાણ સમિતિએ ગયા અઠવાડિયે EPFO ની આવક અને ખર્ચ પ્રોફાઇલ પર ચર્ચા કરવા માટે EPF દરની ભલામણ કરી હતી.
નામ ન આપવાની શરતે બોલતા બોર્ડમાં નોકરીદાતાના પ્રતિનિધિએ જણાવ્યું હતું કે, આ વર્ષે વ્યાજ દર ગયા વર્ષ કરતા ઓછા હોઈ શકે છે. આનું કારણ એ છે કે, તાજેતરના મહિનાઓમાં બોન્ડ યીલ્ડમાં ઘટાડો થયો છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આવી સ્થિતિમાં જો કોઈપણ કટોકટીનો સામનો કરવા માટે ઊંચા વ્યાજ દરોની જાહેરાત કરવામાં આવે તો નિવૃત્તિ ભંડોળ સંસ્થા પાસે વધુ સરપ્લસ બચશે નહીં. આ ઉપરાંત દાવાની પતાવટની ઊંચી માંગને કારણે વાર્ષિક EPF ક્રેડિટ માટે ભંડોળ ઓછું રહ્યું છે.
જાન્યુઆરી સુધીમાં EPFO એ 2024-25માં ₹2.05 ટ્રિલિયનના મૂલ્યના 5.08 મિલિયનથી વધુ દાવાઓ પર પ્રક્રિયા કરી છે. જ્યારે 2023-24માં, 1.82 ટ્રિલિયન રૂપિયાના 44.5 મિલિયનથી વધુ દાવાઓનું સમાધાન કરવામાં આવ્યું છે.
