આપણી માનસિક શાંતિ સારી રહે તે માટે રાત્રે સારી ઊંઘ લેવી ખૂબ જ મહત્વની છે ઊંઘ મગજની કાર્યક્ષમતામાં વધારો કરે છે. ઓછી ઊંઘ માત્ર ખતરનાક જ નથી પણ તે અનેક રોગોને પણ આમંત્રણ આપે છે. ઓછા કલાકો સૂવાથી અલ્ઝાઈમર રોગ થઈ શકે છે.
આ સાથે ઓછું અને વધુ ઊંઘ બંને શરીર માટે સારુ નથી, તો આવી સ્થિતિમાં શું કરવું? કેમ કે એકંદર સ્વાસ્થ્ય સારું રહે તે માટે યોગ્ય ઊંઘની પદ્ધતિ જાળવવી મહત્વબિ છે. આ અંગે નેચર મેન્ટલ હેલ્થની રિપોર્ટમાં શું કહેવામાં આવ્યું છે તે અમે તમને જણાવીશું.
શું કહે છે રિપોર્ટ?
ઇંગ્લેન્ડની વોરવિક યુનિવર્સિટી દ્વારા હાથ ધરવામાં આવેલા એક સ્ટડી અનુસાર, ઓછા કલાકો સુધી ઊંઘ લેવી પણ અલ્ઝાઇમર રોગનું એક કારણ છે. વૈજ્ઞાનિકોનું માનવું છે કે મગજના સ્વાસ્થ્યનો અભ્યાસ કરવા માટે અમે લોકોને દરરોજ રાત્રે 7 કલાક સૂવાનું કહ્યું હતું જેના પરિણામો અલગ હતા.
પરિણામમાં શું મળ્યું?
આ સ્ટડીના બે પ્રકારના હતા. એક જેમાં 7 કલાક કે તેથી ઓછા સમય સુધી સૂતા હતા અને બીજું જેઓ લાંબી ઊંઘ લઈ રહ્યા હતા. જેમના પરિણામો અલગ પ્રકારના હતા.
જે લોકો 7 કલાક સૂતા હતા તેમનામાં અલ્ઝાઈમર અને જ્ઞાનાત્મક રોગોના લક્ષણો જોવા મળ્યા હતા. તો જે લોકો 7 કલાકથી ઓછી ઊંઘ લે છે તેઓ તણાવ, હતાશા, હૃદય રોગ અને સ્થૂળતાથી પીડાય તેવી શક્યતા દેખાઈ હતી. જે લોકો વધુ પડતી ઊંઘ લે છે તેમને કોલેસ્ટ્રોલની સમસ્યા, શરીરમાં સોજો અને યાદશક્તિ ગુમાવવા જેવા લક્ષણોનો અનુભવ થાય છે.
ઓછી ઊંઘ લેવાના ગેરફાયદા
જે લોકો 7 કલાકથી ઓછી ઊંઘ લે છે તેઓ મૂડ સ્વિંગ, થાક અને હૃદય રોગથી પીડાઈ શકે છે. આ લોકોના સ્નાયુઓ અને હાડકાં પણ નબળા પડી જાય છે. ઓછી ઊંઘ લેનારા લોકોમાં ભાવનાત્મક સમસ્યાઓ પણ વધે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ઓછી ઊંઘ લેવાથી મગજના કાર્યમાં પણ સમસ્યા થાય છે. જે લોકો રાત્રે ઓછી ઊંઘ લે છે તેમને ડાયાબિટીસ અને નબળી રોગપ્રતિકારક શક્તિ જેવી સમસ્યાઓ પણ થઈ શકે છે.
સારી ઊંઘ માટે શું કરવું?
દરરોજ એક જ સમયે સૂઈ જવાની અને એક જ સમયે ઉઠવાની આદત પાડો. સૂવાના લગભગ 1 કલાક પહેલા, ટીવી અને મોબાઈલ જેવી વસ્તુઓથી દૂર રહો. તમારા બેડરૂમને શાંત અને અંધારું રાખો, જેથી ઊંઘ આરામદાયક રહે. રાત્રિભોજન હળવું રાખો. કેફીન અને આલ્કોહોલનું સેવન ઓછું કરો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
