કિડની આપણા શરીરનું ખૂબ જ મહત્વનું અંગ છે. કિડની રક્તને શુદ્ધ રાખવાનું કામ કરે છે અને શરીરમાંથી અસ્વસ્થ તત્વોને પેશાબ દ્વારા બહાર કાઢે છે. જો બેક્ટેરિયા અથવા કોઈ પણ પ્રકારના વાયરસ કિડનીમાં પ્રવેશે તો કિડનીમાં ઈન્ફેક્શન થઈ શકે છે.
આ ઈન્ફેક્શન એક અથવા બંને કિડનીને અસર કરી શકે છે. કિડનીનું ઈન્ફેક્શન યૂટીઆઈ (UTI) નો એક પ્રકાર છે, જેને પાયલોનેફ્રીટીસ કહેવાય છે. ચાલો, જાણીએ કે કિડનીમાં ઈન્ફેક્શન થતા શું લક્ષણો દેખાય છે.
કિડની ઈન્ફેક્શનના લક્ષણો
- ઊલટી થવી અને તાવ
- વારંવાર પેશાબ લાગવો
- પેશાબમાં લોહી કે પીળું પાણી આવવું
- પીઠ, ખભા કે કમરમાં દુઃખાવો થવો
- શરદી અને કંપારી થવી
- પેટમાં દુઃખાવો અને બળતરા
- પેશાબમાં દુર્ગંધ આવવી
- ખૂબ જ કમજોરી કે થાક અનુભવવો
- ભૂખ ન લાગવી
- સતત બીમાર લાગવું
કિડનીમાં ઈન્ફેક્શન થવાના કારણો
કોઈ પણ ઉંમરે અને કોઈ પણ સમયે કિડનીમાં ઈન્ફેક્શન થઈ શકે છે. તબીબો માને છે કે મહિલાઓમાં કિડની ઈન્ફેક્શન થવાનો ખતરો વધુ હોય છે. તેમજ 60-65 વર્ષના પુરૂષોમાં યૂટીઆઈ થવાથી ઈન્ફેક્શનનો ખતરો વધે છે.
મુખ્ય કારણો
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
યૂટીઆઈ, પથરી, ગર્ભાવસ્થા, ડાયાબિટીસ, ટોયલેટ કેટેથેટર લગાવેલું હોવું, પુરૂષોમાં પ્રોસ્ટેટ ગ્રંથિ મોટો થવો, શારીરિક સંબંધો દરમિયાન ચેપ લાગવો, કોઈ દવા કે તબીબી પરિસ્થિતિના કારણે રોગપ્રતિકારક શક્તિ ઓછી થવી.
કિડની ઈન્ફેક્શનથી કેવી રીતે બચી શકાય?
કિડની ઈન્ફેક્શનથી બચવા માટે પ્રથમ પ્રાથમિક પગલું યૂટીઆઈ અટકાવવાનું છે. મોટાભાગના કિડનીના ચેપ યૂરીનરી બ્લેડર અને યૂરીન પાથમાં ચેપ થવાથી શરૂ થાય છે. તેથી, દિવસભર પૂરતું પાણી પીવું. શારીરિક સંબંધ બાદ ટોયલેટ જવું. સુરક્ષિત પદ્ધતિઓ પસંદ કરવી. પ્રાઇવેટ પાર્ટ્સને હંમેશા સ્વચ્છ રાખવા. યૂરીન રોકવાની આદત છોડવી. યૂરીન કર્યાના પછી આગળથી પાછળ તરફ સાફ કરવું. કબજિયાત થવાથી બચવું અને સમયસર તેનો ઉપચાર કરાવવો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
