ભારત સરકારે 1 માર્ચ, 2025થી કડક ટ્રાફિક નિયમો લાગુ કર્યા છે. નવા ટ્રાફિક નિયમો લાગુ થયા બાદ ઘણા કેસમાં દંડ 10 ગણો વધારી દેવામાં આવ્યો છે. સરકારના આ નવા કદમનો હેતુ ખરાબ ડ્રાઈવિંગને રોકવા, માર્ગ સલામતી સુનિશ્ચિત કરવાનો અને ટ્રાફિક નિયમોનું કડક પાલન કરવાનો છે.
ટ્રાફિક નિયમોનું ઉલ્લંઘન કરનારાઓને ભારે દંડ, સંભવિત જેલ અને સામુદાયિક સેવાનો પણ સામનો કરવો પડી શકે છે. ચાલો આપણે અલગ-અલગ કેસોમાં લગાવવામાં આવેલા દંડ વિશે વિગતવાર જાણીએ.
નશામાં ડ્રાઈવિંગ
નશામાં ડ્રાઈવિંગ માટે દંડ વધારીને 10,000 રૂપિયા અને/અથવા 6 મહિનાની જેલ કરવામાં આવી છે. વારવાર ગુનો કરે તો તેના પર રૂ. 15,000નો દંડ અને 2 વર્ષ સુધીની જેલની સજા થશે, જે અગાઉના રૂ. 1,000 થી રૂ. 1,500ના દંડ કરતાં ઘણો વધારે છે.
મોબાઈલ ફોનનો ઉપયોગ કરીને..
હવે વાહન ચલાવતી વખતે મોબાઈલ ફોનનો ઉપયોગ કરવા પરનો દંડ 500 રૂપિયાથી વધીને 5000 રૂપિયા થઈ જશે.
હેલ્મેટ/સીટબેલ્ટ વગર વાહન ચલાવવું
અગાઉ હેલ્મેટ વગર વાહન ચલાવવા પર 100 રૂપિયાનો દંડ થતો હતો. પરંતુ હવે 1,000 રૂપિયાનો દંડ થશે અને તમારું લાઇસન્સ ત્રણ મહિના માટે સસ્પેન્ડ થઈ શકે છે. સીટબેલ્ટ ન પહેરવા પર 1000 રૂપિયાનો દંડ પણ લાગશે.
દસ્તાવેજો વિના ડ્રાઈવિંગ
5,000 રૂપિયાનો દંડ, 3 મહિનાની જેલ અને માન્ય ડ્રાઈવિંગ લાઇસન્સ ન હોવા પર સમુદાય સેવા. વીમો ન રાખવા બદલ રૂ. 2,000નો દંડ (પુનરાવર્તિત ગુના માટે રૂ. 4,000). પ્રદૂષણ પ્રમાણપત્ર ન હોવા બદલ 10,000 રૂપિયાનો દંડ અને/અથવા 6 મહિનાની જેલ અને સમુદાયિક સેવા.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ટ્રિપલ એન્ડ ડેન્જરસ ડ્રાઈવિંગ
ટુ-વ્હીલર પર 2થી વધુ મુસાફરોને લઈ જવા પર હવે 1,000 રૂપિયાનો દંડ વસૂલવામાં આવશે જ્યારે જોખમી ડ્રાઈવિંગ અથવા રેસિંગ પર 5,000 રૂપિયાનો દંડ વસૂલવામાં આવશે.
એમ્બ્યુલન્સને રસ્તો ન આપો
એમ્બ્યુલન્સ અથવા ઇમરજન્સી વાહનોને રોકવા પર 10,000 રૂપિયાનો દંડ વસૂલવામાં આવશે.
સિગ્નલ જમ્પિંગ અને ઓવરલોડિંગ
ટ્રાફિક સિગ્નલ કૂદવા પર હવે 5,000 રૂપિયાનો દંડ લાગશે. ઓવરલોડિંગ વાહનોને હવે 20,000 રૂપિયાનો દંડ વસૂલવામાં આવશે, જે અગાઉ 2,000 રૂપિયાના દંડ કરતાં ઘણો વધારે છે.
કિશોર અપરાધી
ડ્રાઇવિંગ કરતા પકડાયેલા સગીરોને 25,000 રૂપિયાનો દંડ, 3 વર્ષની જેલ, વાહનનું રજિસ્ટ્રેશન રદ કરવામાં આવશે અને 25 વર્ષના થાય ત્યાં સુધી ડ્રાઇવિંગ લાઇસન્સ મેળવવા પર પ્રતિબંધ મૂકવામાં આવશે.
