મચ્છરોનો ત્રાસ દિવસેને દિવસે વધતો જાય છે. સાંજ પડતા જ લોકોને કરડવાનું શરૂ કરી દે છે. બાળકોને મચ્છરથી બચાવવા માટે માતા-પિતા જાતજાતના ઉપાયો કરે છે.
બજારમાં મળતા સ્પ્રે અને ક્રીમ લગાવીને રાખે છે જેથી મચ્છર બાળકને કરડી ન જાય. પરંતુ આ સ્પ્રે કે ક્રીમ બાળકોની ત્વચા માટે હાનિકારક સાબિત થઈ શકે છે. કારણ કે તેમાં ઘણા પ્રકારના કેમિકલ્સ હોય છે.
આવામાં તમે ઘરે જ કેમિકલ ફ્રી નેચરલ સ્પ્રે તૈયાર કરી શકો છો. સૌથી સારી વાત એ છે કે આ સ્પ્રે બાળકો અને વૃદ્ધો માટે એકદમ સલામત છે. તમારે દિવસમાં ફક્ત 2 વખત તેનો ઉપયોગ કરવાની જરૂર રહેશે. આનાથી ત્વચાને કોઈ નુકસાન થશે નહીં. આવો જાણીએ તેના વિશે.
મચ્છર ભગાડવા માટે સ્પ્રે કેવી રીતે બનાવવો?
આ વસ્તુઓની જરૂર પડશે
- 4-5 નાની ચમચી કારેલાના પાન અથવા જ્યુસ
- 8 થી 10 લવિંગ (પાણીમાં ઉકાળેલા)
- 2 ચમચી લીમડાના પાન અથવા લીમડાનું તેલ
- 1 ચમચી લીંબુનો રસ
- 1 કપ પાણી
- 1 સ્પ્રે બોટલ
મચ્છરોને ભગાવવા માટે બાળકો માટે આ રીતે સ્પ્રે બનાવો
ઘરે બાળકો માટે સ્પ્રે બનાવવા માટે લવિંગને 1 કપ પાણીમાં ઉકાળો. તેને થોડીવાર માટે ઠંડુ થવા દો. આ પછી, કારેલાનો રસ ઉમેરો. તેમાં લીમડાનો રસ અથવા તેલ ઉમેરો. ત્યારબાદ તેમાં લીંબુનો રસ ઉમેરો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ મિશ્રણને ગાળી લો. આ પછી તેને સ્પ્રે બોટલમાં ભરી લો. મચ્છરોને ભગાડવા માટે સ્પ્રે તૈયાર છે. એ વાતનું ધ્યાન રાખો કે જ્યારે પણ તમે તેનો ઉપયોગ કરો ત્યારે બોટલને હલકા હાથે હલાવો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
