લોકોના હૃદય સબંધિત રોગને કારણે મોત વધુ થઈ રહ્યા છે. આથી ઘણા લોકો પોતાના હૃદયના સ્વાસ્થ્ય વિશે જાણવા માટે કેટલાક બ્લડ ટેસ્ટ કરાવતા હોય છે. આ ટેસ્ટમાં લિપિડ પ્રોફાઇલ ટેસ્ટનો પણ સમાવેશ થાય છે.
આ ટેસ્ટની મદદથી આપણે કોલેસ્ટ્રોલ વિશે જાણી શકીએ છીએ, જે હૃદય રોગનું મુખ્ય કારણ હોય છે. લિપિડ પ્રોફાઇલ ટેસ્ટની કિંમત 800 રૂપિયાથી શરૂ થાય છે અને 1000 રૂપિયા સુધીની હોય છે.
પરંતુ અમે તમને એક નોર્મલ રેન્જ બ્લડ ટેસ્ટ વિશે જણાવશું જેની મદદથી તમે હૃદયના સ્વાસ્થ્ય વિશે સચોટ માહિતી મેળવી શકો છો. આ ટેસ્ટનું નામ ટ્રોપોનિન ટેસ્ટ છે.
શું છે ટ્રોપોનિન ટેસ્ટ?
ટ્રોપોનિન ટેસ્ટમાં પણ બ્લડની તપાસ કરવામાં આવે છે. આ ટેસ્ટ હૃદય સંબંધિત રોગોમાં કરવામાં આવે છે. ટ્રોપોનિન ટેસ્ટને કાર્ડિયાક એન્ઝાઇમ ટેસ્ટ પણ કહેવામાં આવે છે.
આ ટેસ્ટને હૃદયરોગનો હુમલો, છાતીમાં દુખાવો અને હૃદય રોગના કિસ્સામાં કરવામાં આવે છે. આ ટેસ્ટ જણાવે છે કે હાર્ટ અટેક આવવાનું જોખમ કેટલું છે અને ક્યારે તેની શક્યતા વધુ રહેશે, આ ટેસ્ટ તેના વિશે પણ જણાવી શકે છે.
કેવી રીતે થાય છે આ ટેસ્ટ?
પ્રોફેશનલ હેલ્પ વગર ટ્રોપોનિન ટેસ્ટ કરાવવો શક્ય નથી. તેને એક્સપર્ટની દેખરેખ હેઠળ લેબમાં કરવામાં આવે છે. આ ટેસ્ટ માટે હાથ અથવા નાકમાંથી લોહીના નમૂના લેવામાં આવે છે. આ ટેસ્ટનું રિઝલ્ટ 1 કલાકમાં મળી જાય છે.
ટ્રોપોનિન ટેસ્ટ વિશે કેટલીક મહત્વની બાબતો
ટ્રોપોનિન એ હૃદયના સ્નાયુમાં જોવા મળતું પ્રોટીન છે. જ્યારે હૃદયના સ્નાયુઓને નુકસાન થાય છે, ત્યારે ટ્રોપોનિન લોહીમાં ભળવાનું શરૂ કરે છે. હૃદયને જેટલું વધુ નુકસાન થાય છે, લોહીમાં ટ્રોપોનિનનું લેવલ એટલું જ વધવા લાગશે.
બ્લડ ટેસ્ટનું મહત્વ
ટ્રોપોનિન ટેસ્ટનું મહત્વ એટલા માટે છે કારણ કે તે સસ્તો અને તેનો રિપોર્ટ ઝડપથી આવી જાય છે. તેનાથી ઘણા લોકોને ફાયદો થશે કારણ કે ડોકટરો સામાન્ય રીતે વધુ ગંભીર સ્થિતિ ધરાવતા દર્દીઓ પર ધ્યાન આપે છે અને તેમને પ્રાથમિકતા મળે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ સ્થિતિમાં,ઓછા જોખમવાળા દર્દીઓને ઘણીવાર બેદરકારીનો સામનો કરવો પડે છે. આ ટેસ્ટની મદદથી ઓછા જોખમવાળા લોકો પોતાના સ્વાસ્થ્ય વિશે જાણી શકશે.
ક્યાં થઈ રિસર્ચ?
લંડન સ્કૂલ ઓફ હાઇજીન એન્ડ ટ્રોપિકલ મેડિસિનના રિસર્ચરના નેતૃત્વમાં અને બ્રિટિશ હાર્ટ ફાઉન્ડેશન દ્વારા ફંડિંગ બાદ આ સ્ટડીમાં યુરોપ, ઉત્તર અમેરિકા અને ઓસ્ટ્રેલિયાના 62,000 થી વધુ લોકો પાસેથી ડેટા કલેક્ટ કરવામાં આવ્યો હતો.
રિસર્ચરોએ આ વ્યક્તિઓ પર 10 વર્ષ સુધી નજર રાખી હતી. જેમાં ઉંમર, કોલેસ્ટ્રોલ, બ્લડ પ્રેશર, ડાયાબિટીસ અને ધૂમ્રપાન જેવા અન્ય પરંપરાગત જોખમ પરિબળો સાથે ટ્રોપોનિનનું લેવલ માપવામાં આવ્યું હતું.
રિસર્ચમાં દાવો
આ આંતરરાષ્ટ્રીય લેવલે કરવામાં આવેલ સ્ટડી છે, જે ઓછી આવક ધરાવતા લોકો માટે મદદરૂપ સાબિત થઈ શકે છે. અમેરિકન કોલેજ ઓફ કાર્ડિયોલોજીના જર્નલમાં પ્રકાશિત સ્ટડી સૂચવે છે કે ટ્રોપોનિન નામના પ્રોટીનનું લેવલ માપવાથી હૃદય સંબંધિત ઘટનાઓની આગાહીમાં ઘણો સુધારો થઈ શકે છે.
આ સ્ટડીમાં જાણવા મળ્યું છે કે રિસ્ક આગાહી મોડેલોમાં ટ્રોપોનિન લેવલનો સમાવેશ કરવાથી તેની ચોકસાઈ ચાર ગણી વધી ગઈ છે. મીડિયમ રિસ્ક ધરાવતા લોકો માટે ટ્રોપોનિન ટેસ્ટ બેસ્ટ ઓપ્શન છે. તેમને હાઈ રિસ્ક શ્રેણીમાં આવતા બચાવી શકાય છે.
ભારત માટે તે આ માટે જરૂરી
ભારતમાં હૃદય સંબંધિત સમસ્યાઓ વધી રહી છે અને હૃદયરોગ હવે દેશમાં વધુ મૃત્યુનું કારણ બની ગયો છે. વિવિધ સ્ટડીમાંથી એકત્રિત કરવામાં આવેલા ડેટા દર્શાવે છે કે ભારતમાં દર 33 સેકન્ડે એક વ્યક્તિ હૃદયરોગના હુમલાથી મૃત્યુ પામે છે, જેમાં 50 વર્ષથી ઓછી ઉંમરના લોકોનો પણ સમાવેશ થાય છે.
હૃદયરોગના દર્દીઓમાં કોલેસ્ટ્રોલનું ઊંચું સ્તર જોવા મળે છે. આ કારણોસર ટ્રોપોનિન ટેસ્ટને ખાસ પ્રોત્સાહન આપવામાં આવી રહ્યું છે.
હાર્ટ એટેકના ચિહ્નો
છાતીમાં બેચેની,છાતીમાં દુખાવો, ઉબકા, ચક્કર અને ઉલટી થવી, શ્વાસ લેવામાં તકલીફ થવાની સમસ્યા, ડાભા હાથ, ખભા અને જડબામાં દુખાવો.
બચાવ માટે શું કરવું?
હેલ્થી લાઇફસ્ટાઇલ અપનાવો. સ્મોકિંગ અને ડ્રિંકિંગથી દુર રહો. બ્લડ પ્રેશર અને સુગર લેવલ કંટ્રોલ કરો. વ્યાયામ કરો, અને સ્ટ્રેસ ઓછો લો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
