ભારત સમગ્ર વિશ્વમાં સૌથી વધારે કેરીનું ઉત્પાદન કરતો દેશ છે. સમગ્ર વિશ્વમાં આશરે 50 ટકા કેરીનું ઉત્પાદન એકલા ભારતમાં જ થાય છે. વિશાળ કૃષિ ક્ષેત્રની સાથે સાથે ગરમ તથા હુફાળી આબોહવાનું મિશ્રણ કેરીના ઉત્પાદન માટે બિલકુલ અનુકૂળ છે.
ભારતમાં સેંકડો કેરીની સેંકડો જાતો ઉગાડવમાં આવે છે. ભારતીય કેરી આંતરરાષ્ટ્રીય બજારમાં ધૂમ મચાવે છે. આ પછી તેમાં સ્વાદિષ્ટ અલ્ફાંસો હોય કે દશહરી પછી કેસર. ભારતમાં કેરીના ઉત્પાદનમાં અનેક રાજ્યો મોટું યોગદાન આપી રહ્યા છે.
ઉત્તર પ્રદેશ
ભારતનું સૌથી મોટુ રાજ્ય ઉત્તર પ્રદેશ દર વર્ષે આશરે 25 લાખ મેટ્રિક ટન કેરીનું ઉત્પાદન (Mango Production) કરે છે. તે દેશમાં ઉત્પાદિત કૂલ કેરીના જથ્થામાં 25 ટકા યોગદાન આપે છે. દશહરી, લંગડા જેવી જાતો ખૂબ જ જાણીતી છે. મલીહાબાદની દશહરી અને બનારસની લંગડા વિશ્વમાં ખૂબ જ જાણીતી છે.
આંધ્ર પ્રદેશ
આંધ્ર પ્રદેશ દર વર્ષે આશરે 12 લાખ મેટ્રિક ટન કેરીનું ઉત્પાદન કરે છે, દેશમાં કૂલ કેરી ઉત્પાદનમાં તેનું 22 ટકા યોગદાન છે. અલ્ફાંસો, સફેદા અને તોતાપુરી અહીંની કેરીની મુખ્ય જાતો છે. અહીં કેરીનું પ્રોસેસિંગ પણ થાય છે અને અથાણા, જ્યુસ, પલ્પનું ઉત્પાદન થાય છે.
બિહાર
બિહાર કેરીના ઉત્પાદક દેશના ટોચના 3 રાજ્યમાં સ્થાન ધરાવે છે અને અહીં આશરે 15.5 લાખ મેટ્રિક ટન કેરી ઉત્પાદન થાય છે. લંગડા, મિથિલા બંબઈ અને દિઘા મલદા જેવી જાતો અહીં જાણીતી છે.
કર્ણાટક
કર્ણાટકમાં દર વર્ષે 10 લાખ મેટ્રિક ટન કેરીનું ઉત્પાદન થાય છે. તે ભારતમાં કેરી ઉત્પાદનમાં 10 ટકા જેટલી હિસ્સેદારી ધરાવે છે. અહીં અસ્ફાંસો તેના સ્વાદ, રંગ માટે જાણીતી જાત છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ગુજરાત
ગુજરાતની સૌથી ખાસ કેરી છે કેસર. જેને કેરીનો રાજા પણ કહેવામાં આવે છે. ગુજરાતમાં દર વર્ષે આશરે 10 લાખ મેટ્રિક ટન કેરી ઉત્પાદન થાય છે. અહીંની આબોહવા મીઠી કેરીઓના ઉત્પાદન માટે ખૂબ જ અનુકૂળ છે.
અન્ય મહત્વના કેરી ઉત્પાદક રાજ્યો
- મહારાષ્ટ્ર- રત્નાગિરીની કેરી વિશ્વભરમાં જાણીતી છે. રત્નાગિરીની અલ્ફાંસોને હાપુસ નામથી પણ ઓળખવામાં આવે છે.
- તમિલનાડુ- દક્ષિણ રાજ્ય તમિલનાડુ અનેક કેરીની જાતો માટે ઓળખ ધરાવે છે.
- આ ઉપરાંત પશ્ચિમ બંગાળમાં માલદા, હિમસાલર અને ફજલી કેરી કદ અને સ્વાદ માટે જાણીતી છે. જ્યારે તેલંગાણામાં કેરીનું ઉત્પાદન ધીમે ધીમે વધી રહ્યું છે.
