દરેક વ્યક્તિ પોતાના રિટાયરમેન્ટ પહેલા જ મોટી પ્લાનિંગ કરી લેવા માંગે છે. પરંતુ મોટાભાગના લોકો પૈસાના અભાવથી આ કામ નથી કરી શકતા.
આજના સમયમાં રિટાયરમેન્ટ યોજનાઓમાં મ્યુચ્યુઅલ ફંડને લઈને લોકો વધારે એક્ટિવ છે અને પોતાની કમાણીનો અમુક ભાગ લગાવી રહ્યા છે. જોકે આ યોજના બજારથી લિંક હોવાના કારણે રિસ્કી બની શકે છે.
પરંતુ તમે LIC New Jeevan Shanti Policy યોજનામાં ઈન્વેસ્ટ કરી શકો છો જ્યાં તમને ગેરેન્ટી રેગ્યુલર ઈનકમ મળશે અને દર મહિને કે છ મહિનાના આધાર પર પૈસા નહીં જમા કરવા પડે. તમે એક વખત જ પૈસા લગાવીને સારું પેન્શન મેળવી શકો છો. તો ચાલો આ સ્કીમ વિશે જાણીએ..
30-79 વર્ષની વય મર્યાદા
LICની આ પેન્શન પોલીસી માટે કંપનીએ 30 વર્ષથી લઈને 79 વર્ષ સુધીની ઉંમર નક્કી કરી છે. આ સ્કીમમાં ગેરેન્ટી પેન્શનની સાથે તમામ પ્રકારના અન્ય બેનિફિટ્સ મળે છે.
આ પ્લાનને ખરીદવા માટે બે ઓપ્શન હશે. જેમાં પહેલું છે ડેફર્ડ એન્યુટી ફોર સિંગલ લાઈફ અને બીજુ છે ડેફર્ડ એન્યુટી ફોર જોઈન્ટ લાઈફ એટલે કે તમે સિંગલ પ્લાનમાં ઈન્વેસ્ટ કરી શકો છો અથવા તો કમ્બાઈન્ડ ઓપ્શન પસંદ કરી શકો છો.
કેવી રીતે મળશે આ જીવન 1 લાખ રૂપિયા પેન્શન?
LICની આ ન્યૂ જીવન શાંતિ પોલિસી એક એન્યૂટી પ્લાન છે અને તેને ખરીદવાની સાથે જ તમે તેમાં પોતાની પેન્શન લિમિટ ફિક્સ્ડ કરી શકો છો. નક્કી કરેલું પેન્શન તમને રિટાયરમેન્ટ બાદ જીવનભર મળી રહેશે. તેમાં રોકાણ પર શાનદાર વ્યાજ પણ મળે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
જો તમે 55 વર્ષના છો અને LIC New Jeevan Shanti Plan ને ખરીદતી વખતે 11 લાખ રૂપિયા ઇન્વેસ્ટ કરો છો તો પાંચ વર્ષ માટે આ હોલ્ડ રહેશે અને 60 વર્ષ બાદ દર વર્ષે તમને 1,08,880 રૂપિયાનું પેન્શન મળશે. તમે ઈચ્છો તો 6 મહિનામાં 49,911 કે પછી દર મહિને 8,149 પણ લઈ શકો છો.
ગમે ત્યારે પોલિસી સરેન્ડર કરવાની સુવિધા
નોંધનીય છે કે LIC New Jeevan Shanti Policy માટે એન્યુટી રેન્ટ્સમાં પણ છેલ્લા અમુક સમયમાં વધારો થયો છે. આ યોજનામાં કોઈ પણ ઇન્વેસ્ટ કરી શકે છે. પરંતુ આની ખાસ વાત એ છે કે તમે આ પ્લાનને ગમે ત્યારે સરેન્ડર કરી શકો છો.
તમે તેમાં ઓછામાં ઓછા 1.5 લાખ રૂપિયાનું રોકાણ કરી શકો છો, જ્યારે તેના માટે કોઈ મહત્તમ મર્યાદા નથી. જો આ સમયગાળા દરમિયાન પોલિસીધારકનું મૃત્યુ થાય છે, તો તેના ખાતામાં જમા થયેલી સંપૂર્ણ રકમ નોમિનીને આપવામાં આવે છે.
