પેમેન્ટના ખોટા સ્ક્રીનશૉટ ફ્રોડથી કેવી રીતે બચવું? જાણી લો આ ઉપાય, ક્યારેય છેતરાશો નહીં…

આજના સમયમાં મોટાભાગના લોકો યુપીઆઈથી પેમેન્ટ કરે છે. પેમેન્ટ મેળવતા લોકોમાં નાના દુકાનદારો, ગલ્લાવાળા, ઑનલાઇન વેચાણકર્તાઓ, હોટેલ અને રેસ્ટોરન્ટના માલિકો, ફ્રીલાન્સર્સ અને સર્વિસ આપનારાઓની મોટી સંખ્યા છે. પરંતુ ઘણી વાર એવું બને છે કે લોકો ખોટા પેમેન્ટ સ્ક્રીનશૉટના ફ્રોડનો શિકાર બને છે.

સામેના વ્યક્તિએ યુપીઆઈથી પેમેન્ટ થયું હોય તેવો ખોટો સ્ક્રીનશૉટ બતાવી ડે છે અને તમે માની લો છો કે પેમેન્ટ મળ્યું છે, જ્યારે હકીકતમાં તમારાં ખાતામાં કોઈ જ પૈસા આવ્યા ન હોય.

પરિણામે તમારું નુકસાન થાય છે. જો તમે થોડા સાવચેત રહો તો આવી છેતરપિંડીથી બચી શકો છો. આવો, જાણીએ આવા ફ્રોડથી કઈ રીતે બચી શકાય છે?

ખોટા પેમેન્ટ સ્ક્રીનશૉટ ફ્રોડના પ્રકારો :

• કેટલાક ઠગ ફોટો એડિટિંગ એપ દ્વારા પેમેન્ટ રસીદની વિગત બદલાવે છે. તેઓ રકમ, તારીખ કે પેમેન્ટની સ્થિતિ બદલીને તેને સાચી દેખાડે છે.

• કેટલાક ખોટી એપ્સનો ઉપયોગ કરે છે, જે સાચા બેંકિંગ કે યુપીઆઈ એપ જેવી દેખાય છે, પણ એ પૈસા મોકલતી નથી.

• કેટલાક લોકો સાચો સ્ક્રીનશૉટ બતાવે છે, પણ પછી ટ્રાન્ઝેક્શન રદ્દ કરી દે છે અથવા ખાલી ખાતામાંથી ટ્રાન્ઝેક્શન કરે છે, જેથી હકીકતમાં પૈસા મળતા નથી.

• કેટલાક ઠગો પહેલાથી કરેલ પેમેન્ટનો વીડિયો રેકોર્ડ કરે છે અને પછી તેને પૂરાવા તરીકે બતાવે છે, જેથી સામેના લોકોને લાગે કે પેમેન્ટ થઇ ગયું છે.

ફ્રોડ અટકાવવા માટેની સાવચેતી

• કોઈપણ પ્રોડક્ટ કે સર્વિસ આપવા પહેલાં તમારા બેંક ખાતા કે પેમેન્ટ એપમાં તપાસ કરો કે પેમેન્ટ થયું છે કે નહીં.
• બિઝનેસ યુપીઆઈ અકાઉન્ટનો ઉપયોગ કરો, જે દરેક પેમેન્ટ માટે ઓટોમેટિક SMS નોટિફિકેશન આપે છે. આવું કરવાથી છેતરપિંડીની શક્યતા ઓછી થાય છે.
• પેમેન્ટ કન્ફર્મેશન મેસેજ તપાસો – પેમેન્ટ કન્ફર્મેશન SMSની રાહ જુઓ કે તમારા એપમાં ટ્રાન્ઝેક્શન સ્ટેટસ ચેક કરો.
• તમારા બેંક ખાતાથી જોડાયેલ QR કોડનો ઉપયોગ કરો, જેથી પેમેન્ટને વધુ સરળતાથી ટ્રૅક કરી શકાય.
• માત્ર સ્ક્રીનશૉટ પર વિશ્વાસ ન કરો. હંમેશા તમારા બેંક અથવા યુપીઆઈ એપ દ્વારા રિયલ ટાઈમમાં પેમેન્ટની પુષ્ટિ કરો.
• પેમેન્ટનો રેકોર્ડ રાખો – પછીથી ચકાસણી માટે તમામ પેમેન્ટનો નોટબુક કે ડિજિટલ રેકોર્ડ બનાવો.
• તમારા સ્ટાફને ટ્રેન કરો – જો પેમેન્ટ હેન્ડલ કરતા કર્મચારીઓ હોય તો તેમને પેમેન્ટ સ્વીકારતાં પહેલાં તેનું વેરીફિકેશન કરતાં શીખવો.
• શંકાસ્પદ ટ્રાન્ઝેક્શન્સની રિપોર્ટ કરો. જો તમને ખોટા પેમેન્ટના પ્રયાસો જોવા મળે તો તરત પોલીસ કે સાઈબર ક્રાઈમ વિભાગમાં રિપોર્ટ કરો.

કાયદેસર પગલાં

• IT Act, 2000 અને ભારતીય દંડ સંહિતા હેઠળ આ પ્રકારના ફ્રોડ ગુના છે.
• સાયબર ક્રાઈમ હેલ્પલાઈન: 1930
• તમારી નજીકની સાયબર ક્રાઈમ પોલીસ સ્ટેશન કે www.cybercrime.gov.in પર ફરિયાદ નોંધાવી શકાય છે.

પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?

આ ફ્રોડ નવો નથી, પણ આજે તે ઝડપથી વિકસે છે કારણ કે લોકો પાસે એટલો સમય નથી કે તેઓ દરેક પેમેન્ટ ચકાસે. પણ થોડી સાવચેતીઓ અને ટેક્નોલોજીના ઉપયોગથી તમે આ ફ્રોડથી બચી શકો છો.