રોજ સવારમાં ઉઠીને અચૂકથી પીવું આ પાણી, તમારું શરીર હેલ્ધી અને મજબૂત રહેશે…

પોષક તત્ત્વોથી ભરપૂર ડ્રિંક

તમે તમારા રસોડામાં રહેલા એવા લીલા મસાલા વિશે જાણો છો કે જે માત્ર ખાવાનો સ્વાદ વધારવામાં નહીં, પણ આરોગ્ય સંબંધિત અનેક સમસ્યાઓ દૂર કરવામાં પણ ઉપયોગી સાબિત થઈ શકે છે? અહીં આપણે વાત કરી રહ્યા છીએ ઈલાયચી વિશે. માત્ર ઈલાયચી નહીં, પરંતુ ઈલાયચીનું પાણી પણ સ્વાસ્થ્ય માટે ખૂબ જ લાભદાયક સાબિત થઈ શકે છે.

ઈલાયચી શું છે?

ઈલાયચી એક પ્રાચીન ભારતીય મસાલા છે, જેને “મસાલા રાણી” પણ કહેવામાં આવે છે. તેની સુગંધ અને સ્વાદ ઉપરાંત, તે આરોગ્ય માટે પણ ઘણી રીતે લાભદાયક છે. ખાસ કરીને જો તેને પાણીમાં પલાળીને પીવામાં આવે તો તેના ગુણ વધુ સક્રિય થઈ જાય છે.

ગટ હેલ્થ માટે ફાયદાકારક

જો તમને વારંવાર પેટ સંબંધિત તકલીફો હોય છે, તો તમારે ઈલાયચીનું પાણી પીવાનું શરૂ કરી દેવું જોઈએ. ઈલાયચીનું પાણી તમારી આંતરડાની તંદુરસ્તી સુધારવામાં ઉપયોગી સાબિત થઈ શકે છે. ઉપરાંત, શરીરમાં મેટાબોલિઝમ વધારવા અને વજન ઘટાડવાની પ્રક્રિયા સરળ બનાવવામાં પણ એ ઉપયોગી છે.

બ્લડ પ્રેશર નિયંત્રિત કરે

તમે વારંવાર હાઈ બ્લડ પ્રેશરથી પરેશાન છો તો ઈલાયચીનું પાણી પીવાથી તમારું બ્લડ પ્રેશર નિયંત્રણમાં રહી શકે છે. નોંધનીય છે કે ઈલાયચીના પાણીમાં રહેલા પોષક તત્ત્વો ઉલટી, ઉબકા અને બેચેની જેવી સમસ્યાઓમાં રાહત આપે છે. એ સિવાય ઈલાયચીનું પાણી પીવાથી કેન્સર જેવી ગંભીર બીમારીનું જોખમ પણ ઓછું થઈ શકે છે.

અન્ય ફાયદાઓ

ઈલાયચીનું પાણી પીવાથી તણાવ ઘટાડવામાં પણ મદદ મળે છે. દુર્ગંધ આવતી શ્વાસની સમસ્યા દૂર કરવા માટે પણ આ પાણી પી શકાય છે. એ સિવાય હૃદયના સ્વાસ્થ્ય માટે પણ ઈલાયચીનું પાણી ખુબ જ લાભદાયક માનવામાં આવે છે. જો તમે યોગ્ય માત્રામાં અને યોગ્ય રીતથી તેનું સેવન કરો તો જ શ્રેષ્ઠ પરિણામ મળી શકે છે.

ઈલાયચીનું પાણી કેવી રીતે બનાવવું?

સામગ્રી:

• 2થી 3 લીલી ઈલાયચી
• 1 ગ્લાસ પાણી

પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?

બનાવવાની રીત:

• રાત્રે સુતા પહેલા 2-3 લીલી ઈલાયચીને હળવેથી ક્રશ કરીને એક ગ્લાસ પાણીમાં પલાળી દો.
• એ પાણીને રાત્રે ઢાંકીને રાખો.
• સવારે ખાલી પેટે એ પાણી ગાળીને પી જાઓ.

અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.