Vitamins For Good Eye Care: આંખોની સંભાળ રાખવી જરૂરી છે. સુંદર અને રંગબેરંગી દુનિયાને જોવા માટે આંખોનું સ્વસ્થ અને તંદુરસ્ત હોવું ખૂબ જ જરૂરી છે. ઉનાળામાં સ્વાસ્થ્યની સાથે સાથે આંખોનું પણ ખાસ ધ્યાન રાખવું જોઈએ, કારણ કે આંખો આપણા શરીરનું એક મહત્વનું અંગ છે અને તે ખૂબ જ સંવેદનશીલ હોય છે.
ઉનાળામાં ગરમ પવન અને ધૂળ ચહેરા પર હુમલો કરવા લાગે છે. ભારે ગરમ પવન અને ધૂળની સીધી અસર આપણી આંખો પર પડે છે. આંખોમાં કચરો જાય છે, જેના કારણે આંખોમાં ખંજવાળ અને આંખોમાં પાણી આવવાની સમસ્યા વધારે રહે છે. યોગ્ય વિટામિન્સ આખા ઉનાળામાં તમારી આંખોના સ્વાસ્થ્યને ટેકો આપવા અને સુરક્ષિત કરવામાં મદદ કરી શકે છે.
પુણેની એએસજી આઇ હોસ્પિટલના આઇ સ્પેશિયાલિસ્ટ ડો.અનૂપ અશોક સદાફલેએ જણાવ્યું હતું કે, ઉનાળાની ઋતુમાં કયા વિટામિન્સ આંખોની સંભાળ રાખવા માટે ફાયદાકારક સાબિત થઇ શકે છે.
ડો. અનૂપ અશોક સદાફલેના જણાવ્યા મુજબ ઉનાળામાં આકરો સૂર્ય પ્રકાશ માત્ર તમારા સ્વાસ્થ્ય માટે જ નહીં પરંતુ આંખો માટે પણ હાનિકારક છે. આંખોમાં લાલાશ, આંખોમાં બળતરા, આંખમાં દુખાવો, આંખોમાં પાણી અને આંખોમાં ખંજવાળ આવવી એ ઉનાળામાં સામાન્ય સમસ્યાઓ છે.
વિટામિન એ
વિટામિન એ આંખોની સારી રોશની જાળવવા માટે જરૂરી છે, ખાસ કરીને ઓછા પ્રકાશની સ્થિતિમાં. તેનાથી કોર્નિયા એટલે કે આંખનું બહારનું પડ સ્વસ્થ રહે છે. શુષ્કતા અને રાત્રે અંધત્વને રોકવામાં પણ મદદ કરે છે. તે મેક્યુલર ડીજનરેશન અને મોતિયાના જોખમને ઘટાડવામાં પણ ભૂમિકા ભજવે છે.
વિટામિન સી
વિટામિન સી એક શક્તિશાળી એન્ટિઓક્સિડેન્ટ છે, જે આંખોને યુવી (UV) નુકસાન અને ઓક્સિડેટીવ તણાવથી બચાવે છે. તે કોલેજનના ઉત્પાદનને પણ ટેકો આપે છે, જે આંખના બંધારણને જાળવવામાં મદદ કરે છે. આનાથી કોર્નિયા અને રક્ત વાહિનીઓને ફાયદો થાય છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
વિટામિન ઇ
વિટામિન ઇ વિટામિન સી સાથે મળી ફ્રી રેડિકલ્સ સામે લડે છે, જે આંખના કોષોને નુકસાન પહોંચાડે છે. તે ખાસ કરીને ઉંમરને લગતા આંખના રોગો જેવા કે મોતિયા અને મેક્યુલર ડીજનરેશનની પ્રગતિને ધીમું કરવામાં ફાયદાકારક છે.
લ્યૂટિન અને જેક્સેંધિન
આ કેરોટીનોઈડ્સ આંતરિક સનગ્લાસની જેમ કામ કરે છે, જે હાનિકારક વાદળી પ્રકાશને ફિલ્ટર કરે છે અને તમારી આંખોને યુવી કિરણોથી બચાવે છે. આ રેટિનામાં જોવા મળે છે અને આંખના લાંબા રોગોના જોખમને ઘટાડવામાં મદદ કરી શકે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
