દિલ્હીમાં ૧૯ વર્ષના એક ટીનેજરને કરોડરજ્જુના હાડકાની સર્જરી કરાવવાનો વારો આવ્યો, કારણ કે તેને મોબાઇલ ફોન પર ગેમ રમવાની આદત પડી ગઈ હતી અને રોજ ૧૨ કલાકથી વધારે સમય સુધી તે પોતાના રૂમમાં જ રહીને ગેમ રમતો હોવાથી તેને પાર્શિયલ પૅરૅલિસિસ થયો હતો.
સમયની સાથે તેની કરોડરજ્જુનું હાડકું વાંકું થઈ ગયું અને એના કારણે તેનો બ્લૅડર પરનો કન્ટ્રોલ જતો રહ્યો. આ એ વાતનો સંકેત હતો કે કરોડરજ્જુના હાડકા પર દબાણ આવતું હતું.
આશરે એક વર્ષમાં કોઈ પણ જાતના નિદાન વિના તેને થયેલા સ્પાઇનલ ટ્યુબરક્યુલોસિસ (TB)ના કારણે તેની હાલત ઓર ખરાબ થઈ હતી અને જ્યારે તેને હૉસ્પિટલમાં દાખલ કરવામાં આવ્યો ત્યારે તેને ચાલવામાં અને પેશાબ કરવામાં પણ મુશ્કેલી થઈ રહી હતી.
ઇન્ડિયન સ્પાઇનલ ઇન્જરીઝ સેન્ટરના ડૉક્ટરોએ તેની કરોડરજ્જુના હાડકામાં એક ડિફોર્મિટી જોઈ જેને મેડિકલ ભાષામાં કાઇફો-સ્કોલિયોસિસ (kypho-scoliosis) કહેવામાં આવે છે.
સ્કૅનમાં ખબર પડી કે TBના કારણે કરોડરજ્જુના હાડકામાં D11 અને D12માં ચેપ લાગી ગયો હતો અને એમાં પસ ભરાયો હતો. આ ઑપરેશન પાર પાડવા માટે ડૉક્ટરોની ટીમને આધુનિક સ્પાઇનલ નૅવિગેશન ટેક્નૉલૉજીનો સહારો લેવો પડ્યો હતો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
કઠિન સર્જરી બાદ આ ટીનેજરમાં રિકવરીનાં લક્ષણો દેખાયાં હતાં. તેણે બ્લૅડર પર કન્ટ્રોલ મેળવી લીધો છે અને ચાલવાનું પણ શરૂ કરી દીધું છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
