જો તમે હજી સુધી તમારું આધાર કાર્ડ અપડેટ કર્યું નથી, તો આ સમાચાર તમારા માટે છે. હા, કેન્દ્ર સરકારે મફતમાં આધાર કાર્ડની વિગતો અપડેટ કરવાની સમય મર્યાદા વધારી દીધી છે. હવે તમે 14 જૂન, 2024 સુધી કોઈપણ ચાર્જ વિના આધાર કાર્ડ અપડેટ કરી શકશો. પહેલા આ સમયમર્યાદા 14 માર્ચ હતી, હવે સરકારે તેને ત્રણ મહિના માટે લંબાવી છે.
યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ ફ્રી ઓનલાઈન ડોક્યુમેન્ટ અપલોડ કરવાની સુવિધા 14 જૂન સુધી લંબાવી છે. UIDAI દ્વારા કહેવામાં આવ્યું છે કે આ સેવા માત્ર 14 જૂન સુધી myaadhar પોર્ટલ પર ઉપલબ્ધ છે.
આધાર કાર્ડ કેવી રીતે અપડેટ કરવુ?
નોંધનીય છે કે જો તમે આધાર કાર્ડના દસ્તાવેજો અપડેટ કરવા માંગતા હો, તો તમને 14 જૂન સુધી જ myaadhaar પોર્ટલ પર મફત સુવિધા મળશે. જો તમે આધાર સેવા કેન્દ્ર પર જાઓ છો, તો તમારે 50 રૂપિયા ફી ચૂકવવી પડશે.
ગયા વર્ષે સરકારે ચેતવણી આપી હતી કે જો કોઈ આધાર સેવા પ્રદાતા વધારે ચાર્જ લે છે તો તેને રોકી શકાય છે. આટલું જ નહીં, તેમની નિમણૂક કરનાર રજિસ્ટ્રાર પર 50,000 રૂપિયા સુધીનો દંડ પણ થઈ શકે છે.
રાજ્યના ઈલેક્ટ્રોનિક્સ અને આઈટી મંત્રી રાજીવ ચંદ્રશેખરે સંસદમાં જણાવ્યું હતું કે UIDAIએ તમામ આધાર ઓપરેટરોને આધારની માહિતી અપડેટ કરવા માટે વધુ પડતી ફી ન વસૂલવાની સૂચના આપી છે. તેમણે એમ પણ કહ્યું હતું કે આ છતાં જો વધારે પૈસા લેવાની ફરિયાદ મળશે તો તેની તપાસ કરવામાં આવશે અને જો ફરિયાદ સાચી જણાશે તો સંબંધિત આધાર એનરોલમેન્ટ રજિસ્ટ્રાર પર 50,000 રૂપિયાનો દંડ થઈ શકે છે.
સેવા પ્રદાતાને પણ અમુક સમય માટે કામ કરવાથી રોકવામાં આવી શકે છે. તેમણે કહ્યું કે કોઈપણ વ્યક્તિ UIDAIને ઈ-મેલ દ્વારા અથવા ટોલ ફ્રી નંબર 1947 પર પોતાની ફરિયાદ નોંધાવી શકે છે.
