અટલ પેન્શન યોજના (Atal Pension Yojana – APY): જો તમે પણ અટલ પેન્શન યોજનાનો લાભ લઈ રહ્યા છો અથવા તમે પણ આ સરકારી યોજનામાં નોંધણી કરાવવાનું વિચારી રહ્યા છો, તો તમારા માટે એક મોટા સમાચાર છે. આવતા મહિનાથી સરકાર આ યોજનામાં મોટો ફેરફાર કરવા જઈ રહી છે. આ યોજના ઓક્ટોબર મહિનાથી ઘણા લોકો માટે બંધ કરવામાં આવી રહી છે એટલે કે હવે દેશના ઘણા લોકોને આ યોજનાનો લાભ નહીં મળે.
આ નિયમ ઓક્ટોબર 2022થી લાગુ થશે
તમને જણાવી દઈએ કે અટલ પેન્શન યોજનાના નવા નિયમો હેઠળ આવકવેરો ભરનારા લોકો આ યોજનાનો લાભ લઈ શકશે નહીં. આ સરકારી યોજનાનો નવો નિયમ ઓક્ટોબર 2022થી લાગુ કરવામાં આવશે.
કરદાતાઓ 30મી સપ્ટેમ્બર સુધી લાભ મેળવી શકશે
આવી સ્થિતિમાં, જો તમે પણ કરદાતા છો અને આ સરકારી યોજનાનો લાભ લેવા માંગો છો, તો તમારી પાસે માત્ર સપ્ટેમ્બર મહિનાનો સમય છે. આવતા મહિનાથી તમે તેનો લાભ લઈ શકશો નહીં. કરદાતાઓ 30 સપ્ટેમ્બર સુધી આ યોજનાનો લાભ લઈ શકશે.
પહેલેથી જ ખોલેલા ખાતા ચાલુ રહેશે
તમને જણાવી દઈએ કે જેમણે પહેલેથી ખાતું ખોલાવ્યું છે, તેમને આ યોજનાનો લાભ મળતો રહેશે. જો અટલ પેન્શન યોજના ખાતું 1 ઓક્ટોબર પછી ખોલવામાં આવે છે, અને જો તે વ્યક્તિ પહેલેથી જ આવકવેરો ચૂકવતો હોય, તો તેનું ખાતું બંધ કરવામાં આવશે.
સરકારની આ યોજનાનો લાભ કોણ લઈ શકે?
18-40 વર્ષની વચ્ચેનો કોઈપણ ભારતીય નાગરિક આનો લાભ લઈ શકે છે. જો તમે પણ પેન્શનનો લાભ લેવા માંગો છો, તો તમે તેમાં ખાતું ખોલાવી શકો છો. આ ઉપરાંત, આ યોજનામાં, તમને આવકવેરાની કલમ 80CCD હેઠળ કર મુક્તિનો લાભ મળે છે.
તમે આ ખાતું ક્યાં ખોલી શકો?
કેન્દ્ર સરકારે પહેલા આ યોજના અસંગઠિત ક્ષેત્રમાં કામ કરતા લોકોને ધ્યાનમાં રાખીને શરૂ કરી હતી, પરંતુ પછી તેની લોકપ્રિયતાને જોતા સરકારે તેને 18 વર્ષથી 40 વર્ષ સુધીના તમામ લોકો માટે ખોલી દીધી હતી. આ યોજનામાં જોડાવા માટે, તમે બેંક અથવા પોસ્ટ ઓફિસમાંથી ખાતું ખોલાવી શકો છો.
4 કરોડ લોકો આ યોજનાનો લીધો લાભ
આ યોજના (APY) નાણાકીય વર્ષ 2015-16માં શરૂ કરવામાં આવી હતી. આ યોજના ખાસ કરીને એવા લોકો માટે શરૂ કરવામાં આવી છે જેઓ અન્ય કોઈ સરકારી પેન્શનનો લાભ લઈ શકતા નથી. માત્ર 6 વર્ષમાં આ યોજનાથી લગભગ 4 કરોડ લોકોને ફાયદો થયો છે.
આવી વધારે માહિતી મેળવવા માટે અમારું ફેસબુક પેજ ફોલો કરો.
