સિઝન પ્રમાણે ગરમ કે ઠંડા પાણીમાં નહાવું પડતું હોય છે પરંતુ તેમાં પણ માપ રાખવું પડે તેવી સ્થિતિ આવી છે. ડોક્ટરોએ ચેતવણી આપી છે કે અતિશય ઠંડા કે ગરમ પાણીમાં નહાવાથી હાર્ટની ગતિ પર અસર પડી શકે છે, તે કાંતો ફૂલ સ્પીડમાં અથવા લો સ્પીડમાં કામ કરી શકે છે, કેટલાક કિસ્સામાં તો હાર્ટ એટેક પણ નોંતરી શકે છે માટે અતિશય ઠંડા કે ગરમ પાણીમાં ન નહાવું જોઈએ.
ખભા ઉપર સ્નાન કરતાં લોકોને હાઈ બ્લડ પ્રેશરનું જોખમ
ડોક્ટરોના જણાવ્યા પ્રમાણે અત્યંત ઠંડા કે ગરમ પાણીમાં નહાવાથી તમારા હાર્ટ રેટ પર અસર થાય છે. શાવરમાં તમારા શરીરનું તાપમાન એડજસ્ટ થાય છે અને આ તમારી ધમનીઓ અને રુધિરકેશિકાઓ પર ઘણું દબાણ લાવે છે.
જે લોકો ખભા ઉપરના શરીરના ભાગો પર સ્નાન કરે છે તેમને હાઈ બ્લડ પ્રેશર અથવા હૃદય રોગનું વધારે જોખમ રહેતું હોય છે.
બાથરૂમમાં હાર્ટ એટેકનું શું કારણ
ડોક્ટરોનું કહેવું છે કે વધુ પડતાં ગરમ કે ઠંડા પાણીને કારણે ધબકારાં અનિયમિત થતાં હૃદયમાં ઇલેક્ટ્રિકલ મેલફંક્શન થવા લાગે છે. જ્યારે તમે ન્હાતા હો, શાવર કરતા હોવ અથવા ટોયલેટનો ઉપયોગ કરો ત્યારે આ ખામી સર્જાઈ શકે છે. આ તમારા શરીર પરના તણાવને કારણે છે.
‘ગમે ત્યાં અને ગમે ત્યારે’ હાર્ટ એટેકના આ જીવલેણ સૂત્રથી બચો
દેશમાં હાર્ટ એટેક એક મોટી સમસ્યા તરીકે ઉભરી રહ્યો છે. હાર્ટ એટેક ગમે ત્યાં અને ગમે ત્યારે આવી શકે છે પરંતુ બાથરૂમ હાર્ટ એટેક આવવા માટે ખતરનાક સ્થળ બની શકે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ડોકટરોના જણાવ્યા મુજબ, તે સામાન્ય રીતે શૌચાલયમાં અથવા નહાતી વખતે વધુ આવે છે. બાથરૂમમાં આવી પરિસ્થિતિઓ અત્યંત જોખમી હોઈ શકે છે કારણ કે તે બંધ અને ખાનગી જગ્યા છે. તમે ત્યાં હોવ ત્યારે મદદમાં વિલંબ થઈ શકે છે.
નાહતી વખતે શું ધ્યાન રાખવું?
– છાતી સુધી ગરમ પાણીમાં ક્યારેય ડૂબશો નહીં
– જ્યારે તમે બાથટબમાં હોવ ત્યારે ટાઈમર અથવા એલાર્મ સેટ કરો
– ઊંઘની ગોળીઓ અથવા આરામ આપનારી દવાઓ લીધા પછી ખૂબ ગરમ પાણીથી સ્નાન ન કરો
– જ્યારે તમે બાથરૂમમાં હોવ ત્યારે હંમેશા ફોનને કાઉન્ટર પર મળી શકે તેવી સ્થિતિમાં મૂકો
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
