જો તમે જૂની કાર ખરીદવાનું વિચારી રહ્યા છો, તો થોડી રાહ જુઓ! 1 એપ્રિલ, 2025થી જૂના વાહનોના સંચાલનને લઈને નવા નિયમો અમલમાં આવવાના છે. આ નિયમો હેઠળ, જો તમારા વાહનની ઉંમર 15 વર્ષ પૂર્ણ થઈ ગઈ હોય અને તેનું રજીસ્ટ્રેશન લંબાવવામાં ન આવ્યું હોય, તો તેને ઘરે રાખવું ગેરકાયદેસર ગણાશે.
નવા નિયમો અનુસાર વાહનની ઉંમર પૂરી થયાના 180 દિવસની અંદર તેને રજિસ્ટર્ડ સ્ક્રેપિંગ અથવા કલેક્શન સેન્ટરોમાં જમા કરાવવું ફરજિયાત છે.
જો આમ ન કરવામાં આવે તો વાહન માલિક સામે દંડ લાદવામાં આવી શકે છે, વાહનનું રજીસ્ટ્રેશન રદ થઈ શકે છે અને અન્ય કાનૂની કાર્યવાહી પણ થઈ શકે છે.
આ ઉપરાંત, વાહન ઉત્પાદકોએ પણ દર વર્ષે ચોક્કસ સંખ્યામાં વાહનોના સ્ક્રેપિંગનું પ્રમાણપત્ર સબમિટ કરવું પડશે, ત્યારબાદ જ તેમને નવા વાહનોનું ઉત્પાદન કરવાની મંજૂરી મળશે.
કૃષિ કાર્યમાં રોકાયેલા વાહનોને આ નિયમોમાંથી મુક્તિ આપવામાં આવી છે. આ નવા નિયમો વાયુ પ્રદૂષણને નિયંત્રિત કરવા માટે લાગુ કરવામાં આવી રહ્યા છે.
વાહન ઉત્પાદકો માટે સ્ક્રેપિંગનું પ્રમાણપત્ર સબમિટ કરવું ફરજિયાત બનાવવામાં આવ્યું છે. જોકે, તેમણે આ જાતે કરવું પડશે નહીં, પરંતુ દેશના અધિકૃત સ્ક્રેપિંગ કેન્દ્રો પાસેથી પ્રમાણપત્ર ખરીદીને સબમિટ કરવાનું રહેશે. આ પછી જ તેમને નવા વાહનોનું ઉત્પાદન કરવાની મંજૂરી આપવામાં આવશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
નવા સ્ક્રેપિંગ નિયમો હેઠળ વાહનોને સ્ક્રેપ કરવાનો અર્થ એ છે કે સ્ક્રેપ કરેલા વાહનોમાંથી સ્ટીલને સ્ક્રેપ કરવું. આવી સ્થિતિમાં, સ્ક્રેપિંગ માટે નક્કી કરાયેલા ધોરણો વાહનોમાં વપરાતા સ્ટીલની માત્રા પર આધારિત છે.
હાલમાં, વાહન ઉત્પાદકોએ જાહેર કરવું પડશે કે તેઓએ ચોક્કસ વર્ષમાં વાહનોના ઉત્પાદનમાં કેટલું સ્ટીલનો ઉપયોગ કર્યો હતો. આ નવા નિયમો જૂની કાર ખરીદવાનું વિચારી રહેલા લોકો માટે એક મહત્વપૂર્ણ બાબત છે, કારણ કે તેમને વાહનની ઉંમર અને રજીસ્ટ્રેશન અંગે તપાસ કરવી જરૂરી બનશે.
નવી સ્ક્રેપિંગ નીતિમાં શું છે?
જેમાં જો તે યોગ્ય જણાય તો તેનું રજીસ્ટ્રેશન પાંચ વર્ષ માટે લંબાવી શકાય છે. હાલમાં, નવી સ્ક્રેપિંગ નીતિમાં મંત્રાલય દ્વારા નિર્ધારિત વાહનોની સરેરાશ ઉંમર પરિવહન વાહનો માટે મહત્તમ 15 વર્ષ અને બિન-પરિવહન વાહનો માટે 20 વર્ષ છે.
