ભારતીય ટપાલ વિભાગે ગ્રામીણ ડાક સેવક (GDS) ની જગ્યાઓ માટે બમ્પર ભરતીની જાહેરાત કરી છે. આ ભરતીનું આયોજન ઈન્ડિયા પોસ્ટ દ્વારા કરવામાં આવી રહ્યું છે અને તેના માટેની અરજી પ્રક્રિયા 10 ફેબ્રુઆરી 2025થી શરૂ કરવામાં આવી છે.
રસ ધરાવતા અને લાયક ઉમેદવારો ઈન્ડિયા પોસ્ટની અધિકૃત વેબસાઈટ indiapost.gov.in પર જઈને અરજી કરી શકે છે. અરજી કરવાની છેલ્લી તારીખ 3 માર્ચ, 2025 નક્કી કરવામાં આવી છે.
સૂચના અનુસાર, આ ભરતી હેઠળ કુલ 21,413 ગ્રામીણ ડાક સેવકની જગ્યાઓ પર નિમણૂકો કરવામાં આવશે. ઉમેદવારો નીચે ભરતી માટે અરજી કરવાની પાત્રતા સંબંધિત વિગતો ચકાસી શકે છે.
પાત્રતા માપદંડ
ગ્રામીણ ડાક સેવકની જગ્યાઓ માટે અરજી કરવા માટે, ઉમેદવારે માન્ય બોર્ડ અથવા સંસ્થામાંથી 10મી (મેટ્રિક) પરીક્ષા પાસ કરેલ હોવી જોઈએ. આ સિવાય ગણિત અને અંગ્રેજી વિષયમાં ઓછામાં ઓછા પાસિંગ માર્કસ હોવા જોઈએ.
ઉમેદવારની ઉંમર 18 વર્ષથી ઓછી અને 40 વર્ષથી વધુ ન હોવી જોઈએ. જો કે, અનામત કેટેગરીના ઉમેદવારોને નિયમો મુજબ વયમાં છૂટછાટ આપવામાં આવશે.
કેવી રીતે અરજી કરવી?
આ ભરતી માટે અરજી કરવા માટે, ઉમેદવારે પહેલા સત્તાવાર વેબસાઇટ indiapost.gov.in ની મુલાકાત લેવી આવશ્યક છે. ત્યાં, હોમ પેજ પર ‘રજીસ્ટ્રેશન’ પર ક્લિક કરો અને તમામ જરૂરી વિગતો ભરીને નોંધણી પ્રક્રિયા પૂર્ણ કરો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ પછી, ‘સ્ટેજ 2: ઑનલાઇન અરજી કરો’ લિંક પર ક્લિક કરીને અરજી ફોર્મ ભરો. આ પછી, નિયત ફી ચૂકવો અને અરજી ફોર્મ સબમિટ કરો. છેલ્લે, ભરેલી અરજીની પ્રિન્ટઆઉટ લો અને તેને સુરક્ષિત રાખો.
એપ્લિકેશન સુધારવાની તક
જો ઉમેદવાર અરજી દરમિયાન ભૂલ કરે છે, તો તેને સુધારવાની તક પણ મળશે. ઉમેદવારો 6 માર્ચથી 8 માર્ચ, 2025 સુધી તેમની અરજીઓમાં સુધારો કરી શકશે, જેથી તેઓ સાચી માહિતી સાથે અરજી સબમિટ કરી શકે.
તમને કેટલો પગાર મળશે ?
BPM (બ્રાન્ચ પોસ્ટ માસ્ટર) પોસ્ટ્સ પર પસંદ થયેલા ઉમેદવારોને દર મહિને રૂ. 12,000 થી રૂ. 29,380નો પગાર મળશે, જ્યારે ABPM (આસિસ્ટન્ટ બ્રાન્ચ પોસ્ટ માસ્ટર) અને ડાક સેવકની પોસ્ટ પર પસંદ કરાયેલા ઉમેદવારોને મહિને રૂ. 10,000 થી રૂ. 24,470નો પગાર મળશે.
