કેન્દ્ર સરકારે પેન્શન અને ગ્રેચ્યુઈટી અંગે નવી માર્ગદર્શિકા બહાર પાડી છે. આ મુજબ, નિવૃત્તિની તારીખના 2 મહિના પહેલા પીપીઓ (પેન્શન પેમેન્ટ ઓર્ડર) જારી કરવાનો રહેશે.
ડીઓપીપીડબલ્યુ (પેન્શન અને પેન્શનર્સ કલ્યાણ વિભાગ) એ નિવૃત્તિની નજીક જઈ રહેલા સરકારી કર્મચારીઓને કોઈપણ વિલંબ વિના પેન્શન અને ગ્રેચ્યુઈટી પ્રદાન કરવા માટે આ પહેલ કરી છે.
કર્મચારીઓએ પેન્શન અને ગ્રેચ્યુટીની ચિંતા કરવાની જરૂર નથી.
25 ઓક્ટોબર 2024ની નવી સૂચનાઓ અનુસાર, નિવૃત્તિની યાદી તૈયાર કરવાથી લઈને પેન્શન પેમેન્ટ ઓર્ડર (PPO) જારી કરવા સુધી, સમયસર પ્રક્રિયા કરવી જરૂરી છે.
આ માટે સમય મર્યાદાનું પાલન કરવું જોઈએ. વિભાગ નિવૃત્ત થતા કર્મચારીઓને પેન્શન અને ગ્રેચ્યુટીના લાભો મેળવવામાં મદદ કરશે.
DoPPW એ માર્ગદર્શિકા જારી કરી છે અને નિવૃત્તિ નજીક હોય તેવા સરકારી કર્મચારીઓને પેન્શન અને ગ્રેચ્યુઈટી લાભો આપવા માટે ચોક્કસ સમય મર્યાદા નક્કી કરી છે.
કર્મચારીઓને પેન્શન અને ગ્રેચ્યુટીના લાભો મેળવવા માટે ચિંતા ન કરવી પડે તે માટે પ્રયાસ કરવામાં આવ્યો છે.
દર મહિનાની 15મી તારીખ સુધીમાં આગામી 15 મહિનામાં નિવૃત્ત થનાર તમામ કર્મચારીઓની યાદી તૈયાર કરવાની રહેશે.
આ સાથે ટૂંક સમયમાં નિવૃત્ત કર્મચારીઓની ઓળખ કરવામાં આવશે. તેમના પેન્શન અને ગ્રેચ્યુટીની પ્રક્રિયા ટૂંક સમયમાં થશે.
સમયસર પેન્શન ચૂકવણીની ખાતરી કરો
DoPPWએ જણાવ્યું છે કે નિયમ 54 મુજબ, દરેક વિભાગના વડા (HOD) એ દર મહિનાની 15મી તારીખ સુધીમાં તે તારીખથી આવતા પંદર મહિનામાં નિવૃત્ત થવા જઈ રહેલા તમામ સરકારી કર્મચારીઓની યાદી તૈયાર કરવાની રહેશે.
પેન્શનનો મામલો એકાઉન્ટ્સ ઓફિસર સુધી પહોંચ્યા બાદ તેમણે જરૂરી તપાસ કરવાની હોય છે.
પેન્શન પેમેન્ટ ઓર્ડર (PPO) કર્મચારીની નિવૃત્તિ તારીખના ઓછામાં ઓછા બે મહિના પહેલા જારી કરવાનો રહેશે. આ પ્રક્રિયા પેન્શન અને ગ્રેચ્યુઈટી આપવામાં વિલંબને રોકવા માટે બનાવવામાં આવી છે.
તમામ મંત્રાલયો અને વિભાગોને માર્ગદર્શિકાનું પાલન કરવા અને તેમના કર્મચારીઓને આ સમયમર્યાદા વિશે જણાવવા માટે કહેવામાં આવ્યું છે.
