રસોડાનું સિંક સાફ રાખવું ખૂબ જ જરૂરી છે જેથી બેક્ટેરિયા અને દુર્ગંધ ન ફેલાય. બેકિંગ સોડા, લીંબુ અને મીઠું જેવા ઘરેલું ઉપાયો દ્વારા સિંકને સરળતાથી ચમકાવી શકાય છે અને કેમિકલની પણ જરૂર નથી પડતી. આ દેશી ટિપ્સ સિંકને નવાં હોય તેવા ચમકાવી દે છે. ચાલો જાણીએ સિંક સાફ કરવાની કેટલીક ટિપ્સ.
બેકિંગ સોડા અને લીંબુ
બેકિંગ સોડા અને લીંબુનું સંયોજન કોઈપણ ગંદકી માટે અતિ શ્રેષ્ઠ છે. સૌપ્રથમ સિંકને હળવા પાણીથી ભીંજવો. પછી આખા સિંકમાં બેકિંગ સોડા છાંટો અને કાપેલા લીંબુથી ઘસો. લીંબુનો રસ અને બેકિંગ સોડા મળીને ચીકાશ અને દાગ દૂર કરે છે. 10 મિનિટ પછી સિંકને ગરમ પાણીથી ધોઈ લો.
સરકો અને બેકિંગ સોડા
સિંકના ડ્રેનમાં થોડો બેકિંગ સોડા નાખો. પછી ઉપરથી 1 કપ સફેદ સરકો નાખો. તે અંદર જામી ગયેલી ગંદકી અને દુર્ગંધ દૂર કરે છે. 15 મિનિટ પછી ગરમ પાણી નાખો. આ ઉપાયથી સિંકમાં જામી ગયેલી જૂની ચીકાશ, તેલની પરત અને દુર્ગંધ સરળતાથી દૂર થઈ જાય છે.
મીઠું અને બરફ
જો તમારું સિંક સ્ટીલનું છે તો આ રીત ખૂબ જ લાભદાયી રહેશે. એક મુઠ્ઠી જેટલું મીઠું લો અને થોડા બરફના ટુકડા સાથે સિંકમાં નાખો. તેને સ્ક્રબરથી ઘસો. આ સિંકની સપાટી પર જામી ગયેલ મેલ અને દુર્ગંધ દૂર કરે છે અને ચમક પાછી લાવે છે.
ડીશવોશિંગ લિક્વિડ અને ગરમ પાણી
દૈનિક સફાઈ માટે સિંકમાં ડીશવોશિંગ લિક્વિડની થોડીઘણી બૂંદો નાખો. તેના પર ગરમ પાણી નાખો અને સ્ક્રબરથી ઘસો. આ રીત દૈનિક દાગ દૂર કરવા માટે સારી છે અને સિંક સાફ રહે છે.
સિંકના કિનારાઓ અને ડ્રેન કવરને ન ભૂલશો
ઘણી વાર લોકો સિંકની સપાટી તો સાફ કરે છે પણ ખૂણાઓ અને ડ્રેન કવરને અવગણતા હોય છે. ટૂથબ્રશમાં થોડો સરકો કે ડીશવોશિંગ લિક્વિડ લગાવીને ખૂણાઓને ઘસો. ડ્રેન કવરને અઠવાડિયામાં એક વખત ગરમ પાણી અને બેકિંગ સોડાથી સાફ કરો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
દુર્ગંધ રોકવા માટે
અઠવાડિયામાં 2 વાર લીંબુ અને બરફના ટુકડા નાખીને ડ્રેનમાં થોડું ઘસો. આથી ડ્રેન સાફ રહેશે અને તાજગી પણ રહેશે.
સિંકને ચમકાવવા માટે
થોડું સફેદ ટૂથપેસ્ટ લો અને સિંક પર લગાવો. કપાસના કપડા વડે ગોળ-ગોળ ઘસો અને પછી પાણીથી ધોઈ લો. આથી સિંકમાં શાનદાર ચમક આવી જાય છે.
