હેલ્થ એક્સપર્ટ્સ સ્વસ્થ રહેવા માટે બાળકોથી લઈ વૃદ્ધો સુધી ફળો ખાવાની સલાહ આપે છે. બધા ફળોમાં જરૂરી વિટામિન્સ અને મિનરલ્સ હોય જ છે, પરંતુ કેટલાક ફળો એવા હોય છે જે 50 વર્ષની ઉમર પછી જરૂરથી ખાવા જોઈએ. ચાલો જાણીએ તે હેલ્ધી ફળ કયા છે?
હેલ્ધી ફળો
50 વર્ષની ઉમર પછી શરીરમાં ઘણા ફેરફાર જોવા મળે છે અને તંદુરસ્તી જાળવવી વધુ જરૂરી બની જાય છે. આવા સમયમાં યોગ્ય આહાર શરીરને ફિટ રાખવામાં મહત્ત્વની ભૂમિકા ભજવે છે.
હેલ્થ એક્સપર્ટ્સ સૂચવે છે કે 50 પછી ખાસ કરીને કેટલાક ફળોનો નિયમિત ડાયટમાં સમાવેશ કરવો જોઈએ. ચાલો જાણીએ એ હેલ્ધી ફળો વિશે જે વૃદ્ધાવસ્થામાં પણ તમને તંદુરસ્ત અને સક્રિય રાખવામાં મદદરૂપ સાબિત થઈ શકે છે.
પપૈયું
વિટામિન્સ, મિનરલ્સ, ફાઈબર અને એન્ટી ઓક્સિડેન્ટ્સથી ભરપૂર પપૈયું એક એવું ફળ છે, જે તમામ ઉંમરના લોકો માટે લાભદાયક હોય છે. તે 50 વર્ષથી વધુ ઉંમર ધરાવનારાઓના પાચનતંત્રને મજબૂત બનાવે છે. સાથે જ ઈમ્યુન સિસ્ટમને પણ મજબૂત બનાવે છે.
પપૈયામાં રહેલા વિટામિન A અને C વિવિધ પ્રકારની ત્વચાની સમસ્યાઓથી બચાવે છે. 50 વર્ષની ઉંમર ધરાવનારા લોકોની સમગ્ર તંદુરસ્તી માટે આ ફળ લાભદાયક માનવામાં આવે છે.
સફરજન
આ યાદીમાં બીજું નામ છે સફરજનનું, જેમાં ફાઈબર, વિટામિન્સ અને ફાયટોન્યુટ્રિઅન્ટ્સ મળે છે. તે તમારી ઓવરઓલ હેલ્થને સુધારે છે.
તેમાં મળતો સોલ્યુબલ ફાઈબર કોલેસ્ટ્રોલને મેનેજ કરે છે, જે તમને હાર્ટ સંબંધિત બીમારીઓથી દૂર રાખે છે. સફરજન તમારા વજન નિયંત્રણમાં મદદ કરે છે. તેમાં રહેલો ફાઈબર બ્લડ શુગર લેવલને કાબૂમાં રાખવામાં મદદ મળે છે.
કિસમિસ
કિસમિસ અથવા સૂકી દ્રાક્ષ આયર્ન, પોટેશિયમ અને એન્ટી ઓક્સિડન્ટ્સથી ભરેલા હોય છે. તે 50 વર્ષની ઉમરનાં લોકોને ઘણાં ફાયદા આપે છે. તે તમારા હાડકાંને મજબૂત બનાવે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ફાઈબરની હાજરીને લીધે તમારા પાચનતંત્રને સરળ બનાવે છે. તેમાં કુદરતી ખાંડ હોય છે, જે તમારી ઊર્જાને વધારવામાં મદદ કરે છે.
લીંબુ
લીંબુ વિટામિન C અને ફ્લેવોનોઈડ્સનું પાવરહાઉસ છે. 50 વર્ષની ઉમર સુધી પહોંચતા લોકોની રોગપ્રતિકારક શક્તિ ઓછી થવા લાગે છે. આવી સ્થિતિમાં નિયમિત રીતે લીંબુ નું સેવન કરવાથી રોગપ્રતિકારક શક્તિ મજબૂત બને છે. તે કિડની સ્ટોનથી બચાવે છે અને સાથે જ તમને હાઇડ્રેટ રાખે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
