રોજિંદા ભાગદોડભર્યા જીવન, કામનો તણાવ, અનિયમિત દિનચર્યા અને ખરાબ ખાવાની આદતો, આ બધા મળીને આપણા શરીરના સૌથી મહત્વપૂર્ણ અંગ, હૃદય પર ઊંડી અસર કરે છે.
આજકાલ, હૃદયરોગ ફક્ત વૃદ્ધો સુધી મર્યાદિત નથી, પરંતુ લોકો 30 વર્ષની ઉંમર પહેલા જ હૃદયરોગના હુમલા જેવા ખતરનાક તબક્કામાંથી પસાર થઈ રહ્યા છે. કલ્પના કરો, જો કોઈ એવી રીત હોત જેના દ્વારા તમે તમારા હૃદયને લાંબા સમય સુધી સ્વસ્થ રાખી શકો?
તો આ પાંચ બાબતો માટે ન તો કોઈ ખર્ચાળ સારવારની જરૂર છે અને ન તો કોઈ કડવી દવા પર આધાર રાખવો પડશે. થોડી સમજણ અને કેટલીક સારી ટેવો તમારા હૃદયને હંમેશા ધબકતા રહેવામાં મદદ કરી શકે છે.
30 મિનિટની શારીરિક કસરત
ભલે ચાલવાનું હોય, યોગ કરવાનો હોય કે દોડવાનું, શરીરને એક્ટિવ રાખવાથી બ્લડ સર્કુલેશન સારૂ થાય છે અને હાર્ટ મજબૂત બને છે. દરરોજ 30 મિનિટનો વ્યાયામ કોલેસ્ટ્રોલને કંટ્રોલ રાખે છે, વજન સંતુલિત રાખે છે અને તણાવને પણ દૂર કરે છે.
તણાવને કહો અલવિદા
સતત તણાવમાં રહેવાથી હાર્ટ પર વધુ ભાર પડે છે, જેનાથી હાર્ટ એટેકનો ખતરો વધી જાય છે. તેથી 15 મિનિટનું ધ્યાન કે શ્વાસની એક્સરસાઇઝ તણાવને દૂર કરવાની સૌથી સારી રીત છે. મગજ શાંત હશે તો હ્રદયને શાંતિ મળશે.
ફાસ્ટ ફૂડ છોડો
તેલ, ઘી, સુગર અને નમકથી ભરેલું ફાસ્ટ ફૂડ હ્રદય માટે ઝેર સમાન હોય છે. તેની જગ્યાએ ફળ, લીલા શાકભાજી, ઓટ્સ, નટ્સ અને ઓછા ફેટવાળા પ્રોટીનને ડાયટમાં સામેલ કરો. તે તમારા હ્રદયની ધમનિઓને સાફ રાખવામાં મદદ કરે છે અને બ્લડ પ્રેશરને પણ સંતુલિત રાખે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
સારી ઊંઘ લો
અપૂરતી ઊંઘ હાર્ટ બીટ, બ્લડ પ્રેશર અને તણાવ સ્તરને વધારી શકે છે. તેથી ઓછામાં ઓછા સાત કલાક સૂવાનું જરૂરી છે, સાથે એક સમયે સૂવુ અને ઉઠવું પડશે. સારી ઊંઘ તમારા હ્રદયને ફરી રિચાર્જ કરવાનું કામ કરે છે.
સ્મોકિંગ અને દારૂથી દૂર રહો
ધૂમ્રપાન અને વધુ દારૂ હાર્ટની ધમનિઓને સંકોચે છે, જેનાથી હાર્ટ એટેકનો ખતરો અનેક ગણો વધી જાય છે. જો તમે પહેલાથી સ્મોકિંગ કરો છો તો ધીમે-ધીમે તેને બંધ કરવાનો પ્રયાસ કરો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
