સામાન્ય રીતે, જ્યારે તમને આધાર કાર્ડમાં કોઈ ફેરફાર કરવાની જરૂર હોય તો તમારે તેના માટે આધારની સત્તાવાર વેબસાઇટ પર જવું પડે છે.
તેવી જ રીતે, PAN, પાસપોર્ટ અને ડ્રાઇવિંગ લાયસન્સમાં ફેરફાર કરવા માટે, અલગ અલગ વેબસાઇટ્સ પર જવું પડે છે. પણ હવે આવું નહીં થાય. ભારત સરકાર હવે એક નવું સરકારી પોર્ટલ શરૂ કરવાની તૈયારી કરી રહી છે. જે લાખો ભારતીય નાગરિકોને મોટી રાહત આપશે.
આ નવા પોર્ટલ દ્વારા હવે સરકારી ઓળખ કાર્ડમાં નામ, સરનામું અને નંબર બદલવાનું વધુ સરળ થઈ જશે. કારણ કે આ નવી ડિજિટલ સેવા શરૂ થતા જ લોકોને એક જ જગ્યાએથી PAN, આધાર, મતદાર ID, પાસપોર્ટ અને ડ્રાઇવિંગ લાયસન્સ જેવા દસ્તાવેજોમાં ફેરફાર કરી શકશે.
થઈ રહી છે તૈયારી
રિપોર્ટ અનુસાર, આ નવી સુવિધા હેઠળ, સરકાર એક સંકલિત ડિજિટલ ઓળખ પ્રણાલી લાવવાની તૈયારી કરી રહી છે, જેના માટે એક ખાસ પોર્ટલ તૈયાર કરવામાં આવી રહ્યું છે.
આ પોર્ટલ હાલમાં પરીક્ષણ તબક્કામાં છે અને જલ્દી જ બધા નાગરિકો માટે ઉપલબ્ધ થશે. આ પોર્ટલ દ્વારા હવે બધા ઓળખ કાર્ડમાં નામ, સરનામું અને નંબર એકસાથે બદલવાનું શક્ય બનશે અને આ ફેરફાર બધા દસ્તાવેજો પર એકસાથે લાગુ થશે.
એક જ જગ્યાએથી થશે બધા દસ્તાવેજોમાં ફેરફાર
આ પોર્ટલ એવી રીતે ડિઝાઇન કરવામાં આવ્યું છે કે યુઝર્સને ફેરફારો કરવા માટે ફક્ત એક જ જગ્યાએ જવું પડશે. પોર્ટલમાં લોગ ઇન કરતાની સાથે જ તમને ફેરફારો કરવા માટે વિવિધ વિકલ્પો મળશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ઉદાહરણ તરીકે, જો મોબાઇલ નંબર અપડેટ કરવા માંગતા હો, તો તેના માટે આપેલા વિકલ્પ પર ક્લિક કરવું પડશે. આ પછી, જરૂરી દસ્તાવેજો અપલોડ કરીને ફેરફારો કરી શકાય છે. આ ફેરફાર પછી, આ અપડેટ બધા દસ્તાવેજોમાં આપમેળે થઈ જશે.
