જ્યારે વાત સુરક્ષિત રોકાણની થાય, જ્યાં ન શેરબજારની ઉથલપાથલ હોય, ન કોઈ જોખમ અને સાથે સાથે કરમાં છૂટ પણ મળે, ત્યારે ઘણા લોકો સીધા પોસ્ટ ઓફિસની યોજનાઓ તરફ વળે છે.
આવી જ એક યોજના છે નેશનલ સેવિંગ સર્ટિફિકેટ એટલે કે NSC, જે આજે પણ મધ્યમ વર્ગ અને નોકરી કરતા લોકો વચ્ચે એટલી જ લોકપ્રિય છે જેટલી અગાઉ હતી.
ખાસ વાત એ છે કે તેમાં સરકારની ગેરંટી હોય છે, એટલે કે રોકાણ સંપૂર્ણપણે સુરક્ષિત હોય છે અને સારું વ્યાજ પણ મળે છે. આજ કારણ છે કે હાલની આર્થિક સ્થિતિમાં લોકો ફરીથી NSC તરફ વળી રહ્યા છે.
આ રીતે મળશે બે લાખથી વધુનો ફાયદો
નેશનલ સેવિંગ સર્ટિફિકેટ (NSC) ભારત સરકાર દ્વારા સમર્થિત એક નાની બચત યોજના છે, જે દેશભરના દરેક પોસ્ટ ઓફિસ મારફતે ચલાવવામાં આવે છે. તેનો મુખ્ય હેતુ એ છે કે સામાન્ય લોકોને નાની નાની રકમોમાંથી લાંબા ગાળાની બચત કરવા માટે પ્રેરણા મળે.
હાલમાં તેનો વ્યાજ દર 7.7% પ્રતિ વર્ષ છે, જે દર વર્ષે કમ્પાઉન્ડ થાય છે, પરંતુ રકમ માત્ર પરિપક્વતા એટલે કે 5 વર્ષ પછી જ મળે છે. એટલે કે જો તમે રૂપિયા 1 લાખ NSC માં લગાવો છો, તો 5 વર્ષ પછી તમને આશરે રૂપિયા1.45 લાખ મળશે એ પણ સંપૂર્ણ સુરક્ષિત અને કોઈ પણ બજાર જોખમ વિના.
5 વર્ષમાં થશે આટલો મોટો લાભ
ધારો કરો કે તમે એક વખતમાં રૂપિયા 5 લાખ NSC માં લગાવો છો અને હાલના ની 7.7% વ્યાજ દર અનુસાર તમને દર વર્ષે વ્યાજ મળતું જાય છે (જોકે તમામ રકમ એક સાથે 5 વર્ષ પછી જ મળે છે). આવો વિગતવાર સમજી લઈએ:
- 1 વર્ષમાં રૂપિયા 5,00,000 ભરો તો વાર્ષિક વ્યાજ રૂપિયા 38,500 મળે અને અંતે કુલ રકમ રૂપિયા 5,38,500 થાય .
- 2 વર્ષમાં રૂપિયા 5,38,500 ભરો તો વાર્ષિક વ્યાજ રૂપિયા 41,464 મળે અને અંતે કુલ રકમ રૂપિયા 5,79,964 થાય.
- 3 વર્ષમાં રૂપિયા 5,79,964 ભરો તો વાર્ષિક વ્યાજ રૂપિયા 44,657 મળે અને અંતે કુલ રકમ રૂપિયા 6,24,621 થાય.
- 4 વર્ષમાં રૂપિયા 6,24,621 ભરો તો વાર્ષિક વ્યાજ રૂપિયા 48,095 મળે અને અંતે કુલ રકમ રૂપિયા 6,72,716 થાય.
- 5 વર્ષમાં રૂપિયા 6,72,716 ભરો તો વાર્ષિક વ્યાજ રૂપિયા 51,797 મળે અને અંતે કુલ રકમ રૂપિયા 7,24,513 થાય.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
5 વર્ષ પછી તમારાં 5 લાખ રૂપિયા NSC માં રૂપિયા 7,24,513 બની જશે.
અર્થાત કુલ લાભ = 2,24,513 રૂપિયા
5 વર્ષમાં લગભગ 5 લાખનો ફાયદો
જો તમે આ યોજના હેઠળ રૂપિયા 5 લાખના બદલે રૂપિયા 10 લાખનું રોકાણ કરો તો તમારો કુલ ફાયદો 7.7% વ્યાજ દર સાથે આશરે રૂપિયા 4,48,000 થઈ શકે છે.
NSC માં રોકાણ માટે કોઈ મહત્તમ મર્યાદા નથી, પરંતુ ઇન્કમ ટેક્સ એક્ટની કલમ 80C હેઠળ માત્ર રૂપિયા 1.5 લાખ સુધી જ ટેક્સમાં છૂટ મળે છે. ન્યૂનતમ રોકાણ માત્ર રૂપિયા 1,000 થી શરૂ થઈ શકે છે, જેથી કોઈ પણ સામાન્ય વ્યક્તિ પણ આ યોજના શરૂ કરી શકે.
તમે આ ખાતું અંગત રીતે ખોલી શકો છો, સંયુક્ત રીતે પણ લઈ શકો છો અથવા તમારા સંતાનના નામે પણ ખાતું ખોલી શકો છો, જેને વાલીઓ ચલાવે છે.
