IRCTC Tatkal Booking: ભારતીય રેલ્વેએ તત્કાલ ટિકિટ બુકિંગના નિયમોમાં મોટો ફેરફાર કર્યો છે. જેના કારણે કરોડો મુસાફરો માટે તેમની IRCTC પ્રોફાઇલ અપડેટ કરવી ફરજિયાત બની ગઈ છે.
જો તમારું IRCTC એકાઉન્ટ હજુ સુધી આધાર કાર્ડ સાથે લિંક નથી તો આવનારા સમયમાં તમને તત્કાલ ટિકિટ બુક કરવામાં ઘણી મુશ્કેલીનો સામનો કરવો પડી શકે છે.
બીજી તરફ જો તમે તેને લિંક કર્યું છે. તો તમને તત્કાલ ટિકિટ વિન્ડો ખુલવાના 10 મિનિટ પહેલા ઍક્સેસ મળશે. જેનાથી કન્ફર્મ તત્કાલ ટિકિટ મળવાની શક્યતા વધી જશે.
રેલ્વેના આ નવા નિયમની સીધી અસર તે મુસાફરો પર પડશે જેઓ દરરોજ મોબાઇલ અથવા લેપટોપ દ્વારા ટિકિટ બુક કરાવે છે અને ઝડપથી કન્ફર્મ સીટ મળવાની અપેક્ષા રાખે છે. હવેથી તત્કાલ ટિકિટ ફક્ત તે વપરાશકર્તાઓને જ ઉપલબ્ધ થશે જેમનું IRCTC એકાઉન્ટ આધાર સાથે લિંક થયેલ છે.
IRCTC એકાઉન્ટને આધાર કાર્ડ સાથે લિંક કરો
રેલ્વેએ સ્પષ્ટતા કરી છે કે તત્કાલ ટિકિટ બુકિંગ શરૂ થયાના પ્રથમ 10 મિનિટની અંદર ફક્ત તે મુસાફરો જ ટિકિટ બુક કરી શકશે જેમનું IRCTC એકાઉન્ટ આધાર કાર્ડ સાથે લિંક થયેલ છે.
આ સમય દરમિયાન અધિકૃત એજન્ટો પણ ટિકિટ બુક કરી શકશે નહીં. એટલે કે વહેલા બુકિંગનો નફો ફક્ત આધાર લિંક કરેલા યુઝર્સને જ મળશે.
IRCTC એકાઉન્ટને આધાર સાથે લિંક કરવું ખૂબ જ સરળ છે. જો તમે હજુ સુધી આ પ્રક્રિયા પૂરી નથી કરી તો તમે નીચે આપેલા સરળ સ્ટેપ્સને નુસરીને તેને લિંક કરી શકો છો:
- સૌ પ્રથમ વેબસાઇટ www.irctc.co.in પર જાઓ
- તેમાં યુઝર્સના નામ અને પાસવર્ડ સાથે લોગિન કરો
- ‘માય એકાઉન્ટ’ વિકલ્પ પર ક્લિક કરો
- ત્યાં Link Your Aadharનો વિકલ્પ પસંદ કરો
- આધાર નંબર અને નામની વિગતો દાખલ કરો
- તમારા રજિસ્ટર્ડ મોબાઇલ નંબર પર પ્રાપ્ત OTP ભરો અને અપડેટ બટન પર ક્લિક કરો
- આમ કરવાથી તમારું IRCTC એકાઉન્ટ આધાર સાથે લિંક થઈ જશે
IRCTC પોર્ટલ પર તત્કાલ ટિકિટ કેવી રીતે બુક કરવી?
- સૌ પ્રથમ તમારું યુઝરનેમ અને પાસવર્ડ દાખલ કરીને IRCTC વેબસાઇટ (https://www.irctc.co.in/nget/train-search) પર લોગ ઇન કરો.
મુસાફરીની વિગતો ભરો
હોમપેજ પર જ સ્ટેશનનું નામ (પ્રસ્થાન અને ત્યાં), મુસાફરીની તારીખ, ક્વોટામાં “તત્કાલ” પસંદ કરો અને “search” બટન પર ક્લિક કરો.
ટ્રેન પસંદ કરો
તમે પસંદ કરેલ સ્ટેશન પર ઉપલબ્ધ ટ્રેનોની યાદી દેખાશે. કઈ ટ્રેનમાં સીટો ઉપલબ્ધ છે અને કઈ તમારી જરૂરિયાત મુજબ છે તે પસંદ કરો.
તમારી વિગતો ભરો
- મુસાફરનું નામ, ઉંમર, લિંગ વગેરે ભરો.
- આધાર નંબર દાખલ કરવો જરૂરી છે, જો તમારું એકાઉન્ટ આધાર સાથે લિંક થયેલ હોય, તો બુકિંગને પ્રાથમિકતા આપવામાં આવે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
સીટ અને કોચ પસંદ કરો
ઉપલબ્ધ બર્થ/કોચમાંથી પસંદ કરો (જો વિકલ્પ હોય તો). તેનો કેપ્ચા કોડ અને મોબાઇલ નંબર દાખલ કરો. કેપ્ચા યોગ્ય રીતે ભરો. મોબાઇલ નંબર ભરો.
પેમેન્ટ કરો
ડેબિટ/ક્રેડિટ કાર્ડ, UPI, નેટ બેંકિંગ અથવા અન્ય ઉપલબ્ધ વિકલ્પો દ્વારા ચુકવણી કરો. ટિકિટ કન્ફર્મેશન મેળવો. ચુકવણી સફળ થતાં જ ટિકિટ બુક થઈ જશે. તમે તેને ડાઉનલોડ કરી શકો છો. તમને ઇમેઇલ અથવા SMS દ્વારા પણ ટિકિટની માહિતી મળશે.
