તમારે સરકારી કામ કરાવવું હોય કે પછી પ્રાઇવેટ કામ કરાવવું હોય, એના માટે તમારે ઘણા અલગ-અલગ પ્રકારના દસ્તાવેજોની જરૂર પડે છે. આમાંથી જ એજ દસ્તાવેજ તમારું આધાર કાર્ડ છે.
જો તમારી પાસે આધાર કાર્ડ નથી કે આમાં કોઈ ભૂલ છે તો તમારું કામ અટકી શકે છે. એટલા માટે જરૂરી છે કે તમે પોતાના આધાર કાર્ડને અપડેટ કરાવી લો.
આની માટે તમે બાયોમેટ્રિક અને ડેમોગ્રાફીક માહિતી અપડેટ કરાવી શકો છો, પરંતુ શું તમને ખબર છે કે જે લોકોને આધાર કાર્ડ 10 વર્ષ જૂનું થઈ ગયું છે તેમને 14 જૂન 2025 સુધી પોતાના આધારને અપડેટ કરાવવાનું હોય છે?
આ જરૂરી છે અને અત્યારે આ ફ્રી છે. શક્ય છે કે છેલ્લી તારીખ બાદ તમારે ફી ચૂકવવી પડી શકે. તો ચાલો જાણીએ કે તમે કેવી રીતે આધાર કાર્ડ અપડેટ કરાવી શકો છો.
આધાર કાર્ડને અપડેટ કેવી રીતે કરાવવું?
જો તમે પોતાના 10 વર્ષ જૂના આધાર કાર્ડને હજુ સુધી અપડેટ નથી કરાવ્યું તો તમે જલ્દીથી અપડેટ કરાવી લો. તેની માટે નીચે આપેલા સ્ટેપ્સ ફોલો કરો.
સ્ટેપ 1: આધાર કાર્ડને ઓનલાઇન અપડેટ કરવા માટે, પહેલા UIDAI ની સત્તાવાર વેબસાઈટ (uidai.gov.in) પર જાઓ. આ પછી તમારી પસંદગીની ભાષા પસંદ કરો.
સ્ટેપ 2: હવે માય આધાર ટેબ પર ક્લિક કરો અને ડ્રોપડાઉન મેનૂમાંથી ‘અપડેટ યોર આધાર’ વિકલ્પ પસંદ કરો.
સ્ટેપ 3: આ પછી તમને ‘અપડેટ આધાર વિગતો (ઓનલાઈન)’ પેજ પર રીડાયરેક્ટ કરવામાં આવશે. અહીં ‘અપડેટ ડોક્યુમેન્ટ’ પર ક્લિક કરો અને તમારો આધાર નંબર અને કેપ્ચા કોડ દાખલ કરો અને OTP માટે ‘સેન્ડ OTP’ પર ક્લિક કરો.
સ્ટેપ 4: OTP દાખલ કર્યા પછી, ‘લોગિન’ પર ક્લિક કરો અને તમે અપડેટ કરવા માંગો છો તે વસ્તી વિષયક વિગતો (નામ, સરનામું, જન્મ તારીખ, વગેરે) પસંદ કરો અને નવી માહિતી યોગ્ય રીતે ભરો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
સ્ટેપ 5: હવે ‘સબમિટ’ પર ક્લિક કરો અને તમારી અપડેટ વિનંતી માટે જરૂરી દસ્તાવેજોની સ્કેન કરેલી કૉપિ અપલોડ કરો અને ‘સબમિટ અપડેટ વિનંતી’ પર ક્લિક કરો. છેલ્લે તમને તમારી વિનંતીની સ્થિતિ ટ્રૅક કરવા માટે SMS દ્વારા અપડેટ વિનંતી નંબર (URN) પ્રાપ્ત થશે.
સ્ટેપ 6: આ URN નંબરને સાચવી લેવો. તમે આ નંબરની મદદથી જ ચેક કરી શકશો કે તમારું આધાર કાર્ડ અપડેટ થયું છે કે નહિ.
ધ્યાન રાખવું કે 14 જૂન સુધી પોતાના 10 વર્ષ જુના આધાર કાર્ડને અપડેટ કરાવી લેવું.
