8મું પગાર પંચ લગભગ 35 લાખ કેન્દ્રીય કર્મચારીઓ અને 67 લાખથી વધુ પેન્શન મેળવનારાઓ માટે ચર્ચાનો મુખ્ય વિષય બની ગયો છે. શક્ય પગાર વધારો અને પેન્શન અંગે વધી રહેલી ચર્ચા વચ્ચે હવે લોકોના દિલમાં આશાઓ વધુ મજબૂત બની રહી છે.
અત્યાર સુધી સરકાર તરફથી આ અંગે કોઈ સત્તાવાર જાહેરાત કરવામાં આવી નથી કે 8મો પગાર પંચ ક્યારે રચાશે. પરંતુ ઘણા કર્મચારી સંઘો એ આ વિલંબને લઈને ચિંતાનું પ્રવર્તન વ્યક્ત કર્યું છે અને સરકારને વિનંતી કરી છે કે સમયસર આ સુનિશ્ચિત કરે અને કર્મચારીઓ તથા પેન્શન મેળવનારાઓ માટે અનિશ્ચિતતાને દૂર કરવા માટે પંચનું ઘડતર સમય પહેલાં જ કરવામાં આવે.
જાન્યુઆરી 2016માં લાગુ પડેલું 7મું પગાર પંચ લગભગ બે વર્ષ પહેલાં, ફેબ્રુઆરી 2014માં જાહેર કરવામાં આવ્યું હતું. જોકે, 2025ના મધ્યભાગ સુધી 8મો પગાર પંચ હજી રચવાનું બાકી છે.
જાન્યુઆરી 2026 પછી લાગુ થઈ શકે છે
મીડિયા રિપોર્ટ્સ અનુસાર, આ મુદ્દે ઝડપી ચર્ચા ચાલી રહી છે, પણ તેનો અમલ 1 જાન્યુઆરી 2026 પછી થઈ શકે છે. હજી પણ તેમાં ઘણો સમય લાગશે. ભલે આ વર્ષના અંત સુધીમાં પંચની જાહેરાત થઈ જાય, પરંતુ તે લાગુ કરવામાં સમય લાગશે. પણ શું તમે જાણો છો કે તેમાં કયો ફિટમેન્ટ ફેક્ટર લાગુ પડી શકે?
મોટો ભાગ ફિટમેન્ટ ફેક્ટર પર નિર્ભર છે
તેનો મોટો ભાગ ફિટમેન્ટ ફેક્ટર પર આધારિત છે. ફિટમેન્ટ ફેક્ટર એ છે, જેનો ઉપયોગ કર્મચારીના મૂળ પગાર માટે થાય છે. 7મો પગાર પંચ 2.57 ફિટમેન્ટ ફેક્ટર પર નક્કી કરાયું હતું, જેના કારણે ઓછામાં ઓછો પગાર 7,000 રૂપિયાથી વધારીને 18,000 રૂપિયા કરવામાં અઆવ્યો હતો.
મીડિયા રિપોર્ટ્સ મુજબ, 8મો પગાર પંચ 2.5 થી 2.86 વચ્ચેના ફિટમેન્ટ ફેક્ટર ની ભલામણ કરી શકે છે. જો 2.86 ફિટમેન્ટ ફેક્ટર લાગુ કરવામાં આવે તો ઓછામાં ઓછો બેસિક પગાર 51,000 રૂપિયા કરતાં વધુ થઈ શકે છે.
7મા પગાર પંચ માટે ફિટમેન્ટ ફેક્ટર 2.57 હતું અને ઓછામાં ઓછો મૂળ પગાર 7,000 રૂપિયાથી વધારીને 18,000 રૂપિયા કરવામાં આવ્યું હતું. 6મા પગાર પંચ માટે ફિટમેન્ટ ફેક્ટર 1.86 હતું અને ઓછામાં ઓછો મૂળ પગાર 2,750 રૂપિયાથી વધારીને 7,000 રૂપિયા કરવામાં આવ્યું હતું.
પેન્શન મેળવનારાઓને કેટલો લાભ મળશે?
8મો પગાર પંચ લાગુ થવાને માટે માત્ર પગાર મેળવનારા કર્મચારીઓ જ રાહ જોઈ રહ્યા નથી, પરંતુ પેન્શન મેળવનારાઓ પણ રાહ જોઈ રહ્યા છે. આથી 67 લાખ સરકારી પેન્શન મેળવનારા લોકો ઉપર તેની અસર થશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
અગાઉના પગાર પંચો પછી પેન્શનની રચનામાં ફેરફાર કરાયો હતો અને આ વખતે પણ ફેરફારની અપેક્ષા છે. 8મું પગાર પંચ લાગુ થવાની આતુરતાથી રાહ જોતાં કર્મચારીઓ અને પેન્શનરો બંને માટે આશાનું કિરણ છે.
જો આ વખતે ઉંચો ફિટમેન્ટ ફેક્ટર લાગુ થાય તો પગાર અને પેન્શનમાં મોટી વૃદ્ધિ શક્ય છે. હાલ સરકાર તરફથી સત્તાવાર જાહેરાત ભલે નથી આવી , પરંતુ ચર્ચાઓ જોર પર છે.
