કેન્દ્ર સરકારે એમ્પ્લોઈ પ્રોવિડન્ટ ફંડ ઓર્ગેનાઈઝેશન માટે એક આદેશ જાહેર કર્યો છે. જેમાં UAN એક્ટિવેશન માટે આધાર કાર્ડ બેસ્ડ OTPને ફરજિયાત કરવા કહેવાયું છે.
કેન્દ્ર સરકારે કર્મચારી ભવિષ્ય નિધિ સંગઠન EPFO માટે એક આદેશ જાહેર કર્યો છે. જેમાં કેન્દ્ર સરકારે કર્મચારીઓના UAN (યુનિવર્સલ એકાઉન્ટ નંબર)ને એક્ટિવ કરવા આધાર કાર્ડ આધારિત OTP ફરજિયાત કરવા જણાવ્યું છે.
આ OTP દ્વારા UAN એક્ટિવેટ કર્યા બાદ કર્મચારીઓ સરળતાથી EPFOની કોમ્પ્રેહેન્સિવ ઓનલાઈન સર્વિસનો લાભ લઈ શકશે.
એમ્પલોયર્સ અને એમ્પ્લોઈને ELIથી ફાયદો મળી શકે તે માટે શ્રમ મંત્રાલયે કેન્દ્રીય બજેટ 2025માં જાહેર કરેલા વાયદાને પૂર્ણ કરવા માટે કામ કરી રહ્યું છે.
આ માટે શ્રમ અને રોજગાર મંત્રાલયે EPFOને કેમ્પેઈન મોડમાં કામ કરવા કહ્યું છે જેથી તેઓ કર્મચારીઓના UANને એક્ટિવેટ કરી શકે.
એમ્પ્લોઈઝને થશે ફાયદો
OTP આધારિત UAN એક્ટિવેશનની સાથે જ કર્મચારી કારગર રીતે પોતાના પબ્લિક ફંડ એકાઉન્ટ્સને મેનેજ કરી શકે છે.
તેમાં PF પાસબુક ડાઉનલોડ કરી શકો છો અને પૈસા ઉપાડવા માટે ઑનલાઇન ક્લેમ, એડવાન્સ અને ફંડ ટ્રાન્સફરની સાથે પર્સનલ ડિટેલ્સ આસાનીથી અપડેટ કરી શકો છો. તમે ઓનલાઈન ક્લેમને રિયલટાઈમ અપડેટ પણ કરી શકો છો.
EPFO સર્વિસિઝ મારફતે કર્મચારીઓને 24-કલાક સર્વિસનું ઍક્સેસ મળે છે જેને ઘરેથી પણ અપડેટ કરી શકાય છે. જેથી તેમને EPFO ઓફિસ જવાની જરૂર પણ નહીં પડે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
EPFO તેની રીચ વધારવા માટે ઝોનલ અને રીઝનલ કચેરીઓમાં તેનો અમલ કરશે. પછી બીજા તબક્કામાં UAN એક્ટિવેશનમાં બાયોમેટ્રિક ઓથેન્ટિકેશનને પણ સામેલ કરવામાં આવશે, જે ફેસ રિકોગ્નિશેન દ્વારા પુરુ કરવામાં આવશે.
આ રીતે આધાર-બેસ્ડ OTPથી એક્ટિવેશન કરો
- સૌ પહેલા EPFO મેમ્બર પોર્ટલ પર જવુ
- Important Linksની કેટેગરીમાં Activate UAN પર ક્લિક કરવું
- પછી UAN, આધાર નંબર, નામ, જન્મ તારીખ અને આધાર લિંક કરેલ મોબાઈલ નંબર દાખલ કરવો
- કર્મચારીઓએ તે સુનિશ્ચિત કરવું કે તેમનો નંબર EPFOની ડિજિટલ સેવાઓની સીરીઝ સુધી પહોંચવા માટે આધાર કાર્ડથી જોડાયેલ હોય.
- પછી આધાર OTP વેલિડેશન માટે પરમિશન આપવી
- બાદમાં તમારા આધાર સાથે લિંક કરેલ મોબાઇલ નંબર પર OTP મેળવવા માટે “Get Authorization PIN” પર ક્લિક કરો.
- એક્ટિવેશન પૂર્ણ કરવા માટે OTP દાખલ કરો
- સફળ એક્ટિવેશન થવા પર તમારા રજિસ્ટર્ડ મોબાઇલ નંબર પર પાસવર્ડ મોકલવામાં આવશે.
