ભારતમાં ઘરેણાં પ્રત્યે ખાસ લગાવ જોવા મળે છે, પરંતુ તેની સંભાળ પણ એટલું જ મહત્વનું છે. ચાંદીના ઘરેણાં પર કાળાશ ચઢવાથી તે જૂના લાગવા લાગે છે. તેને સાફ કરવા માટે સોની પાસે જવું પડે છે.
જો તમારા ઘરેણાં કાળા પડી ગયા છે અને જૂના દેખાવા લાગ્યા છે, તો તમે ઘરમાં જ કેટલાક સિમ્પલ હેક્સ અજમાવી શકો છો, જે તમારા ઘરેણાંઓને થોડી જ વારમાં નવા જેવા બનાવી દેશે.
જો ઘરેણાંઓને યોગ્ય રીતે કવર કરીને સ્ટોર ન કરવામાં આવે, તો પણ તેમાં કાળાશ આવી શકે છે. આ ઉપરાંત ચાંદીના ઘરેણાં કાળા પડવા પાછળ અન્ય પણ ઘણા કારણો છે, જેમ કે હવામાં રહેલા સલ્ફર અને ઑક્સિજન સાથે ચાંદીની રાસાયણિક પ્રતિક્રિયા થાય છે, જેને ઑક્સિડેશન પ્રોસેસ કહે છે. ખારું પાણી અથવા ક્લોરીનવાળું પાણી પણ ચાંદીના ઘરેણાંની ચમક ઓછી કરી દે છે.
ચાંદીના ઘરેણાં કાળા પડવાના કારણો
ગરમીમાં ઘણા લોકોને ખાસ કરીને ચાંદીના ઘરેણાં કાળા પડવાની ફરિયાદ રહે છે. કારણ કે આ મોસમમાં ત્વચા પરથી આવતા તેલ અને પસીનાના કારણે ઘરેણાંઓ કાળા પડી શકે છે.
આ ઉપરાંત પર્ફ્યૂમ અથવા બ્યૂટી પ્રોડક્ટ્સના ઉપયોગથી પણ ઘરેણાં પર કાળાશ આવી શકે છે. હવે જાણી લો કે કેવી રીતે તમે ઘરમાં જ ચાંદીના ઘરેણાંઓને ઝડપી સાફ કરી ને નવા જેવા બનાવી શકો છો.
લીંબુથી ઘરેણાં સાફ કરો
- ચાંદીના ઘરેણાં સાફ કરવા માટે તમે લીંબુનો ઉપયોગ કરી શકો છો.
- લીંબુના રસમાં મીઠું મિક્સ કરીને પેસ્ટ બનાવી લો અને તેને ઘરેણાં પર લગાવીને લગભગ 20 મિનિટ સુધી રાખો.
- ત્યારબાદ ફરીથી થોડો લીંબુનો રસ લગાવીને નરમ બ્રશ વડે ઘરેણાં સાફ કરો અને ધોઈને નરમ કપડાથી પાણી લૂંછી દો.
બેકિંગ સોડાનું ઉપયોગ કરો
- તમે બેકિંગ સોડાથી પણ ઘરેણાં સાફ કરી શકો છો.
- તેના માટે એક કપ સફેદ વિનેગરમાં બેકિંગ સોડા ઉમેરી દો અને તેમાં તમારા ઘરેણાં ભીંજવી દો.
- આમ ઘરેણાં પર જમેલી ગંદકી આપમેળે સાફ થઈ જશે અને ઘરેણાં ફરીથી ચમકવા લાગશે.
- તમે ઇચ્છો તો નરમ બ્રશ વડે પણ ઘરેણાં સાફ કરી શકો છો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
એલ્યુમિનિયમ ફોઈલ અને ગરમ પાણીનો ઉપયોગ
- ચાંદીના ઘરેણાં સાફ કરવા માટે પાણી ગરમ કરો.
- પછી એલ્યુમિનિયમ ફોઇલના નાના-નાના ટુકડા બનાવી પાણીમાં નાખો.
- ત્યારબાદ તેમાં બેકિંગ સોડા ઉમેરો અને ચાંદીના ઘરેણાં તેમાં ભીંજવો.
- ઓછામાં ઓછા વીસ મિનિટ પછી તેને કાઢી નરમ બ્રશથી હળવા હાથથી સાફ કરો.
આ ભૂલો ન કરો
- ચાંદીના ઘરેણાં સાફ કરતી વખતે સખત બ્રશ કે સ્ક્રબ પેડનો ઉપયોગ ન કરો, તેનાથી ઘરેણાં પર તીરડો પડી શકે છે. હાઇડ્રોક્લોરિક એસિડ જેવા હાર્ડ કેમિકલનો ઉપયોગ પણ ન કરો.
- ખુબજ ગરમ પાણીમાં ઘરેણાં ઉકાળો નહીં, તેનાથી ઘરેણાંનો આકાર અને ડિઝાઇન બગડી શકે છે.
