દેશની સૌથી મોટી ખાનગી ક્ષેત્રની બેંક HDFCએ તહેવારોની સિઝન પહેલા રાહતને બદલે આંચકો આપ્યો છે. HDFC બેંકે હોમ લોન, કાર લોન તમામ મોંઘી કરી દીધી. બેંકે ફરી એકવાર વ્યાજદરમાં વધારો કરીને સામાન્ય જનતા પર મોંઘવારીનો બોજ વધાર્યો છે.
દેશની સૌથી મોટી ખાનગી ક્ષેત્રની બેંક HDFCએ તહેવારોની સિઝન પહેલા રાહતને બદલે આંચકો આપ્યો છે. HDFC બેંકે હોમ લોન, કાર લોન તમામ મોંઘી કરી દીધી.
બેંકે ફરી એકવાર વ્યાજદરમાં વધારો કરીને સામાન્ય જનતા પર મોંઘવારીનો બોજ વધાર્યો છે. બેંકે કેટલીક મુદતની લોન પર MCLR દરમાં વધારો કર્યો છે.
આ જાહેરાત બાદ સૌથી મોટો આંચકો એવા લોકોને લાગ્યો છે જેઓ દશેરા અને દિવાળી પર ઘર કે કાર ખરીદવાનું પ્લાનિંગ કરી રહ્યા હતા. જે લોકોએ HDFC પાસેથી લોન લીધી છે, તેમની EMI વ્યાજ દરોમાં વધારાને કારણે વધશે.
લોન કેટલી મોંઘી થઈ?
લોકો રાહ જોઈ રહ્યા હતા કે RBI વ્યાજ દરમાં ઘટાડો કરીને તેમને રાહત આપે, પરંતુ તે પહેલા HDFC બેંકે લોકોને આંચકો આપ્યો. બેંકે તેના લોનના દરમાં વધારો કરવાની જાહેરાત કરી છે.
HDFC બેંકે બે મુદતવાળી લોન માટે માર્જિનલ કોસ્ટ ઓફ ફંડ્સ-બેઝ્ડ લેન્ડિંગ રેટ્સ (MCLR)માં 5 બેસિસ પોઈન્ટ્સ (bps) સુધીનો વધારો કરવાની જાહેરાત કરી છે. બેંકના નવા વ્યાજ દર 7 ઓક્ટોબર, 2024થી લાગુ થઈ ગયા છે.
EMI કેટલી વધશે?
HDFC બેંકે 6 મહિના અને 3 વર્ષની મુદતવાળી લોન પરના વ્યાજ દરમાં 5bpsનો વધારો કર્યો છે. બેંક દ્વારા . 6 મહિનાના સમયગાળા માટે લોન પર વ્યાજ દર 9.40% થી વધારીને 9.45% કરવામાં આવ્યો છે.
જ્યારે ત્રણ વર્ષના સમયગાળા માટે તે 9.45 થી વધારીને 9.50% કરવામાં આવ્યો છે. બાકીના વ્યાજ દરો યથાવત રાખવામાં આવ્યા હતા.
આ વધારા બાદ બેંકના ઓવરનાઈટ રેટ 9.10 ટકા, 1 મહિનાનો MCLR 9.15 ટકા, ત્રણ મહિનાનો વ્યાજ દર 9.30 ટકા, 1 વર્ષનો વ્યાજ દર 9.45 ટકા, બે વર્ષનો વ્યાજ દર 9.45 ટકા થશે.
