ભારતમાં સરકારી અને પ્રાઇવેટ નોકરી કરતા લગભગ દરેક લોકો પાસે પીએફ એકાઉન્ટ હોય છે. આ પીએફ એકાઉન્ટ્સનું સંચાલન એમ્પ્લોયી પ્રોવિડન્ટ ફંડ ઓર્ગેનાઈઝેશન એટલે કે EPFO દ્વારા કરવામાં આવે છે.
તેને બચત સ્કીમ તરીકે પણ જોવામાં આવે છે. જેમાં દર મહિને કર્મચારીના પગારમાંથી 12% આ ખાતામાં જમા થાય છે. તો કંપની દ્વારા પણ એટલી જ રકમ એડ કરવામાં આવે છે.
આ પીએફ એકાઉન્ટમાં જમા થયેલ પૈસાનો ઉપયોગ તમે ગમે ત્યારે કરી શકો છો. જો તમે 10 વર્ષથી વધુ સમય માટે EPFOમાં યોગદાન આપો છો તો તમે પેન્શન મેળવવા માટે પણ હકદાર બનો છો.
પરંતુ તમે તેમાંથી ચોક્કસ મર્યાદા કરતાં વધુ રકમ ઉપાડો છો તો તમને પેન્શન મળતું નથી. અમે તમને જણાવીશું કે પેન્શનને લઈને EPFOના નિયમો શું છે, કેટલા પૈસા ઉપાડ્યા બાદ પેન્શન મળતું નથી.
બધી રકમ ઉપાડી લીધા બાદ પેન્શન નથી મળતું
પગારના 12 ટકા પીએફ ખાતાધારકોના એકાઉન્ટમાં જમા થાય છે. એમ્પ્લોયર એટલે કે કંપની દ્વારા તેમના પીએફ ખાતામાં એટલી જ રકમ જમા કરવામાં આવે છે.
તેમાંથી 8.33 ટકા પેન્શન ફંડમાં જાય છે એટલે કે પીએફ ખાતાધારકના EPSમાં અને બાકીની 3.67 ટકા રકમ પીએફ એકાઉન્ટમાં જાય છે.
જો કોઈપણ PF ખાતાધારક 10 વર્ષ માટે પીએફ ખાતામાં યોગદાન આપે છે તો તે પેન્શન મેળવવા માટે હકદાર બને છે. જો તે નોકરી છોડી દે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
કોઈપણ કારણસર તે પીએફ ખાતામાં પડેલા બધા પૈસા ઉપાડી લે અને તેનું EPS ફંડ અકબંધ હોય તો તેને પેન્શન મળે છે. પરંતુ જો તે PF ખાતામાંથી પૈસાની સાથે EPSની આખી રકમ ઉપાડી લેવામાં આવે તો તેને પેન્શન મળતું નથી.
ક્યાં પીએફ એકાઉન્ટ હોલ્ડર્સને મળે છે પેન્શન?
એમ્પ્લોઈઝ પ્રોવિડન્ટ ફંડ ઓર્ગેનાઈઝેશન એટલે કે ઈપીએફઓ દ્વારા નિર્ધારિત નિયમ મુજબ જો કોઈ કર્મચારી 10 વર્ષ સુધી પીએફ એકાઉન્ટમાં પૈસા જમા કરાવે છે, તો પછી તે પેન્શન મેળવવા માટે હકદાર બને છે. તે કર્મચારી 50 વર્ષની ઉંમર બાદ પેન્શનનો દાવો કરી શકે છે.
