PF Balance Without UAN: ભારતમાં ઘણા નોકરી કરતા લોકો છે. દરેક વ્યક્તિ પાસે પીએફ ખાતું હોય છે. કર્મચારીઓના પગારના 12 ટકા ભાગ પીએફ ખાતામાં જમા થાય છે અને કંપની એટલે કે નોકરીદાતા દ્ધારા પણ સમાન યોગદાન આપવામાં આવે છે.
પીએફ ખાતામાં જમા થયેલી રકમ પર ભારત સરકાર દ્વારા વ્યાજ આપવાની પણ જોગવાઈ છે. આ ખાતું એક રીતે બચત ખાતા તરીકે કામ કરે છે. જો તમને કોઈ કામ માટે પૈસાની જરૂર હોય તો તમે તમારા આ પીએફ ખાતામાંથી પણ પૈસા ઉપાડી શકો છો.
ઘણી વખત લોકોને ખબર નથી હોતી કે તેમના પીએફ ખાતામાં કેટલું બેલેન્સ છે. રકમ તેમના ખાતામાં જઈ રહી છે કે નહીં. જો તમને તમારો UAN નંબર ખબર નથી અને તમે તમારા PF ખાતામાં બેલેન્સ જાણવા માંગો છો તો આ રીતે તમે શોધી શકો છો.
મેસેજ દ્ધારા જાણી શકો છો
જો તમને તમારા પીએફ ખાતા સાથે જોડાયેલ UAN નંબર ખબર નથી તો તમારે ચિંતા કરવાની જરૂર નથી. તમે UAN નંબર વગર પણ તમારા PF એકાઉન્ટ બેલેન્સ ચકાસી શકો છો. આ માટે તમારે તમારા રજિસ્ટર્ડ મોબાઇલ નંબર પરથી 7738299899 પર મેસેજ મોકલવાનો રહેશે.
અંગ્રેજીમાં જાણવા માટે તમારે “EPFOHO UAN ENG” લખવું પડશે. અન્ય કોઈપણ ભાષામાં અપડેટ કરવા માટે તમારે છેલ્લા ત્રણ અક્ષરો બદલવા પડશે. ઉદાહરણ તરીકે હિન્દી માટે તમારે “EPFOHO UAN HIN” લખીને મોકલવું પડશે. મરાઠી માટે તમારે “EPFOHO UAN MAR” લખીને મોકલવાનું રહેશે.
તમે મિસ્ડ કોલ દ્ધારા પણ જાણી શકો છો
મેસેજ મોકલવા ઉપરાંત તમે મિસ્ડ કોલ દ્વારા તમારા પીએફ એકાઉન્ટ બેલેન્સ પણ ચકાસી શકો છો. આ માટે તમારે તમારા પીએફ ખાતામાં નોંધાયેલા મોબાઇલ નંબર પરથી EPFO ફોન નંબર પર મિસ્ડ કોલ આપવો પડશે.
તમારે તમારા રજિસ્ટર્ડ મોબાઇલ નંબર પરથી 996604442 ડાયલ કરવાનો રહેશે. આ પછી તમારો કોલ આપમેળે ડિસ્કનેક્ટ થઈ જશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
અને તમારા પીએફ ખાતાના બેલેન્સ સંબંધિત બધી માહિતી તમને મેસેજ દ્વારા મોકલવામાં આવશે. આ સેવા માટે તમારી પાસેથી કોઈ ફી લેવામાં આવશે નહીં. જોકે તમે આ સેવાનો લાભ ત્યારે જ મેળવી શકશો.
જ્યારે તમારુ આધાર અને PAN કાર્ડ લિંક થાય છે ત્યારે તમારો UAN એક્ટિવ થઈ જાય છે. અને જો તમે રજિસ્ટર્ડ નંબર પરથી ફોન કરશો અથવા મેસેજ મોકલશો તો જ તમને માહિતી મળશે.
