માણસમાં 40 વર્ષ બાદ શરીરમાં ઘણા ફેરફારો થાય છે, જે સાંધાનો દુખાવો, હૃદય રોગનું જોખમ અને હોર્મોનલ ઈમબેલેન્સ જેવી સ્વાસ્થ્ય સમસ્યાઓનું કારણ બની શકે છે.
આ સ્થિતિમાં 40 વર્ષની ઉંમર બાદ વ્યક્તિએ પોતાના સ્વાસ્થ્ય પર ખાસ ધ્યાન આપવાની જરૂર હોય છે. જેથી અમે તમને જણાવીશું કે વધતી ઉંમર સાથે વ્યક્તિએ કઈ આદતો અપનાવવી જોઈએ.
દરરોજ કસરત
ઉંમર વધવાની સાથે દરરોજ કસરત કરવી ખૂબ જ મહત્વપૂર્ણ હોય છે. તે હૃદયરોગ, સ્ટ્રોક અને ટાઇપ 2 ડાયાબિટીસ જેવી બીમારીનું જોખમ ઘટાડે છે. એના માટે તમે યોગ, રનિંગ, સ્વિમિંગ, વેઇટ લિફ્ટિંગ અથવા જીમ કરી શકો છો.
સ્નાયુઓને મજબૂત બનાવવા
જેમ જેમ તમારી ઉંમર વધે છે તેમ તેમ સ્નાયુઓને મજબૂત બનાવવા માટે વેટ લિફ્ટિંગ કે રેજિસ્ટેન્સ બેન્ડનો ઉપયોગ કરવો જોઈએ. ઉંમર વધવાની સાથે સ્નાયુઓ મજબૂત રાખવાથી પડી જવાનું જોખમ ઓછું થાય છે, બેલેન્સ સારું રહે છે અને લાઇફની ક્વોલિટી સુધરે છે.
ફ્લેક્સિબ્લિટી જાળવી રાખો
જેમ જેમ ઉંમર વધે છે તેમ શરીરની ફ્લેક્સિબ્લિટી મહત્વપૂર્ણ બને છે. તે ઇજાઓ અટકાવવામાં મદદ કરે છે, ફ્લેક્સિબ્લિટીથી દૈનિક કાર્યો પણ સરળ બને છે. આથી શરીરમાં ફ્લેક્સિબ્લિટી લાવવા માટે દરરોજ સ્ટ્રેચિંગ કરવું જોઈએ.
શરીરને એક્ટિવ રાખો
વધતી ઉમંર સાથે શરીર સુસ્ત બને છે વધુ ચાલવાનું ગમતું નથી. જેના કારણે અનેક સ્વાસ્થ્ય સમસ્યાઓ થઈ શકે છે. આ સ્થિતિમાં વધતી ઉંમર સાથે શરીરને સક્રિય રાખવું મહત્વપૂર્ણ હોય છે. એના માટે દરરોજ ઓછામાં ઓછી 30 મિનિટ હળવી કસરત કરો, જેમ કે ચાલવું, યોગા અથવા એરોબિક્સ.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
સંતુલિત આહાર
જેમ જેમ તમે ઉંમરમાં મોટા થાઓ છો તેમ તેમ તમારે તમારા આહાર પર ખાસ ધ્યાન આપવું જોઈએ. ફળો, શાકભાજી, અનાજ તેમજ ફાઇબર, પ્રોટીનથી ભરપૂર ખોરાક લેવો જોઈએ.
ઊંઘ અને સ્ટ્રેસ
સ્વસ્થ રહેવા માટે ઊંઘ ખૂબ જ મહત્વપૂર્ણ હોય છે અને વધતી ઉંમર સાથે, ઊંઘ ન આવવી એક સમસ્યા બની શકે છે. આથી દરરોજ રાત્રે 7 થી 8 કલાક સૂવાનો પ્રયાસ કરો. સ્ટ્રેસ ઓછો કરો. સ્ટ્રેસ ઘટાડવા માટે, ધ્યાન, યોગ અને હોબીઝ પર ફોકસ કરવું જોઈએ. તમે પરિવાર અથવા મિત્રો સાથે સમય પસાર કરવાનો પણ પ્રયાસ કરી શકો છો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
