કેન્સર અલગ અલગ પ્રકારના હોય છે. જેમાંનું એક છે ઓરલ કેન્સર. મોઢાના કેન્સરના લક્ષણો વ્યક્તિએ વ્યક્તિએ અલગ અલગ હોઈ શકે છે. કોઈ એક ચોક્કસ લક્ષણના આધારે એવું ન કહી શકાય કે તેમને મોઢાનું કેન્સર છે.
જો કોઈ વ્યક્તિના મોંમાં લાંબા સમયથી ચાંદા હોય જે રૂઝાતા ન હોય, ગાંઠ કે જાડાપાણુ, સફેદ કે લાલ ડાઘ હોય, અથવા ચાવવામાં/ગળવામાં મુશ્કેલી હોય તો તે મોઢાના કેન્સરનું લક્ષણ હોઈ શકે છે.
આવી સ્થિતિમાં વ્યક્તિએ સમય બગાડ્યા વગર તરત જ ડૉક્ટરનો સંપર્ક કરવો જોઈએ. મોઢાના કેન્સરના સંભવિત ચિહ્નો અને લક્ષણો વિશે કેટલીક વિગતવાર માહિતી તમને અહીંયા જણાવીશું.
શું છે મોઢાનું કેન્સર?
મોઢાનું કેન્સર તમારા હોઠ કે મોંમાં એક સામાન્ય સમસ્યા જેવું લાગી શકે છે. જેમ કે સફેદ ડાઘ અથવા ઘા જેનાથી લોહી નીકળે છે. સામાન્ય સમસ્યા અને સંભવિત કેન્સર વચ્ચેનો તફાવત એ છે કે આ ફેરફારો દૂર નથી થતા.
જો તેની સારવાર ન કરવામાં આવે તો તેથી મોઢાનું કેન્સર તમારા મોં અને ગળામાંથી તમારા માથા અને ગરદનના અન્ય ભાગોમાં ફેલાઈ શકે છે. ઓરલ કેવિટી કેન્સરવાળા લગભગ 63% લોકો નિદાન બાદ પાંચ વર્ષ સુધી જીવિત રહે છે.
મોઢાનું કેન્સર તમારા મોં અને ઓરોફરીનક્સને અસર કરી શકે છે. તમારા ઓરોફરીનક્સમાં તમારી જીભના ભાગો, તાળવુ અને તમારા ગળાના મધ્ય ભાગનો સમાવેશ થાય છે જે જ્યારે તમે તમારું મોં સંપૂર્ણ ખોલો છો ત્યારે દેખાય છે. તમારા ઓરોફરીનક્સમાં કેન્સરને ઓરોફેરીન્જિયલ કેન્સર કહેવામાં આવે છે
ઓરલ કેન્સરના સંભવિત સંકેત અને લક્ષણો
ચાંદા કે અલ્સર: હોઠ કે મોં પરના ચાંદા જે થોડા અઠવાડિયામાં રૂઝાતા નથી.
ગાંઠ અથવા જાડાપણુ : હોઠ, મોં અથવા ગાલમાં ગઠ્ઠો અથવા જાડાપણુ
લાલ કે સફેદ ડાઘ: પેઢા, જીભ, કાકડા અથવા મોંના સ્તર પર સફેદ કે લાલ ડાઘ.
ચાવવામાં, ગળવા અથવા બોલવામાં મુશ્કેલી: ચાવવામાં, ગળવા અથવા જડબા કે જીભને હલાવવામાં મુશ્કેલી.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
સુન્નતા અથવા દુખાવો: જીભ, હોઠ અથવા મોંના અન્ય કોઈપણ ભાગમાં સુન્નતા અથવા દુખાવો જે દૂર થતો નથી.
ઢીલા દાંત : દાંત ઢીલા પડવા અથવા દાંતની આસપાસ દુખાવો થવો. જડબામાં સોજો અથવા દુખાવો
અવાજમાં ફેરફાર: કર્કશ અવાજ અથવા અવાજમાં અન્ય ફેરફાર.
ગરદનમાં ગાંઠ: ગરદન અથવા ગળાના પાછળના ભાગમાં ગાંઠ અથવા દ્રવ્યમાન
વજન ઘટવું: કોઈ પણ કારણ વગર વજન ઘટવું.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
