માર્ગ પરિવહન મંત્રાલયની યોજના મુજબ 20 વર્ષથી વધુ જૂના ટુ-વ્હીલરના રજીસ્ટ્રેશનને રિન્યુ કરવા માટે 2000 રૂપિયા ચૂકવવા પડશે. તેમ જ 20 વર્ષથી જૂની કાર માટે 10,000 રૂપિયા ખર્ચ કરવા પડશે.
તમે પણ 20 વર્ષ જૂની મોટરસાઇકલ કે કારના માલિક છો, તો આ સમાચાર ફક્ત તમારા માટે છે. સરકારે આવા વાહનોને નિયંત્રિત કરવા માટે એક નવો ડ્રાફ્ટ તૈયાર કર્યો છે.
આ હેઠળ તમારે જૂના વાહનોની ફરીથી નોંધણી કરાવવા માટે વધુ પૈસા ખર્ચવા પડશે. માર્ગ પરિવહન મંત્રાલય દ્વારા ડ્રાફ્ટ નોટિફિકેશન જારી કરવામાં આવ્યું છે.
માર્ગ પરિવહન મંત્રાલયની યોજના મુજબ તમારી પાસે 20 વર્ષથી વધુ જૂનું ટુ-વ્હીલર છે, તો તમારે તેનું રજીસ્ટ્રેશન રિન્યુ કરવા માટે 2000 રૂપિયા ચૂકવવા પડશે. 20 વર્ષથી જૂની કાર માટે 10,000 રૂપિયા ખર્ચ કરવા પડશે. તેમજ ત્રણ પૈડાવાળા વાહનો માટે 5000 રૂપિયા વસૂલવામાં આવશે.
કોમર્શિયલ વાહનો પર પણ ખિસ્સા ઢીલા થશે
સરકારે જૂના વાણિજ્યિક વાહનોને નિયંત્રિત કરવાની પણ વ્યવસ્થા કરી છે. આ ડ્રાફ્ટ મુજબ 15 વર્ષથી વધુ જૂના મધ્યમ અને ભારે વાણિજ્યિક વાહનોની સંખ્યા ઘટાડવા પર પણ ધ્યાન કેન્દ્રિત કરવામાં આવ્યું છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
જો કોમર્શિયલ વાહન 15 વર્ષ જૂનું હોય, તો મધ્યમ વાહન માટે 12,000 રૂપિયા અને ભારે વાહન માટે 18,000 રૂપિયા ચૂકવવા પડશે. જો તમે 20 વર્ષ પછી નોંધણી રિન્યુ કરવા માંગતા હો, તો તમારે બમણો ખર્ચ કરવો પડશે. એટલે કે મધ્યમ કોમર્શિયલ વાહન માટે 25,000 રૂપિયા અને ભારે વાહન માટે 36,000 રૂપિયા ખર્ચ કરવા પડશે.
આ ડ્રાફ્ટ દિલ્હી સિવાય સમગ્ર દેશમાં લાગુ કરવામાં આવશે.
ખાસ વાત એ છે કે માર્ગ પરિવહન મંત્રાલય દ્વારા નક્કી કરાયેલ ડ્રાફ્ટ દિલ્હી-એનસીઆર સિવાય સમગ્ર દેશમાં લાગુ થશે. હકીકતમાં પ્રદૂષણને કારણે કોર્ટના આદેશ પર દિલ્હી-એનસીઆરમાં જૂના વાહનો પર પહેલાથી જ પ્રતિબંધ છે. અહીં 10 વર્ષ જૂના ડીઝલ વાહનો અને 15 વર્ષ જૂના પેટ્રોલ વાહનોને દૂર કરવા ફરજિયાત છે.
વાહનોની ફિટનેસ પર પણ ચાર્જ વધી શકે છે.
તમારા વાહનની ફિટનેસ કરાવવા માટે તમારે વધુ ચાર્જ પણ ચૂકવવા પડી શકે છે. મંત્રાલયે 8 થી 15 વર્ષ જૂના વાહનો માટે રૂ. 1000, 15 વર્ષથી વધુ જૂના વાહનો માટે રૂ. 2000 અને ત્રણ પૈડાવાળા વાહનો અને ભારે વાહનો માટે રૂ. 7000 થી રૂ. 25000 ની ફિટનેસ ટેસ્ટ ફીનો પ્રસ્તાવ તૈયાર કર્યો છે.
