આજની ખરાબ લાઈફસ્ટાઈલ અને વધતા પ્રદૂષણને કારણે આપણા શરીર પર ખાસ કરીને કિડની પર ખરાબ અસર થઈ રહી છે. જેના કારણે શરીરમાં યુરિક એસિડ, કિડનીમાં પથરી અને અન્ય બીમારીઓનો ખતરો વધી જાય છે.
તેને નિયંત્રિત કરવા માટે ઘરેલું ઉપચાર અસરકારક સાબિત થઈ શકે છે. કોથમીર, ફુદીનો, લસણ, આદુ અને લીંબુમાંથી બનાવેલી લીલી ચટણી આ બધી સમસ્યાઓથી રાહત અપાવવા માટે શ્રેષ્ઠ સાબિત થઈ શકે છે.
અમે લેખમાં ચટણી બનાવવા માટેની સામગ્રી, તેને બનાવવાની પદ્ધતિ અને તે તમારા શરીરને કેવી રીતે લાભ કરે છે તેના વિશે વિગતવાર વાત કરીશું.
લીલી ચટણી બનાવવા માટેની સામગ્રી
આ ચટણી બનાવવા માટે તમારે 1 કપ કોથમીર, અડધો કપ ફુદીનાના પાન, 2-3 લસણની કળી, 1 ઈંચ આદુનો ટુકડો, 1 ચમચી લીંબુનો રસ, અડધી ચમચી જીરું પાવડર, કાળું મીઠું સ્વાદ મુજબ અને 1 લીલું મરચું (વૈકલ્પિક)ની જરૂર પડશે.
ગ્રીન ચટણી કેવી રીતે બનાવવી?
સૌ પ્રથમ મીઠું સિવાયની બધી સામગ્રીને સારી રીતે ધોઈ લો અને મિક્સરમાં પીસી લો. જ્યારે પેસ્ટ સારી રીતે તૈયાર થઈ જાય, ત્યારે તેમાં મીઠું મિક્સ કરો અને ચટણીને એરટાઈટ કન્ટેનરમાં સ્ટોર કરો અને તેને ફ્રિજમાં મુકી દો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
કોથમીર, ફુદીનો, લસણ, આદુ અને લીંબુની ચટણીના ફાયદા
- આ ચટણીમાં રહેલા ડાઈયૂરેટિક ગુણો યુરિક એસિડને યૂરિન દ્વારા બહાર કાઢવામાં મદદ કરે છે.
- લીંબુ અને આદુ કિડનીને ડિટોક્સ કરવામાં મદદરૂપ હોય છે.
- લસણ અને આદુમાં એન્ટી-ઈન્ફ્લેમેટરી ગુણ હોય છે, જે સોજો અને દુખાવો ઘટાડે છે.
- આ ચટણીમાં વપરાતા મસાલા પાચનતંત્રને મજબૂત બનાવે છે.
- તમે દરરોજ 1 થી 2 ચમચી આ ચટણી ખાઈ શકો છો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
