ટીમ ઈન્ડિયાનો સ્ટાર બેટ્સમેન વિરાટ કોહલી જ્યારે રવિવારે 19 નવેમ્બરે અમદાવાદના નરેન્દ્ર મોદી સ્ટેડિયમમાં વર્લ્ડકપ 2023ની ફાઈનલ મેચમાં ઓસ્ટ્રેલિયા સામે ટકરાશે, ત્યારે તે દિગ્ગજ કાંગારૂ ક્રિકેટર રિકી પોન્ટિંગના મહાન રેકોર્ડને નિશાન બનાવશે.
ભારતીય ક્રિકેટ ટીમના મહાન બેટ્સમેન વિરાટ કોહલી વર્લ્ડ કપમાં ઓસ્ટ્રેલિયાના પૂર્વ કેપ્ટન રિકી પોન્ટિંગનો મોટો રેકોર્ડ તોડશે. આમ કરવાથી વિરાટ કોહલી ખૂબ જ ખાસ અને મોટી સિદ્ધિ હાંસલ કરશે.
જો વિરાટ કોહલી 19 નવેમ્બરે ઓસ્ટ્રેલિયા વિરૂદ્ધ રમાનાર વર્લ્ડ કપ 2023ની ફાઈનલ મેચમાં 3 રન બનાવી લે છે તો તે એક મહાન રેકોર્ડ પોતાના નામે કરી લેશે. જો વિરાટ કોહલી 3 રન બનાવશે તો તે ODI વર્લ્ડ કપમાં સૌથી વધુ રન બનાવવાના મામલે બીજા સ્થાને પહોંચી જશે.
ઓસ્ટ્રેલિયા સામે 19 નવેમ્બરે યોજાનારી વર્લ્ડ કપ 2023ની અંતિમ મેચમાં 3 રન બનાવતાની સાથે જ વિરાટ કોહલી ODI વર્લ્ડ કપમાં તેના કુલ 1744 રન પૂરા કરશે. આમ કરવાથી વિરાટ કોહલી ઓસ્ટ્રેલિયાના પૂર્વ કેપ્ટન રિકી પોન્ટિંગને પાછળ છોડીને ODI વર્લ્ડ કપમાં સૌથી વધુ રન બનાવવાના મામલે બીજા સ્થાને પહોંચી જશે. ODI વર્લ્ડ કપમાં સૌથી વધુ રન બનાવવાના મામલે ભારતના મહાન બેટ્સમેન માસ્ટર બ્લાસ્ટર સચિન તેંડુલકર ટોપ પર છે.
સચિન તેંડુલકરે ODI વર્લ્ડ કપના ઈતિહાસમાં સૌથી વધુ 2278 રન બનાવ્યા છે. હાલમાં આ યાદીમાં ઓસ્ટ્રેલિયાના પૂર્વ કેપ્ટન રિકી પોન્ટિંગ ODI વર્લ્ડ કપમાં સૌથી વધુ રન બનાવવાના મામલે બીજા સ્થાને છે.
ઓસ્ટ્રેલિયાના પૂર્વ કેપ્ટન રિકી પોન્ટિંગે ODI વર્લ્ડ કપના ઈતિહાસમાં 1743 રન બનાવ્યા છે. વિરાટ કોહલી હાલમાં 1741 રન સાથે આ યાદીમાં ત્રીજા સ્થાને છે. ચોથા નંબર પર શ્રીલંકાના મહાન બેટ્સમેન કુમાર સંગાકારા હાજર છે. કુમાર સંગાકારાએ ODI વર્લ્ડ કપના ઈતિહાસમાં 1532 રન બનાવ્યા છે.
ODI વર્લ્ડ કપમાં સૌથી વધુ રન બનાવનાર બેટ્સમેન
1. સચિન તેંડુલકર (ભારત) – 2278 રન
2. રિકી પોન્ટિંગ (ઓસ્ટ્રેલિયા) – 1743 રન
3. વિરાટ કોહલી (ભારત) – 1741 રન
4. કુમાર સંગાકારા (શ્રીલંકા) – 1532 રન
5. રોહિત શર્મા (ભારત) – 1528 રન
6. ડેવિડ વોર્નર (ઓસ્ટ્રેલિયા) – 1520 રન
7. શાકિબ અલ હસન (બાંગ્લાદેશ) – 1332 રન
8. બ્રાયન લારા (વેસ્ટ ઈન્ડિઝ) – 1225 રન
9. એબી ડી વિલિયર્સ (દક્ષિણ આફ્રિકા) – 1207 રન
10. ક્રિસ ગેલ (વેસ્ટ ઈન્ડિઝ) – 1186 રન
