ભારતીય રિઝર્વ બેંકએ ખેડૂતો માટે મોટી જાહેરાત કરી છે. સેન્ટ્રલ બેંકે ખેડૂતો માટે કોલેટરલ ફ્રી લોન મર્યાદામાં વધારો કર્યો છે. હવે ખેડૂતો કંઈપણ ગીરો રાખ્યા વિના 2 લાખ રૂપિયા સુધીની લોન મેળવી શકશે.
અગાઉ આ મર્યાદા 1.6 લાખ રૂપિયા હતી, જેને RBIએ વર્ષ 2019માં વધારી હતી. પાંચ વર્ષ બાદ આવા પગલાને ખેડૂતો માટે મોટી રાહત તરીકે જોવામાં આવી રહ્યું છે.
હવે જે ખેડૂતોને 2 લાખ રૂપિયા સુધીની લોનની જરૂર છે તેઓ કોઈપણ મિલકત ગીરો રાખ્યા વિના આ નાણાં મેળવી શકશે. જો કે, તેઓએ ઓળખ અને અન્ય મહત્વપૂર્ણ હેતુઓ માટે અન્ય દસ્તાવેજો આપવા પડશે.
રિઝર્વ બેંક ઓફ ઈન્ડિયા દ્વારા નાના અને સીમાંત ખેડૂતોને ક્રેડિટ લાઈનમાં સામેલ કરવા માટે આ જાહેરાત કરવામાં આવી છે. તેનાથી વધુ ખેડૂતો લોનનો લાભ મેળવી શકશે. RBIની મોનેટરી પોલિસી કમિટીની બેઠકમાં આ નિર્ણય લેવામાં આવ્યો છે.
કોલેટરલ લોન શું છે?
સામાન્ય રીતે બે પ્રકારની લોન હોય છે. પ્રથમ અસુરક્ષિત (વ્યક્તિગત લોન, ક્રેડિટ કાર્ડ પર લોન), જેમાં તમારે કોઈ સિક્યોરિટી જમા કરાવવાની જરૂર નથી. બીજી હોમ લોન, કાર લોન, ગોલ્ડ લોન, બિઝનેસ લોન જેવી સુરક્ષિત લોન છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ લોન લેતી વખતે, બેંક તમારી પાસેથી સુરક્ષા લે છે. હવે આ સુરક્ષા પણ બે પ્રકારની છે. પ્રથમ પ્રાઇમ છે અને બીજું કોલેટરલ સિક્યોરિટી છે. જો ઉધાર લેનાર લોન ચૂકવવામાં અસમર્થ હોય, તો બેંક સિક્યોરિટી વેચીને તેના પૈસા ઉપાડી લે છે.
તમે કોલેટરલ ફ્રી લોન ક્યાંથી લઈ શકો છો?
કોલેટરલ ફ્રી લોન ખાનગી અને સરકારી બંને બેંકો પાસેથી લઈ શકાય છે. આ માટે વ્યાજ દર 10.50 ટકાથી વધુ છે. કોઈપણ મિલકત ગેરંટી વિના કોલેટરલ ફ્રી લોન આપવામાં આવે છે.
