ઉનાળામાં જે લોકો સતત ACમાં રહેતા હોય તેમના માટે અનેક સ્વાસ્થ્ય ઊભી થઈ શકે છે. જેમાં ત્વચા અને વાળની સમસ્યા પણ થઈ શકે છે.
ACની આડઅસરો
ઉનાળાની આ સીઝનમાં લોકો હવે ઘરોમાં AC ઓન કરી રહ્યા છે. કેટલાક લોકો રાત્રે AC ચાલુ રાખીને સૂતા હોય છે. પરંતુ એક્સપર્ટનું કહેવું છે કે આ આદત સ્વાસ્થ્ય માટે હાનિકારક સાબિત થઈ શકે છે.
ત્વચા અને આંખ સંબંધિત સમસ્યાઓ
સતત ACમાં રહેવાથી ત્વચા અને આંખ સંબંધિત ઘણી સમસ્યાઓ થઈ શકે છે. વધુમાં વાળના સ્વાસ્થ્ય અને ડિહાઇડ્રેશન જેવી સમસ્યાઓ પણ થઈ શકે છે. આ સ્થિતિમાં જો તમે પણ ગરમીથી રાહત મેળવવા માટે ACનો ઉપયોગ કરો છો તો તમારે તેની આડઅસરો વિશે જાણવું જરૂરી છે.
લાંબા સમય સુધી ACમાં રહેવાની હાનિકારક અસરો
ACના વાતાવરણમાં હવામાં ભેજ ઓછો થઈ જાય છે જેના કારણે ત્વચા ડ્રાય અને ડલ થઈ જાય છે. ડ્રાય હવામાં રહેવાથી એક્ઝિમાં, સોરાયસીસ અને રોસેસીયા જેવી ત્વચાની સ્થિતિઓનું જોખમ વધી શકે છે.
ડ્રાય આઈ
જેમને પહેલાથી જ ડ્રાય આઈની સમસ્યા છે તેમના માટે AC વધુ નુકસાન પહોંચાડી શકે છે. વધુ સમય સુધી ACમાં રહેવાથી આંખોમાં બળતરા, ખંજવાળ અને અસહજતા થઈ શકે છે. ભેજના અભાવે ત્વચાની સ્થિતિસ્થાપકતા ઓછી થવા લાગે છે, જેના કારણે કરચલીઓ અને ફાઈન લાઈંસ ઝડપથી દેખાવા લાગે છે.
નેચરલ ઓઈલ
AC વાળમાંથી કુદરતી ઓઈલ શોષી લે છે, જેના કારણે વાળ શુષ્ક,નબળા અને તૂટવા લાગે છે. જો AC યોગ્ય રીતે સાફ ન કરવામાં આવે તો તેમાં ધૂળ, પરાગકણ અને ફૂગ જેવા એલર્જન ભેગા થઈ શકે છે. તેનાથી એલર્જી, ફોલ્લીઓ અને ત્વચાની સમસ્યાઓ થઈ શકે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ બાબતોનું રાખો ધ્યાન
ACના સતત ઉપયોગથી પણ ડિહાઇડ્રેશન થઈ શકે છે. તેથી દિવસભર પૂરતું પાણી પીવો. સમય સમય પર AC બંધ કરો, બ્રેક લો અને નેચરલ હવામાં સમય પસાર કરો.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
