ડાયાબિટીસ વર્લ્ડ વાઇડ એક ગંભીર સમસ્યા બની ગઇ છે. વિશ્વમાં પ્રતિ વર્ષ આ બીમારીથી પીડિત દર્દીઓની સંખ્યામાં વધતી વૃદ્ધિ નોંધવામાં આવે છે. ભારતમાં પણ ડાયાબિટીસ એક હેલ્થ રિસ્ક છે.
શું તમે જાણો છો કે, વિશ્વમાં ડાયાબિટીસથી પીડિત દરેક વયસ્કોમાં 7માંથી 1 ભારતમાં છે. એટલું જ નહીં, દેશમાં ડાયાબિટીસ સંબંધિત મૃત્યુઆંકમાં પણ વૃદ્ધિ જોવા મળી રહી છે.
હજુ તો ડાયાબિટીસના મામલામાં વધુ ઉછાળ આવવાની સંભાવના પણ હેલ્થ એક્સપર્ટ્સ વ્યક્ત કરી રહ્યા છે. હાલમાં જ એક રિપોર્ટ અનુસાર, ભારતમાં ડાયાબિટીસના મામલે 20250 સુધી 73 ટકાની વૃદ્ધિ જોવા મળી શકે છે.
25 વર્ષોમાં દેશમાં 20-79 વર્ષના 156.7 મિલિયન વયસ્ક પીડિત થઇ શકે છે. તેથી જો તમે પ્રી ડાયાબિટીક છો તો કેટલાંક ઉપાય અજમાવી શકો છો જેથી ડાયાબિટીસના દર્દી બનવાથી બચી શકો. આયુર્વેદિક ન્યૂટ્રિશનિસ્ટ ડિમ્પલ જાંગડા (Dimple Jangda, Gut Health & Ayurveda Coach)એ કેટલાંક ઉપાયો વિશે માહિતી આપી છે, જે બ્લડ શુગર મેનેજ કરવા માટે વર્ષોથી કારગત છે.
માયો ક્લિનિક (Mayo Clinic) અનુસાર, પ્રી ડાયાબિટીસ એક એવી સ્થિતિ છે જેમાં બ્લડશુગર લેવલ સામાન્યથી વધુ થઇ જાય છે. પરંતુ એટલું વધારે નથી હોતું કે તેને ટાઇપ-2 ડાયાબિટીસ ગણવામાં આવે.
પ્રી ડાયાબિટીસ એ ડાયાબિટીસના ઉચ્ચ જોખમની ચેતવણી હોય છે. પરંતુ હેલ્ધી લાઇફસ્ટાઇલની મદદથી પ્રી ડાયાબિટીસને નોર્મલ બ્લડશુગર લેવલ પર લાવી શકાય છે. પ્રી ડાયાબિટીસમાં બ્લડશુગરને મેનેજ કરવા અથવા ઘટાડવા માટે અહીં જણાવેલા નુસખાઓ અજમાવી શકો છો.
કારેલાનું જ્યૂસ
કારેલાનું જ્યૂસ ડાયાબિટીક પેશન્ટ્સ માટે રામબાણ ઇલાજ છે, તેનો સ્વાદ કડવો ચોક્કસથી હોય છે પરંતુ તેમાં ચરૈન્ટિન અને મોમોર્ડિસિન નામનું કમ્પાઉન્ડ રહેલું છે જે શરીરમાં ઇન્સ્યૂલિનની નકલ કરે છે. તે બ્લડશુગર લેવલને રેગ્યુલેટ કરવા અને ઇન્સ્યૂલિન સેન્સિટિવિટીમાં સુધાર લાવવામાં મદદ કરે છે.
આ જ્યૂસનું દરરોજ સવારે ખાલી પેટે 30 દિવસ સુધી સેવન કરો, તેનાથી ડાયાબિટીસમાં સુધાર આવશે. જો તમને જ્યૂસ કડવો લાગે તો તેમાં ટામેટાંનો રસ મિક્સ કરી શકો છો.
સ્ટ્રિંગ બીન્સની ચા
આ સિવાય શુગર લેવલને કંટ્રોલ કરવા માટે સ્ટ્રિંગ બીન્સ અથવા ફ્રેન્ચ બીન્સની બનેલી ચાને પ્રભાવશાળી ગણવામાં આવે છે. તેમાં પર્યાપ્ત માત્રામાં ફાઇબર અને જરૂરી વિટામિન અને મિનરલ્સ રહેલા છે, જે પેન્ક્રિયાટિક હેલ્થને જાળવી રાખે છે. આ ચા ગ્લૂકોઝ સ્પાઇક્સને ઘટાડવા અને શુગર લેવલને કંટ્રોલ કરવામાં મદદ કરશે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ ચાને તૈયાર કરવા માટે 5 સ્ટ્રિંગ બીન્સને લાંબા દસ ટૂકડામાં કાપી લો, તેને દોઢ કપ પાણીમાં ત્યાં સુધી ઉકાળો જ્યાં સુધી પાણી અડધું ના થઇ જાય. આ પાણીને ગાળી સવારે ખાલી પેટ અથવા સાંજે 4 વાગ્યે પણ પી શકો છો.
મેથીના બીજ
શુગર લેવલને મેનેજ કરવા માટે ત્રીજો ઉપાય છે મેથીનું પાણી પીવું, જે દ્રાવ્ય ફાઇબરનો ઉત્તમ સોર્સ છે. મેથી તમારી ભૂખને રોકવા અને કોલેસ્ટ્રોલની સાથે સાથે ડાયાબિટીસના લક્ષણોને કંટ્રોલ કરવામાં મદદ કરે છે.
તેને બનાવવા એક ચમચી મેથીના બીજ લો, એક કપ પાણીમાં તેને ઉકાળીને ગાળી લો અને સવારે ખાલી પેટે પીવો. તેની સાથે તમે તજનો પાઉડર, કાળા જાંબુ જેને બ્લેકબેરી પણ કહેવામાં આવે છે તેનો પાઉડર અને કાળા મરી પણ સામેલ કરી શકો છો.
આ ત્રણેય ડાયાબિટીસ ફ્રેન્ડલી છે. તેમાં હાઇપોગ્લાઇસેમિક ગુણો રહેલા છે જે શરીરમાં બ્લડ ગ્લૂકોઝ લેવલને ઘટાડવામાં મદદ કરે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
