ગુજરાત ગૌણ સેવા પસંદગી મંડળ (GSSSB) દ્વારા મહેસૂલ તલાટીની ૨૩૮૯ જગ્યાઓ માટે ભરતીની જાહેરાત કરવામાં આવી છે. આ ભરતી પ્રક્રિયા નવા નિયમો હેઠળ હાથ ધરવામાં આવશે, જેમાં ઉમેદવારોની લાયકાત, ઉંમર અને પરીક્ષા પદ્ધતિમાં મહત્વપૂર્ણ ફેરફારો કરવામાં આવ્યા છે. ગુજરાતમાં સરકારી નોકરીની તૈયારી કરી રહેલા યુવાનો માટે સારા સમાચાર છે.
ગુજરાત ગૌણ સેવા પસંદગી મંડળ (GSSSB) દ્વારા મહેસૂલ તલાટી (રેવન્યુ તલાટી) ની કુલ ૨૩૮૯ જગ્યાઓ માટે ભરતીનું નોટિફિકેશન બહાર પાડવામાં આવ્યું છે. આ ભરતી માટેના ફોર્મ ભરવાની પ્રક્રિયા ૨૬ મે, ૨૦૨૫ ના બપોરે ૨ વાગ્યાથી શરૂ થઈને ૧૦ જૂન, ૨૦૨૫ ના રાત્રે ૧૧:૫૯ વાગ્યા સુધી ચાલશે.
આગામી રેવન્યુ તલાટીની ૨૦૨૫ ની ભરતી પ્રક્રિયા નવા નિયમો હેઠળ લેવામાં આવશે, જેમાં ઉમેદવારોની લાયકાત, ઉંમર, અને પરીક્ષા પદ્ધતિ સહિતની બાબતોમાં મહત્વના ફેરફારો કરવામાં આવ્યા છે.
ભરતીના નવા નિયમો અને ફેરફારો:
- પરીક્ષા પદ્ધતિ: હવે રેવન્યુ તલાટીની ભરતી માટે બે સ્તરમાં પરીક્ષાનું આયોજન કરવામાં આવશે:
- પ્રાથમિક કસોટી (Preliminary Test): આ પરીક્ષા ૨૦૦ માર્કની રહેશે અને MCQ (મલ્ટીપલ ચોઈસ ક્વેશ્ચન) આધારિત હશે.
- મુખ્ય પરીક્ષા (Main Examination): આ પરીક્ષા કુલ ૩૫૦ ગુણની રહેશે, જેમાં ૩ પેપરનો સમાવેશ થશે.
- ફી રિફંડ: તમામ ઉમેદવારોએ પરીક્ષા માટે ફી ભરવાની રહેશે. જોકે, પ્રાથમિક કસોટીમાં ૪૦ ટકા કે તેથી વધુ માર્ક્સ મેળવનાર ઉમેદવારોને ફી રિફંડ કરવામાં આવશે.
- લાયકાતમાં ફેરફાર: રેવન્યુ તલાટીની ભરતીના નવા નિયમો હેઠળ, હવે ૧૨ પાસની જગ્યાએ ઉમેદવારોએ ગ્રેજ્યુએટ હોવું ફરજિયાત છે અથવા તો સ્નાતકના છેલ્લા વર્ષમાં પરીક્ષા આપી હોય તેવા ઉમેદવારો જ અરજી કરી શકશે.
- ઉંમર મર્યાદા: ઉમેદવારોની લઘુત્તમ ઉંમર મર્યાદા ૧૮ વર્ષની જગ્યાએ ૨૦ વર્ષ કરવામાં આવી છે.
મુખ્ય પરીક્ષાનું માળખું:
મુખ્ય પરીક્ષામાં નીચે મુજબના ૩ પેપર રહેશે:
૧. અંગ્રેજી ભાષા: ૧૦૦ માર્કસનું પેપર (ધોરણ ૧૨ કક્ષાનું)
૨. ગુજરાતી ભાષા: ૧૦૦ માર્કસનું પેપર (ધોરણ ૧૨ કક્ષાનું) * આ પેપરમાં નિબંધ, ગદ્ય સમીક્ષા, સંક્ષેપીકરણ, વિચાર વિસ્તાર, પત્ર લેખન, અહેવાલ લેખન, ભાષાંતર અને ગુજરાતી વ્યાકરણનો સમાવેશ થશે.
૩. જનરલ સ્ટડીઝ: ૧૫૦ માર્કસનું પેપર * આ પેપર વર્ણનાત્મક (Descriptive) હશે અને ગુજરાતી માધ્યમમાં રહેશે. * સમય: ૩ કલાક * વિષયો: * ગુજરાતનો તથા ભારતનો ઇતિહાસ * સાંસ્કૃતિક વારસો (ગુજરાતને પ્રાધાન્ય) * ગુજરાત તથા દેશની ભૂગોળ * વિજ્ઞાન અને ટેકનોલોજી * પ્રાદેશિક, રાષ્ટ્રીય અને આંતરરાષ્ટ્રીય મહત્વની ઘટનાઓ, વર્તમાન પ્રવાહો સહિત * ભારતીય રાજ્ય વ્યવસ્થા અને બંધારણ * ભારતીય અર્થતંત્ર અને આયોજન * જાહેર વહીવટ અને શાસન, સરકારશ્રીની યોજનાઓ વિષયક જાણકારી * જાહેર સેવામાં શિસ્ત તથા નૈતિકતા (Ethics)
મહત્વપૂર્ણ તારીખો અને વેબસાઇટ:
- ઓનલાઇન અરજી કરવાની તારીખ: ૨૬/૦૫/૨૦૨૫ (બપોરના ૧૪-૦૦ કલાકથી) થી ૧૦/૦૬/૨૦૨૫ (રાત્રિના ૧૧.૫૯ કલાક સુધી).
- અરજી કરવા માટેની વેબસાઇટ:https://ojas.gujarat.gov.in.
- ભરતી સંબંધિત સૂચનાઓ માટેની વેબસાઇટ:https://gsssb.gujarat.gov.in.
અરજી કરતા પહેલા ધ્યાનમાં રાખવા જેવી બાબતો:
- ઉમેદવારોએ ઓનલાઇન અરજી કરતા પહેલા વિગતવાર સૂચનાઓ અને સમગ્ર જાહેરાત ધ્યાનથી વાંચવી જરૂરી છે.
- અરજી કરતી વખતે શૈક્ષણિક લાયકાત, વય, જાતિ તેમજ અન્ય લાયકાતના અસલ પ્રમાણપત્રો પોતાની પાસે રાખવાના રહેશે અને તે મુજબ વિગતો ભરવાની રહેશે.
- ખોટી વિગતોને કારણે અરજી રદ થઈ શકે છે, તેથી કાળજીપૂર્વક અરજીપત્રક ભરવું.
- શૈક્ષણિક લાયકાત, વયમર્યાદા, નોન-ક્રિમિલેયર સર્ટિફિકેટ, EWS પ્રમાણપત્ર, જાતિનું પ્રમાણપત્ર અને અન્ય જરૂરી લાયકાત માટે ૧૦/૦૬/૨૦૨૫ની સ્થિતિ ધ્યાનમાં લેવામાં આવશે.
જાહેરાતમાં અમદાવાદ, અમરેલી, અરવલ્લી, આણંદ, કચ્છ, ખેડા, ગાંધીનગર, ગીર સોમનાથ, છોટાઉદેપુર, જામનગર, જુનાગઢ, ડાંગ, દાહોદ, તાપી, દેવભૂમિ દ્વારકા, નર્મદા, નવસારી, પંચમહાલ, પાટણ, પોરબંદર, બનાસકાંઠા, બોટાદ, ભરૂચ, ભાવનગર, મહીસાગર, મહેસાણા, મોરબી, રાજકોટ, વડોદરા, વલસાડ, સાબરકાંઠા, સુરેન્દ્રનગર અને સુરત જિલ્લાઓ માટે કક્ષાવાર જગ્યાઓની વિગતો આપવામાં આવી છે. કુલ ૨૩૮૯ જગ્યાઓ છે.
અનામત અને અન્ય જોગવાઈઓ:
- અનામત જગ્યાઓ મૂળ ગુજરાતના અનામત વર્ગના ઉમેદવારો માટે જ છે.
- મહિલાઓ માટે અનામત જગ્યાઓ રાખવામાં આવી છે. જો લાયક મહિલા ઉમેદવાર ઉપલબ્ધ ન થાય તો તે જગ્યા સંબંધિત કેટેગરીના પુરુષ ઉમેદવારથી ભરવામાં આવશે.
- મહિલા અનામત સિવાયની બાકી રહેતી જગ્યાઓ ફક્ત પુરુષ ઉમેદવારો માટે અનામત નથી, તેના પર પુરુષ તેમજ મહિલા ઉમેદવારો મેરિટના આધારે પસંદગી પામી શકે છે.
- દિવ્યાંગ તથા માજી સૈનિક ઉમેદવારો જે કેટેગરીના હશે તે કેટેગરીના ગણવામાં આવશે. દિવ્યાંગ ઉમેદવારો માટે વિવિધ કેટેગરીમાં જગ્યાઓ અનામત છે.
વયમર્યાદા અને છૂટછાટ: (૧૦/૦૬/૨૦૨૫ ના રોજ ગણવામાં આવશે)
- ઉમેદવારે ૨૦ વર્ષ પૂરા કરેલા હોવા જોઈએ અને ૩૫ વર્ષ પૂરા કરેલ ન હોવા જોઈએ.
- વિવિધ કેટેગરીના ઉમેદવારોને નિયમોનુસાર ઉપલી વયમર્યાદામાં છૂટછાટ મળશે (મહત્તમ ૪૫ વર્ષની મર્યાદામાં).
- અનામત વર્ગના ઉમેદવારો જો બિનઅનામત જગ્યા માટે અરજી કરશે તો વયમર્યાદામાં છૂટછાટ મળશે નહીં.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
પગારધોરણ:
પ્રથમ પાંચ વર્ષ માટે પ્રતિમાસ રૂ. ૨૬,૦૦૦/- ના ફિક્સ પગારથી નિમણૂક અપાશે. પાંચ વર્ષના અંતે સંતોષકારક સેવાઓ જણાયેથી સાતમા પગાર પંચ મુજબ નિયમિત નિમણૂક મળશે. આ બાબત સુપ્રીમ કોર્ટમાં થયેલ SLP ને આધીન રહેશે.
શૈક્ષણિક લાયકાત:
- ઉમેદવાર માન્ય યુનિવર્સિટીમાંથી સ્નાતકની પદવી અથવા સરકારે માન્ય કરેલ સમકક્ષ લાયકાત ધરાવતો હોવો જોઈએ.
- ફાઇનલ વર્ષ/સેમેસ્ટરની પરીક્ષા આપેલ હોય અને પરિણામ જાહેર ન થયું હોય તેવા ઉમેદવારો પણ અરજી કરી શકશે. જોકે, ડોક્યુમેન્ટ વેરિફિકેશન સમયે પાસ થયાનું પ્રમાણપત્ર રજૂ કરવાનું રહેશે.
- કોમ્પ્યુટરના ઉપયોગ અંગેની પાયાની જાણકારી હોવી જોઈએ.
- ગુજરાતી અથવા હિન્દી અથવા બંને ભાષાનું પૂરતું જ્ઞાન હોવું જોઈએ.
પરીક્ષા ફી:
- બિન અનામત વર્ગ માટે પ્રાથમિક પરીક્ષા ફી રૂ. ૫૦૦/-.
- અનામત વર્ગ (તમામ કેટેગરીની મહિલા, સા.શૈ.પ.વર્ગ, અનુસૂચિત જાતિ, અનુસૂચિત જનજાતિ, આ.ન.વર્ગ, દિવ્યાંગ અને એક્સ સર્વિસમેન) માટે પ્રાથમિક પરીક્ષા ફી રૂ. ૪૦૦/-.
- ફી ઓનલાઇન માધ્યમથી જ ભરવાની રહેશે.
- પરીક્ષામાં હાજર રહીને પ્રાથમિક પરીક્ષામાં ઓછામાં ઓછા ૪૦% ગુણ મેળવનાર ઉમેદવારોને ફી પરત કરવામાં આવશે.
- મુખ્ય પરીક્ષા માટે ક્વોલિફાય થનાર ઉમેદવારોએ મુખ્ય પરીક્ષા માટે અલગથી ફી ભરવાની રહેશે નહીં.
પરીક્ષા પદ્ધતિ:
પરીક્ષા બે તબક્કામાં લેવામાં આવશે: પ્રાથમિક પરીક્ષા (MCQ આધારિત) અને મુખ્ય પરીક્ષા (વર્ણનાત્મક).
- પ્રાથમિક પરીક્ષા (૨૦૦ ગુણ, ૩ કલાક):
- ગુજરાતી: ૨૦ ગુણ
- અંગ્રેજી: ૨૦ ગુણ
- રાજનીતિ/જાહેર વહીવટ, અર્થશાસ્ત્ર: ૩૦ ગુણ
- ઇતિહાસ, ભૂગોળ, સાંસ્કૃતિક વારસો: ૩૦ ગુણ
- પર્યાવરણ, વિજ્ઞાન અને ઇન્ફોર્મેશન ટેકનોલોજી: ૩૦ ગુણ
- વર્તમાન પ્રવાહો: ૩૦ ગુણ
- ગણિત અને રિઝનિંગ: ૪૦ ગુણ
- દરેક ખોટા જવાબ માટે ૦.૨૫ ગુણ નેગેટિવ માર્કિંગ રહેશે (વિકલ્પ-E પસંદ કરવાના કિસ્સામાં નેગેટિવ માર્કિંગ લાગુ પડશે નહીં).
- પ્રાથમિક કસોટી ફક્ત સ્ક્રીનિંગ ટેસ્ટ છે, તેના ગુણ આખરી પસંદગી યાદી માટે ધ્યાને લેવાશે નહીં.
- પ્રાથમિક પરીક્ષાના મેરિટના આધારે જગ્યાના પાંચ ગણા ઉમેદવારોને મુખ્ય પરીક્ષા માટે લાયક ગણવામાં આવશે.
- મુખ્ય પરીક્ષા (વર્ણનાત્મક):
- પેપર ૧: ગુજરાતી ભાષા કૌશલ્ય (૧૦૦ ગુણ, ૩ કલાક)
- પેપર ૨: અંગ્રેજી ભાષા કૌશલ્ય (૧૦૦ ગુણ, ૩ કલાક)
- પેપર ૩: સામાન્ય અભ્યાસ (૧૫૦ ગુણ, ૩ કલાક) (સ્રોત: પરિશિષ્ટ-C, પાનું ૨૧)
